Wikimedia Foundation elections/Board elections/2007/Candidates/pms
| 2007 board elections |
|---|
| Organization |
Costa-sì a l'é la piataforma ufissiala dëj candidà a j'Elession al Consej ëd Gestion dla Fondassion Wikimedia, dël 2007. Al dì d'ancheuj l'acetassion dij candidà a l'é sarà.
Presentassion a la curta dij candidà
Presentassion dij candidà
Modifiché Board elections/2007/Candidates
In other languages: català (ca) čeština (cs) Deutsch (de) English (en) Esperanto (eo) español (es) suomi (fi) français (fr) italiano (it) 日本語 (ja) norsk bokmål (nb) Nederlands (nl) polski (pl) Piemontèis (pms) português (pt) русский (ru) 中文 (zh) [edit]
| Utent | Ausir |
|---|---|
| Nòm vèir | Paweł Dembowski |
| Pòst | Głogów, Poland |
| Età | 24 |
| Pàgina(e) dl'utent | User:Ausir, w:pl:user:Ausir, w:en:user:Ausir, commons:user:Ausir |
| Ativ an Wikimedia fin daj | Fërvé dël 2004 |
| Proget dont i fom part | I son pì che d'àotr ativ ansima a la Wikipedia an polonèis, cola an anglèis e Commons, ma i l'hai daje ëdcò dle contribussion a dj'àotri proget an polonèis e an anglèis, e an cheidun-a an àotre lenghe. |
| Lenghe che i dòvro an mie contribussion | I son fluent an polonèis e an anglèis e i l'hai na cita padronansa ëd russi e alman. |
| Anliure a chèich mia contribussion | pl.wikipedia, en.wikipedia, meta, commons |
| Mè programa | I l'hai travajà a Wikipedia e a dj'àotri proget dla Wikimedia fin dël Fërvé dël 2004 e i l'hai fait pì che 20.000 modìfiche, (dzortut) ant le Wikipedia n'anglèis e polonèis e an Commons. I l'hai la qualìfica d'aministrator an tute e tre, cola ëd CheckUser ant la Wikipedia an polonèis, i son mangiapapé an Commons e vardian an Wikimedia. I son un dij fondator dl'associassion Wikimedia Polska. A dila giusta i l'hai nen travajà vàire ant ij proget dla Wikimedia ant j'ùltim mèis, ma i l'hai na gran veuja da buteme an pari.
Al dì d'ancheuj i studio comercialisassion e aministrassion a l'Università d'Economia ëd Wrocław e ij travajo coma consulent a fé viragi antra angleis e polonèis (I l'hai travajà për Microsoft e Adobe). I veuj che Wikipedia e la resta doèrta e lìbera, lòn ch'a veul dì che i son pro dla limitassion a manch ch'as peul dël dovré material nen lìber (pr'esempi ël dovré giustificà dle figure). I son ëdcò an favor dij proget seur dla Wikipedia, ma i chërdo che cheidun-a dle seur a sia nen ëstaita na gran idèja fin dal prinsipi, e i chërdo che nen tuti a debio avej ël midem livel ëd cura. I son un gran sostenitor dël multilenghism e i chërdo che le comun-e locaj a vado giutà. I veuj vëdde pì 'd gent ch'a riva nen da 'nt l'Euròpa Ossidental ò da 'nt jë Stat Unì ant j'afé dla Wikimedia. |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Ausir/questions |
· العربية (ar) · català (ca) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Danny | |
|---|---|---|
| Nòm vèir | Danny Wool |  |
| Pòst | St. Petersburg, Florida | |
| Età | 43 | |
| Pàgina(e) dl'utent | English Wikipedia. | |
| Ativ an Wikimedia fin daj | ùltim mèis dël 2001/registrà dij prim dël 2002 | |
| Proget dont i fom part | I son ativ ant sle Wikipedia e Wikisource an anglèis, i l'hai daje dle contribussion a vàire àotri proget (antra j'àotre i l'hai dait na man a anandié Wikijunior), e an vàire àotre lenghe. | |
| Lenghe che i dòvro an mie contribussion | I son fluent an anglèis e ebréo. I sai la sòrt ëd fransèis che un a l'amprendìa ant jë scòle superior an Ontario dij prim agn '70 | |
| Anliure a chèich mia contribussion | English Wikipedia, English Wikisource, Commons, Hebrew Wikipedia, Hebrew Wikisource. | |
| Mè programa | Quis custodiet ipsos custodes?
Dël Novémber dël 2006 ël Consej, ël personal dj'ufissi e rapresentant dij capìtoj a son trovasse a Franchfort për tre dì për pianifiché lë vnì dla Fondassion. Passaie set mèis, còs é-lo rivaie? A l'é pro vèira che ël personal a l'é aumentà, ma lolì a fa mach pes nostr sagrin: Andova a l'é na strategìa për trové dij fond? Andova a l'é na pianificassion técnica? Coj ch'a resterìo ij pian për la sostenibilità? L'espansion antërnassional e le colaborassion a son na gran bela ròba ma lòn che ël Consej a l'ha da fé a l'é concentresse ansima le question principaj, vardé ij capitaj fondamentaj e fé an manera che ël proget a resta viv e amportant. Mi i sper dë concentreme ansima a lolì. Coma utent registrà dla Wikipedia fin da prinsipi dël 2002, i l'hai giutà a buté nsema cheidun-a dle linie-guida fondamentaj. I l'hai tirà sù fond për la Fondassion, e dorbù le pòrte për anco' pì 'd sòld ch'a rivèisso. I l'hai ëdcò passà squasi 20 mèis a travajé ant j'ufissi dla Fondassion office, e ij na conosso motobin tuti j'aspet. An mia vita i l'hai travajà con vàire mojen tant për ël setor orientà al profit che për col nen orientà al profit. I son ëdcò stait un redator professionista d'enciclopedìe an papé. I l'hai l'orgheuj dë dì che i son anco' ativ an vàire proget. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Danny/questions | |
· العربية (ar) · català (ca) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | DragonFire1024 | |
|---|---|---|
| Nòm vèir | Jason Safoutin |  |
| Pòst | Buffalo, New York, United States | |
| Età | 26 | |
| Pàgina(e) dl'utent | English Wikinews, English Wikipedia, English Commons. | |
| Ativ an Wikimedia fin daj | Wikinews: 9 ëd Gené dël 2006; Wikipedia: 21 ëd Gené dël 2006; Commons: 14 ëd Gené dël 2006 | |
| Proget dont i fom part | Wikinews, Wikipedia, Commons. | |
| Lenghe che i dòvro an mie contribussion | English | |
| Anliure a chèich mia contribussion | wikinews:en:special:contributions/DragonFire1024, w:en:special:contributions/DragonFire1024, commons:special:contributions/DragonFire1024. | |
| Mè programa | I son stait motobin ampegnà an en.Wikinews e i son ëdcò n'aministrator. I l'hai publicà squasi 450 artìcoj ansima a en.Wikinews fin da quand i son rivà, dël Gené dël 2006. I l'hai ëdcò fait vàire anterviste an esclusiva për Wikinews e i son ëstait un djë svilupator për Wikinews Video 2.0 e Wikinews Weather (BETA). I l'hai creà 2 film promossionaj për wikinews e i son col ch'a l'ha organisà e fait parte ël servissi Meteo ëd Wikinews (torna dapress a pì che 2 agn e mes ëd travaj). Ës proget adess a l'é mantnù e agiornà da mi e n'àotr utent. I l'hai ël but dë coinvolge sempe pì d'utent dle vàire Wiki ant ël process ëd registré a buté an onda ij film ëd Wikinews e ël servissi Meteo.
Mè pì gran but an scala dla wikipedia a l'é col dë deje a j'utent ëd vàire proget diferent la possibilità dë travajé ansema ansima a sò proget e idèje. Sòn për giutene a trové dle manere neuve tant ëd fé la cheujta dj'anformassion che soa distribussion a tut ël mond. I chërdo che tuti ij proget dla Wikimedia a dovrìo esse tratà con l'istess deuit quand as parla ëd polìtiche/finanse/via fòrt e che le polìtiche dont as decid për lòn ch'as peul a debio esse faite conforma al proget ch'a 'n n'ha da manca. I chërdo ëdcò che le comun-e ëd vira proget a dovrìo esse pì ciamà a partecipé a cole decision dël Consej che a peulo avej dle consegoense dràstiche ansima a sò travaj. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/DragonFire1024/questions | |
· العربية (ar) · català (ca) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Eloquence | |
|---|---|---|
| Nòm vèir | Erik Möller |  |
| Pòst | Berlin, Gërmania | |
| Età | 28 | |
| Pàgina(e) dl'utent | on Meta, on en.wp, on de.wp, on Commons, on en.wikinews | |
| Ativ an Wikimedia fin daj | December 2001 | |
| Proget dont i fom part | Wikipedia, Wikinews, Commons, Meta, Spoken Wikisource | |
| Lenghe che i dòvro an mie contribussion | anglèis, alman (chèich vira) | |
| Anliure a chèich mia contribussion | vardé dzora | |
| Mè programa | I son ëstait ant ël Consej për 9 mèis coma component elegiù (vardé my 2006 platform). Ant ës perìodo-sì i l'hai ëdcò travajà coma Segretari Esecutiv dël Consej. Ël Consej dont i son rivà a fé part a l'ha s-ciairà cheidun dij cambiament pì amportant dla stòria dla Foundassion. Coma organisassion, i l'oma
Ël progress ant j'àotri front a l'é antramentr ch'a pija 'l gir (la compatibilità dle license, le cooperassion istitussionaj coma cola con Enciclopedìa dla Vita, l'arsërca për n'Aministrator Delegà fiss, ij pian për na neuva cheujta ëd fond e via fòrt). I sper che i podrài andé anans a travajé an coste e an dle neuve aree. :-) Për piasì, ch'a varda "9 months of wiki madness" (an anglèis) për trové na sgoard pì personal ansima al temp che i l'hai passà an Consej fin-a a adess e a mie speranse për lë vnì. Mersì! | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Eloquence/questions | |
· català (ca) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Frieda | |
|---|---|---|
| Nòm vèir | Frieda Brioschi |  |
| Pòst | Roma, Italia | |
| Età | 30 | |
| Pàgina(e) dl'utent | Frieda, w:it:Utente:Frieda | |
| Ativ an Wikimedia fin daj | 13 ëd Magg dël 2003 | |
| Proget dont i fom part | I travajo pì che d'àotr ansima a it.wiki, it.wikt, it.source, ma i l'hai faje vàire modìfiche ëdcò a dj'àotri proget n'italian, en.wiki, MetaWiki e FoundationWiki. | |
| Lenghe che i dòvro an mie contribussion | italian, anglèis, i son bon-a a lese na frisa dë spagneul e portoghèis | |
| Anliure a chèich mia contribussion | w:it:Speciale:Contributi/Frieda, Special:Contributions/Frieda, s:it:Special:Contributions/Frieda, commons:Special:Contributions/Frieda | |
| Mè programa | I l'hai travajà an Wikipedia e an dj'àotri proget dël WMF fin dël Magg dël 2003, e i son ëstaita ël prim aministrator ëd it.wiki. Dël Giugn dël 2005 i son ëstaita un-a dij fondator ëd Wikimedia Italia e 'cò prim president (i lo son ancò al dì d'ancheuj). I son mangiapapé an it.wiki, it.news, it.source e it.wikt. I fom part (ma a l'é pa ch'i fasa tant) dël Comità për ij proget ëspeciaj, n'aministrator dl'assistensa e contat ëstampa për it.wiki.
I l'hai chèich idèja ëd base:
| |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Frieda/questions | |
· العربية (ar) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Kate | |
|---|---|---|
| Nòm vèir | River Tarnell |  |
| Pòst | Oxford, UK | |
| Età | 23 | |
| Pàgina(e) dl'utent | User:Kate, w:en:User:Kate | |
| Ativ an Wikimedia fin daj | 6 ëd Giugn dël 2004 | |
| Proget dont i fom part | en.wikipedia, meta | |
| Lenghe che i dòvro an mie contribussion | anglèis | |
| Anliure a chèich mia contribussion | meta, en.wp | |
| Mè programa | Ën stand an Consej i tirereu andré la Fondassion a sò prim but: col ëd publiché ant sla la Ragnà n'enciclopedìa che la gent a peul modifiché. I sarai pro a trasferì ò saré ij proget che a son nen dle Wikipedia. I sarai contra a qualsëssìa tentativ dla Fondassion dë publiché contnù an dj'àotre forme, coma dij lìber. An tute le manere, i chërdo che publiché nòstr contnù a sia amportant, an manera che a peulo riveje a sempe pì 'd gent, comprèis coj ch'a l'han pa gnun acess a la Ragnà. Im darìa da fé a sërché dle colaborassion con dj'àotre organisassion che a sio bon-e a felo.
I tajereu via spèise fin-a al mìnim, ën dovrand tut lòn ch'as peul ëd nòstre finanse për manten-e nòstra presensa ant sla Ragnà. Im butëreu a esploré dj'àotre possibilità ëd finansament ant sël pat dle donassion dj'utent, coma sussidi pùblich, sponsorisassion e reclam. I tirereu sù nòstra competensa tècnica con na quantità ëd mojen, pr'esempi ën assumend dël personal tècnich suplementar, e i fareu an manera ch'i l'abio j'idèje ciàire ëd coma ch'i podoma slarghesse për rivé a sodisfé la domanda ëd nòstr contnù. I son ëstaita programatriss ëd MediaWiki e aministrator ëd sistema dla Wikimedia fin-a dël 2004, e i chërdo che sòn am daga na comprension bele ùnica ëd coma nòstra organisassion a la travaja da na mira tècnica, e ëd che cambiament a venta fé për esse sigur che nòstr sucess an mòla nen. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Kate/questions | |
· čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Kim Bruning | |
|---|---|---|
| Nòm vèir | Kim Bruning |  |
| Pòst | Wijk en Aalburg, Pais Bass | |
| Età | 29 | |
| Pàgina(e) dl'utent | English wikipedia, (central) (also many on other projects ... ) | |
| Ativ an Wikimedia fin daj | prima modìfica dël 2001, peuj regular dël ~2003 | |
| Proget dont i fom part | wikipedia n'anglèis, i dom ëd consej ëdcò a dj'àotre, chèich vira. | |
| Lenghe che i dòvro an mie contribussion | anglèis, olandèis, i capisso l'alman, ant jë scòle superior i l'hai studià fransèis e latin. | |
| Anliure a chèich mia contribussion | en | |
| Mè programa | Bondì, mi am diso Kim Bruning. I son ëstait an chèich manera responsabil dël process ëd solussion dij conflit (anulé e ripristiné modìfiche) ant la Wikipedia anglèisa. Al dì d'ancheuj i travajo dzortut ant sël process, mach dle vire i giuto për dj'emergense. I l'hai ëdcò travajà coma programator e agiutant an Omegawiki, a parte da st'ann-sì.
Për la Fondassion le question dla gestion ëd tuti ij dì, le màchine servent e la continuità ëd servissi a son amportante. I chërdo che con sossì i sio tuti d'acòrd e anlora vardoma chèich-còs d'àotr: Al dì d'ancheuj a-i son 700 wiki an pì che 250 lenghe spantià antra vàire proget. Ëd comunicassion antra sti proget a-i n'a-i é bele gnun-a, lòn ch'a fa malfé che la gent as ëscambia ël savej. Për esempi:
I l'oma ëdcò dë manca dë parlesse dë pì con aotre organisassion nen orientà al profit. A peul bin esse che lor a l'abio già amprendù dle lession ansima a ròbe andova nojàotri i l'oma anco' tuti nòstr sagrin. Donca la gestion ëd tuti ij dì e l'aument dla comunicassion anterna e esterna a l'é lòn che i vorerìa travaje-ie dzora ant sti doj agn ch'a ven-o. Se i veule giuteme a rivé a felo, për piasì voteme ò buteve an contat con mi, ò tut e doj! | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Kim Bruning/questions | |
· čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Kingboyk |
|---|---|
| Nòm vèir | Stephen Kennedy |
| Pòst | Gloucestershire, United Kingdom |
| Età | 34 |
| Pàgina(e) dl'utent | Main: English Wikipedia. Others: Wikipedia in other languages, Meta, Commons, Mediawiki, Wiktionary. |
| Ativ an Wikimedia fin daj | September 2005 |
| Proget dont i fom part | Wikipedia n'anglèis e dj'àotre. I son ëdcò programista dl'AutoWikiBrowser. |
| Lenghe che i dòvro an mie contribussion | anglèis, chèich motobin cita frisa ëd fransèis |
| Anliure a chèich mia contribussion | En |
| Mè programa | I veuj vëdde na Foundassion pì fòrta e democràtica, na guida e n'assistensa a ij volontari ch'a sio faite mej, e i veuj che ij but prim as ës-ciàro mej. La Fondassion a l'ha da manca d'esse pì robusta ant soa vision, ant sò goèrn dij volontari, ant la gestion ëd soa marca comersial, e ant soa responsabilità.
Da 'nt ël Consej ij ciamëreu un programa scadensià për ël dësvlup ch'a-i ven. Im concentrereu ansima a nòstra espansion fòra dl'Euròpa e dl'América Setentrional, e ansima a un miliorament dla colaborassion e scambi d'idèje antra wiki diferente. I l'oma un frach ëd ròba d'amprende un da l'àotr. Con tut ël rispet i potereu anans mia idèja che tuti coj che a stan ant ël Consej a debio esse elegiù. I son ant la wikipedia da doj agn. I son aministrator ant la Wikipedia an anglèis, i son AWB programista, e i l'hai giutà a scrive chèich Artìcol Premià. I l'hai esperiensa a un livel davsin a cost, ën essend che i son ëstait ant ël Consej dl'Union djë Student e ant ël Comità Finansiari dl'Università Brunel. I stom ant na cita cassin-a an Inghiltera. Costa-sì a l'é na version condensà ëd mè programa. Conforma a ij deuit dj'elession, I l'hai prontà an version privà un programa personal che i-j fom anvit a lese a tuti ij votant. Mersì. |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Kingboyk/questions |
· العربية (ar) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Michael Snow | |
|---|---|---|
| Nòm vèir | Michael Snow |  |
| Pòst | Seattle, Washington, Stat Unì d'América | |
| Età | 33 | |
| Pàgina(e) dl'utent | pàgina utent ant sla Wikipedia n'anglèis | |
| Ativ an Wikimedia fin daj | Dzémber dël 2003 | |
| Proget dont i fom part | Wikipedia, Meta (dle vire ëdcò Wikinews e Wikimedia Commons) | |
| Lenghe che i dòvro an mie contribussion | anglèis (chèìch vira ëdcò fransèis e alman, che i son bon a parlé) | |
| Anliure a chèich mia contribussion | English Wikipedia, Meta (për mè travaj an dj'àotri proget i l'hai nen për fòrsa dovù registreme) | |
| Mè programa | I l'hai rispet për tut lòn che la Fondassion Wikimedia a l' staita bon-a a fé fin-a adess con pa vaire d'arsorse e dëmentrè che vàire fòrse che la tiravo dadsà e dadlà. I l'hai ël but d'ampinì chèich beucc e fela vnì n'organisassion pì fonsionala. Le finanse a son na question sempe doèrta, con lòn che Wikimedia a l'ha da tiré andrinta pì 'd sòld e trové neuve sorgiss ëd donassion. Ël podej dla marca comersial a peul giuté a travajé con ij fond, ma sòn a l'ha da esse fait con ij pè për tera për preservé la neutralità e vardé la marca midema da gent da fòra che a peul vorej dovrela për fesse sò afé. Le relassion con ij diferent proget e soe component a van coltivà. Ël consej a dev deje da ment a la comun-a con atension, e nen mach ëscoté le vos pì fòrte.
Gavà ël travaj ant sj'artìcoj dla Wikipedia, mia esperiensa an Wikimedia a l'ha coatà vàire aree. Për tanta get, se i conòsse me nòm a peul esse ch'a sia përchè i l'hai anandià Ij cartej stradaj dla Wikipedia dël prinsipi dël 2005. Contut ch'a volèissa nen esse la sorgiss ëd neuve universala për lòn ch'a toca la Wikimedia, a l'é miraco bon-a tan-me qualsëssìa àotra sorgiss, e a l'ha vàire letor da vàire proget, ant sël pat ëd coj dla Wikipedia an anglèis. Mie àotre partecipassion a la Wikimedia a l'han comprendù la presidensa dël Comità dle Comunicassion. Coma avocà chèich vira i l'hai ëdcò daje consej a la Fondassion Wikimedia, quand soe question legaj a-i intravo an lòn ch'i peulo fé për dé na man. I chërdo d'avej idèja dla sfida ch'i l'oma dadnans e che i sarìa bon a mné na prospetiva vajanta ant ël consej. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Michael Snow/questions | |
· العربية (ar) · čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · 中文 (zh)
| Utent | Mindspillage | |
|---|---|---|
| Nòm vèir | Kathleen Walsh |  |
| Pòst | Herndon, Virginia, Stat Unì d'América (un borgh dla periferìa ëd Washington, DC) | |
| Età | 24 | |
| Pàgina(e) dl'utent | en.wikipedia, en.wikinews, meta, foundation | |
| Ativ an Wikimedia fin daj | Giugn dël 2004 | |
| Proget dont i fom part | English Wikipedia, English Wikinews, Meta, con dle partecipassion limità a vàire àotri proget. | |
| Lenghe che i dòvro an mie contribussion | anglèis, spagneul elementar | |
| Anliure a chèich mia contribussion | en.wikipedia, en.wikinews, meta | |
| Mè programa | I l'hai trovà Wikipedia dël 2004 e i son butame da tranquila a scrive ëd mùsica clàssica, ën ciamandme daspërmì che rassa ëd mat ch'a-i passèisso mai tant temp ansima. Dapress a n'ann i travajava ant l'assistensa, i fasìa da contat ëstampa, e i son ëstaita antra ij fondator dël Comità dle Comunicassion; peuj i son ëstaita nominà an Consej dlë Dzémber dël 2006.
Al dì d'ancheuj i stom a la Scòla ëd Lej, andova che i travajo për n'arvista ëd lej e economìa. I son n'antern ant un proget educativ legal an linia, e ij son na musicìsta clàssica. Antramentr che i-i era ant ël consej i l'hai travajà ansima a question che a-i intravo con le polìtiche dle license, contnù lìber e a gràtis e la promossion dla cultura lìbera e a gràtis, pùbliche relassion, e decision stratégiche ant sla gestion dla marca comersial e dle cooperassion; i sper dë s-ciairé almanch cheidun-a dë ste question amnà a bonfin ant col curt temp che i l'hai servù an consej. Mè anteresse a l'é che che ël Consej as bogia con na vision ëd soa mission ant ij temp longh, e che a pija pa dle decision che a peulo buté a na bruta mira lë vnì dla Fondassion. Për fé lolì i l'oma dë vëdde motobin ciàir coj ch'a son nòstr valor e nòstra mission, e i dovoma ten-e nòstr but d'esse n'arsorsa lìbera, an manera che ël contnù a l'abia nen da manca dla Fondassion për dzorvive. Gavà sossì, im figuro che i debio sërché dle cooperassion con dj'organisassion ch'a l'han mideme nòstre idèje, për ëmné a bon fin nòstra mission ëdcò pì anlà che lòn che la Fondassion Wikimedia a peul fé daspërchila. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Mindspillage/questions | |
· català (ca) · čeština (cs) · Deutsch (de) · English (en) · Esperanto (eo) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · русский (ru) · Türkçe (tr) · 中文 (zh)
| Utent | Oscar | |
|---|---|---|
| Nòm vèir | Oscar van Dillen |  |
| Pòst | Rotterdam, Pais Bass | |
| Età | 49 | |
| Pàgina(e) dl'utent | User:Oscar, foundation:User:Oscar, commons:User:Oscar, nl:User:Oscar, de:User:Oscar, en:User:Oscar, es:User:Oscarami, fr:User:Oscar, it:User:Oscar, tr:User:Oscar, zh:User:Oscar, e anco' dj'àotre; ëdcò pàgine an olandèis, con wikibooks, wikinews antra j'àotre. | |
| Ativ an Wikimedia fin daj | Fërvé dël 2004 | |
| Proget dont i fom part | vàire, ma a son dzortut la wikipedia an olandèis e metawiki che a l'han pijait la pì gran part ëd mie contribussion. | |
| Lenghe che i dòvro an mie contribussion | i son fluent n'olandèis, anglèis, alman e fransèis, i parlo vàìre àotre lenghe a truch e branca, ma an tute le manere mie contribussion prinsipaj a son n'olandèis e ansima a metawiki. | |
| Anliure a chèich mia contribussion | chèich anliura direta da ij mè proget prinsipaj: wikipedia n'olandèis, registr dla wikipedia n'olandèis, metawiki, registr ëd metawiki, wikimediawiki an olandèis, registr ëd wikimediawiki an olandèis, e ëdcò wikipedia n'anglèis, commonswiki... | |
| Mè programa | i son un compositor professionista e i mostro al Conservatòri ëd Rotterdam. An mia cariera 'd travaj i son ëstait ëdcò dirigent d'asienda ad interim për vàire agn. Ën essend ëstait nominà coma elegiù al consej ëd gestion slargà dlë Dzémber dël 2006, i l'hai avù l'onor dë serve për ses mèis fin d'antlora (ch'a varda ëdcò pì d'anformassion). Ën essend chërsù andrinta al proget i son avnù aministrator ëd sistema dla wikipedia n'olandèis dël Magg dël 2004, ant sël meta dl'Avril dël 2005, e i son vardian dël Giugn dël 2005; i l'hai fondà e i son ëstait ël prim president ëd wikimedia nederland, i son ëstait ant ël Comità dij Proget Speciaj che adess a l'é fërm, e al dì d'ancheuj is son president dël Comità ëd Control. I l'hai fait lòn ch'i podìa për resté an contat con l'ordinaria aministrassion dij proget, nen n'afé da doj sòld quand un a l'é pijn dij sò dafé ant ël consej. Ant la riunion ëd Franchfort dël 2006 (vardé mia relassion) i l'hai paragonà wikimedia a un gigant coj pé 'd paota e sòn a l'é stait mè pì gran sagrin: consolidé l'organisassion dij volontari (coma che i son mi) con na noss dura ëd professionista pagà, che an daga d'apògg për chërse anco' dë pì ant lë vnì e për resté andipendent coma organisassion. Butand an consideran che sòn i soma stait bon a felo mach për na part, am piasërìa giuté 'cò për le part ch'a-i ven-o, cole che a faran pì fòrte nòstra chërsùa e nòstr ëspantiament, nòstra qualità e stabilità, nòstra andipendensa e responsabilità. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Oscar/questions | |
· čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · română (ro) · русский (ru) · 中文 (zh)
| Utent | UninvitedCompany | |
|---|---|---|
| Nòm vèir | Steve Dunlop |  |
| Pòst | Minneapolis, Minnesota, Stat Unì d'América | |
| Età | 41 | |
| Pàgina(e) dl'utent | meta, en, commons | |
| Ativ an Wikimedia fin daj | 27 ëd Mars dël 2003 | |
| Proget dont i fom part | Wikipedia anglèisa, Meta, e con manch coinvolgiment ëdcò commons e Wikibooks | |
| Lenghe che i dòvro an mie contribussion | anglèis | |
| Anliure a chèich mia contribussion | en, meta | |
| Mè programa | I son andrinta al proget da pì che quatr agn, e i l'hai avù vàire pòst da volontari ant la Wikipedia anglèisa e la Fondassion. A l'é belfé che la gent am conossèissa dzortut për mè travaj a l'assistensa, fin-a che i son ëstait elegiù al Comità d'Arbitragi dla Wikipedia anglèisa. Ant sël pat dë fé ël volontari i travajo coma dirigent dël dësvlup ëd programa informàtich e coma musicista semiprofessionista.
Për fela curta, ël but ëd mia candidatura a l'é col dë mné un livel professional pì àot and ël Consej ëd Gestion e ant ij travaj ëd tuti ij dì dla Fondassion. La Fondassiona l'ha da manca da tiré na gran quantità ëd donator për resté solventa sensa dë manca dë dovré la reclam. Për tiré donator ëd taja gròssa, la diression dla Fondassion a parte dal Cansej ë vnì giù a l'ha dë esse professional e responsabil, e a la dev esse bon-a a buté ansema ij valor ùnich dij proget con lòn ch'a së speto la comun-a dij donator. Sòn a l'ha da manca ëd cambiament dlë Statut për fé an manera che ij consej ch'a-i ven-o a sio qualificà. A venta ëdcò che i faso an manera che la posission d'Aministrator Delegà a sia anteressanta për na person-a ëd gran talent coma i voroma trové. Lòn a veul dì pì ëd delega dij podej e l'ha da manca d'un consej che as treuva mej a comandé che nen a fé chiel ël travaj. Coma part dël Consej ëd Gestion mè travaj a l'avrà mach ës but-sì. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/UninvitedCompany/questions | |
· čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · norsk bokmål (nb) · Nederlands (nl) · polski (pl) · Piemontèis (pms) · português (pt) · română (ro) · русский (ru) · 中文 (zh)
| Utent | WarX | |
|---|---|---|
| Nòm vèir | Artur Jan Fijałkowski |  |
| Pòst | Mikołów, Polònia | |
| Età | 23 | |
| Pàgina(e) dl'utent | w:pl:user:WarX, commons:user:WarX, pl:chapter:user:WarX | |
| Ativ an Wikimedia fin daj | 17 ëd Gené dël 2005 | |
| Proget dont i fom part | Wikipedia an polonèis, commons | |
| Lenghe che i dòvro an mie contribussion | poloneìs, anglèìs | |
| Anliure a chèich mia contribussion | pl.wiki, commons | |
| Mè programa | I l'hai travajà ant la Wikimedia për squasi 2 agn e mes. D'antlora i l'hai fait vàire mila modìfiche e scancelassion tant ansima a commons che a la wiki an polonèis. Al dì d'ancheuj mie contribussion direte a son nen vàire, ma i stom travajand a arsèive dj'acrédit da fotograf për vàire event andova i veuj fé ëd fotografìe për Wikimedia (pr'esempi ël festival dla Metalmania) e lòn am pòrta via na barca 'd temp. Dlë Dzémber dël 2006 i son stait elegiù al Consej dla Wikimedia Polska Association. I son autor dël Logo dla Comun-a dla Wikimedia, ch'a l'é dovrà an Pianeta Wikimedia  . Mè but an Consej a sarìa col dë felo pì cossient dla situassion ant jë stat pòst-comunista, ch'a son nen ësgnor tan-me le nassion ossidentaj che a dòmino ël Consej ch'i l'oma.
| |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/WarX/questions | |
· čeština (cs) · Deutsch (de) · English (en) · español (es) · suomi (fi) · français (fr) · italiano (it) · 日本語 (ja) · Piemontèis (pms)
| Utent | Yann | |
|---|---|---|
| Nòm vèir | Yann Forget |  |
| Pòst | Annemasse, Fransa | |
| Età | 42 | |
| Pàgina(e) dl'utent | fr.wiki, en.wiki, Commons, en.wikisource, fr.wikisource | |
| Ativ an Wikimedia fin daj | 24 Dzémber dël 2002 | |
| Proget dont i fom part | Wikipedia (fr, en, hi, gu), Commons, Wikisource (fr, en, sa, hi), Wiktionary (fr, hi, gu) | |
| Lenghe che i dòvro an mie contribussion | fransèis, anglèis (squasi da nativ), hindi (bastansa bin), gujarati (pen-a pen-a) | |
| Anliure a chèich mia contribussion | fr.wiki, commons, Wikisource | |
| Mè programa | I fom part dij proget dla Wikimedia dlë Dzémber 2002 (4 agn e mes), pì che d'àotr an Wikipedia, Wiktionary, Commons e Wikisource. I son un dij prim contributor ëd Wikisource, fin da ij temp ch'i lo ciamavo anco' Proget Sourceberg. I l'hai la qualìfica d'aministrator an squasi na dozen-a ëd proget dla Wikimedia e i son vardian fin da Giugn dël 2005. Dël Novémber dël 2003 i l'hai fortì la creassion ëd Wikimédia France, dont i son ëstait segretari antra 'l 2004 e 'l 2005.
I son un programista profesionista specialisà an programa a gràtis fin dal 1998. Anans ëd lolì i l'hai travajà 10 agn con Organisassion nen goèrnative a proget umanitari, sossiaj e culturaj. I l'avrìa piasì dë mné mia esperiensa faita ant j'organisassion nen orientà al profit e ant ël moviment dla cultura lìbera e a gràtis a servissi dla Fondassion Wikimedia. Am piasërìa che la Fondassion a la fussa n'organisassion anfluenta, për pode smon-e conossensa lìbera e a gràtis motobin lontan e an manera spantià. Mè pì gran agiut a sarìa col ëd travajè për l'andipendensa finansiaria. | |
| S'a veul ciameme chèich-còs, për piasì ch'a lo fasa ambelessì: | Board elections/2007/Candidates/Yann/questions | |
In other languages: čeština (cs) Deutsch (de) English (en) español (es) suomi (fi) français (fr) italiano (it) 日本語 (ja) norsk bokmål (nb) Nederlands (nl) polski (pl) Piemontèis (pms) português (pt) română (ro) русский (ru) 中文 (zh) [edit]
| User | ^demon | |
|---|---|---|
| Real name | Michael "Chad" Horohoe |  |
| Location | Richmond, Virginia, United States of America | |
| Age | 19 | |
| User page(s) | On the English Wikipedia | |
| Wikimedia participant since | 23 February 2005 (but had been contributing as an anonymous user for some time before that, probably early 2004) | |
| Projects in which I participate | English Wikipedia, Wikimedia Commons for transwiki work. | |
| Languages in which I participate | English, elementary-level French | |
| Link to user contribution pages | On the English Wikipedia | |
| My candidate statement | Wikipedia is an absolutely phenomenal thing. The Wikimedia Foundation exists to support both Wikipedia and its many sister projects by providing both financial and infrastructural support. It stands to reason that we need people on the Board who understand what we're really here for--providing as much freely-licensed content to as many people as possible in their own native language. The Board of Directors should have, nay, needs to have people who are as closely aligned with this guiding principle as possible. As a board member, I would strive to play towards my individual strengths of management, technical know-how, and my ability to communicate with others. However, none of us must ever be too proud to not stop and ask for help; be it from outside help, developers, local administrators, and even the normal day-to-day contributors--both registered and anonymous. I believe many times those involved "higher-up" in the running of the Foundation can, at times, lose sight of that core policy I highlighted. This is something I promise to never do.
I believe that the Foundation is currently making a major mistake on what has recently to me become a very major issue. The WMF has long held a policy of "No Open Proxies" allowed for editing. The feeling has often been that quite a large amount of vandalism is coming from such proxies. The ability has long existed for us to be able to soft-block those proxies (in that registered users can edit, but anonymous ones cannot). For quite some time, Tor was soft-blocked. However, earlier this year, unilateral action was taken to hard block all of these proxies, preventing even valuable users from being able to contribute. When Board members were contacted, they did nothing. Rather, Jimbo encouraged discussion, which got nowhere due to a set mindset that is impossible to break. In the meantime, other users were mowed down for this same issue. Are we to allow the projects to lose highly valuable and valued contributors simply because the Foundation will not act? If I am elected, I would like to have the issue visited at a Foundation-level. While we may not see the results I would prefer, I would like to see the Foundation at least exert effort to see if this policy does in fact need revising, rather than the lack of action by anyone. | |
| For questions, please post here | Board elections/2007/Candidates/^demon/questions | |
Deuit për ij candidà
Mach chi ch'a fa part dël Comità Eletoral a peul modifiché sta session-sì. Se un a l'é nen ant ël Comità, për piasì, ch'a buta le modìfiche ch'a veul fé and la pàgina ëd discusion. Motobin mersì.
Ij candida a j'elession al Consej ëd Gestion dla Wikimedia a venta ch'as presento ansima a sta pàgina-sì anans dij 23 ëd Giugn dël 2007 (23:59 UTC). Trè consilié a saran elegiù fin-a a Giugn dël 2009.
Për podej presentesse, un a dev avej fait almanch 400 modìfiche ansima a fussa che un proget dla Wikimedia, le modìfiche a venta ch'a sio staite faite tute da 'nt ël midem cont, e la prima a venta ch'a sia rivà almanch n'ann anans dij 1 ëd Giugn dël 2007 (00:00 UTC). Ij candidà a venta 'cò che a l'abio fait almanch 18 agn e a devo buté an pùblich soa identità vèira. Për dle question legaj un a peul nen rintré an Consej coma anònim ò sota a pseudònim. Ij candidà a dovrìo savej coj ch'a resto j'òbligh d'un consilié (Ch'a varda ëdcò soèns an ciamo). Për piasì, ch'a ten-a ëdcò da ment che cola dël consilié a l'é nen na posission pagà conforma a lë Statut dla Wikimedia.
Ant sël pat dë ste-ie andrinta a coj lìmit-lì, ij candidà a venta ëdcò ch'arsèivo l'apògg dël nùmer mìnim d'utent ansima a la pàgina dj'Board elections/2007/Apògg.
Për confermé soa candidatura un a venta ch'a l'abia ativà sò servissi ëd pòsta eletrònica ant sël Meta. Ij candidà dont candidatura, visadì identità, a riess nen a esse confermà a saran dësqualificà.
As peul nen sté an Consej coma anònim, donca për piasì ch'a presenta amch s'a l'é pront a buté an pùblich soa identita vèira. Ij candidà a l'avran da identifichesse da na mira completa dnans al Comità Eletoral ò chèich àotra person-a ch'a sarà nominà për felo, sempe ch'a l'abio già nen falo damëntrè ëd n'elession prima. A sarà contatà con pì d'istrussion ansima a sta question. Ij candidà ch'a son ëstait confermà da almanch un ëd coj ch'a fan part dël Comità Eletoral ò da sò designà a l'avran sò nòm marcà an grassèt.
Për la presentassion dij candidà a-i son sti deuit-sì:
- Minca presentassion ch'a ten-a nen pì che 1,200 caràter an soa lenga originala.
- Ël Comità Eletoral as darà da fé për fé an manera che ij prim 1,200 caràter dle presentassion a ven-o virà an pì lenghe ch'as peul.
- Ij candidà a peulo scriv-se na soa presentassion privà për mej specifiché lòn ch'a son bon a fé. L'anliura a sta presentassion as peul butesse andrinta a la presentassion ufissiala.
- Ij candidà a peulo ciamé sò viragi daspërlor. Për fesse giuté con ij viragi un a peul dovré la bacheca ëd Babylon ò dj'àotri mojen ëd comunicassion; Ch'a varda ëdcò Viragi për savejne dë pì.
Pr piasì, ch'as còpia lë stamp e ch'a lo ampinissa con j'anformassion dont a fa da manca. Për evité che cheidun a l'abia na posission ëd preferensa, për piasì, ch'as buta an órdin alfabétich për ëstranòm, conforma a l'algoritm d'ancolagi Unicode.
Ël manual për le presentassion dij candidà a peul giuteje a pronté na presentassion ch'a sia belfé a lese për ël pùblich global. Comsëssìa, lòn a l'é mach l'opinion dël Comità Eletoral, donca nen na publicassion ufissiala. Ij candidà a venta ch'a ten-o da ment ch'a-i é gnun-a garansìa ëd viragi, tut a dipend dal travaj dij volontari. Ël Comità Eletoral a fara tut lòn ch'a peul për feje vnì veuja a ij volontari dë fé sti viragi.
Dariera question, për piasì ch'as visa dë gionté sò nòm e le lenghe ch'a dòvra për mandé sò programa ant la presentassion curta dij candidà.
Esempi
=== [[User:stranòm]] ===
{{Board candidate 2007/pms
|username=
|real name=
|location=
|age=
|userpages=
|joined=
|projects=
|languages=
|contribs=
|image= (optional)
|statement=
}}