Dismisiòun dal vèci Vistìdi dissgnèdi

This page is a translated version of the page Turning off outdated skins and the translation is 76% complete.
Outdated translations are marked like this.

Par druèr al mej al pôchi arsòursi ca gh'òm a dispusisiòun, dal 15 al 24 'd avrìl 2013 tùti el Vistìdi dissgnèdi fòra ed Vector, Monobook, Modern e Cologne Blue j sràn tòlti per sèimper da la MediaWiki e dòunca dai wiki ed Wikimedia. Si al tò còunt l'è imposté par druèr una 'd cal vèci Vésti dissgnèdi,[1] int' dal tô wiki j't daràn in automàtic cla Vésta dissgnèda prédefinìda (ch'l'è normalmèint Vector).

la Vésta dissgnèda Nostalgia, ùna 'd quìli ch'andom a tôr vìa

Quànti persòuni jni interèsèdi da cal lavòr chè?

Śvèin al 0,53% di utèint atìv ed Wikimedia, e śvèin al 0,39% di utèint atìv cun piò 'd 1.000 scritùri. Al cumprènd ànca al 0,31% di utèint 'd Wikimedia chi 'nn ìn mìa atìv da piò 'd tèimp (gnànca 'na scritùra o 'n inserimèint int di ultèim sé méś). L'è disponibìl 'na ripartisiòun statìstica intèra .

Mè, cùśa dévia fèr?

Si tè tī adré a druèr Monobook, Modern, Cologne Blue, u Vector (p.es. s' t' enn é mai cambiè cla preferàinsa chè), tùt quest al n' è mìa per tè, e t'en dév fèr gnìnt. Si tè tī adré a druèr 'na vècia Vésta dissgnèda e a't piès anca druèr quèla predefinìda in tùti el wiki (Vector), t' en ghé da fèr gnint.

Altrimèinti te pò andèr int su Special:Preferences in di tò ptòun personèl che t' càt in sìma a tùti èl pàgìni, clìca int dla secònda tabulasiòun ("Appearance"), e sernìss ùna di "Vector", "Monobook", "Modern" u "Cologne Blue", pò schìsa "Save" in fònda àla pàgina. S't' enn ī minga cunvìnt ed quèla Vésta dissgnèda druèr, te pô druèr la stèsa manéra per catèrla.

Perchè uèter a fé quèst?

Al motìv prinsipèl l'è che i nôv sistéma ca sòm adré 'd costruìr - el comunicasiòun inter-wiki, el mijòri manéri 'd controlèr al nôvi pagìni, el pagìni 'd discùsiòun piò fàsil da druèr, e di èter - j devèn stèr daintèr int tùt al nôstri Vistìdi dissgnèdi. Nuètr' ann psòm brìsa cambièr dal software vècc' cun dal nôv che però al ne pòsa mia funsiònèr par na pèrt anca cìca dla comunité: al 'n 's pôl pròpria mìa dèr.

Al probléma l'è che, avèndegh tròpi Vistìdi dissgnèdi, andèr a lavurèr par lôr l'è dispendiòs int dal sèins dal tèimp ed svilùp (e anca di fònda di dunadòr). Al tèimp in piò ca và spés per fèr quèl ca'l gìra int su nôv u déś vistidi dissgnèdi, l'è quèl ch'al va spés in méno per costruìr di nôv sistéma u mantgnìr al software già présèint. Cal fàt chè al diminuìs anca el còśi che normalmèint nuètr' andòm a costruìr, vìst che un quelch particulèr ùtil pròpria al ne funsiòuna brìsa cul Vistìdi dissgnèdi dal 2001 u dal 2002. Al risultè l'è ch' a j òm dû sceglièr sa prodùr pôc software e dimòundi lentamèint, interòumpèr el costrùsiòun per 'na pùr cìca pèrt dla nòstra comunìté, u tôr vìa el vèci Vistìdi dissgnèdi; a j òm décìś pr al térs lavôr.

Perchè a tgnì cal quàter Vistìdi dissgnèdi chè?

Al Vistìdi dissgnèdi che nuèter adèsa a tgnòm disponìbìl (Vector, Monobook e Cologne Blue) j' in estédi selesiònédi perchè j funsiòunen bèin cùi sistéma ca mitòm. Vector l'è la Vistìda dissgnèda normèl, ca mitòm e a mantgnòm saimpr' agiornéda, druèda int su tùt j progèt anca per testèr i bug ed sistéma. Chj èter trì téma (Monobook, Modern e Cologne Blue) j'in mantgnù da dj prugràmàdôr volontàri chj mètèn a dispusisiòun al lôr tèimp a gràtis. Nuèter ed la Wikimedia Foundation a prùàròm ed mantgnìr 'na cumpatìbìlìté ch'la vàga ancòra bèin per cal vèci Vistìdi dissgnèdi chè, perchè anca el funsiòuni piò nôvi j posèn ancòra funsiònèr. Int dàl tèimp, però, si 'na quèlchd' ùna ed cal Vistìdi dissgnèdi chè la gnìs vècia, nuètr' a prèven avér bisògn d'abàndunèr anca quèla lè.

Prèv dères ch' al vèci Vesti dissgnèdi j ìn mijòri pr' al persouni cul cunèsiòun/cumputer laint?

La piò grand pèrt no. A' s' dà al chèś che el vèci Vistìdi dissgnèdi j druèven méno ed scritùra infurmàtica e dòunca j funsiòunèvèn mej int su dj computer vèc u dj cunèsiòun lèinti a Internet. Ma dàl 2011 un cambiamèint tècnìc l' à fàt in manéra che quèst al ne sìa piò véra e che la diferèinsa la sìa un quèl da gnìnt (al masìm pôc kilobyte, u 'd sòta dàl 5% ed caricamèint ed 'na pàgina tìpica).

Da cl'ètra pèrt, Vector e Monobook j drôven dimòndi figùri int dàl sfòndi (al cuntràri, pr'esèimpi, dla Vistìda dissgnèda Classic/Predefinìda), un quèl càl prèv apèina crèser al caricamèint dla CPU. Modern e cologne Blue j 'n gh' àn brîśa càl problèma chè.

Anca égli abituèli scritùri in js/css, scrìti per imitèr el vèci Vistìdi dissgnèdi, j pôlen śountèr da per lôr dl'etèr tèimp per carghères.

A mè am piès dimòundi un quèl d'na quèlchid'ùna 'd cal vèci Vistìdi dissgnèdi - cùma pòsia fèr?

Tùti el vèci Vistìdi dissgnèdi j pôlèn esèr cambièdi cun el persunalisasiòun dl'utèint. A s' pôl fasilmèint càmbièr una del Vistìdi dissgnèdi predefinìdi (cùma Vector u Monobook) per arcréèr dj elemèin ed n'ètra (cùma Classic u Nostalgia). Quèst al permèt ed mantgnìr chj particulèr ch' an s' vôl brîśa śmètèr.

S' te gh' é bisògn d'ajùt, te andré a scrivèr dal dmàndi cèri, cumpléti, e pertinèinti al Tech gènd quèla spésìfica pèrt ed 'na vècia Vistìda dissgnèda te vrèv int dla nôva. Pr' esèimpi, "a éra dré ch' a druèva la Vistìda dissgnèda Classic e adèsa a vrèv druèr Monobook; cùm' ò-j-a da cambièr al fònt perch' al sìa serìf al pôst ed sans-serif?"

Al nòti

  1. ⧼Skinname-chick⧽, ⧼Skinname-standard⧽, ⧼Skinname-myskin⧽, Nostalgia e ⧼Skinname-simple⧽.