ESEAP Hub/ၶေႃႈၸႅင်ႈၵၢၼ် ၵဵဝ်ႇၵပ်း လွင်ႈၸတ်းတင်ႈ သုၼ်ၵၢင်ၼႃႈလိၼ်

ESEAP Hub

Next meeting (virtual): 10 တီႇသႅမ်ႇပႃႇ 2023

ၶေႃႈၸႅင်ႈၵၢၼ် ၵဵဝ်ႇၵပ်း လွင်ႈၸတ်းတင်ႈ သုၼ်ၵၢင်ၼႃႈလိၼ် ၶွင် ဝီႇၶီႇမီႇတီႇယႃႇ ESEAP

ဢၼ်လႆႈလူင်းၸိုဝ်ႈဝႆႉ တီႈ ၶေႃႈၸႅင်ႈၵၢၼ် ၵဵဝ်ႇၵပ်း လွင်ႈၸတ်းတင်ႈ ၶွင် ဝီႇၶီႇမီႇတီႈယႃႇ ပွတ်းဢွၵ်ႇ၊ ဢေးသျႃးၸဵင်ႇၸၢၼ်းဝၼ်းဢွၵ်ႇ လႄႈ သုၼ်ၵၢၼ်ၼႃႈလိၼ် ပၸိၽိၵ်ႉ ဢၼ်ပဵၼ် တူဝ်ယေႃႈမၼ်း ESEAP ၼၼ်ႉ ႁဝ်းၶႃႈ ယိူင်းၸူးတႃႇပဵၼ်ဢွင်ႈတီႈၸူႉတုမ်ၵၼ် ဢၼ်ပၼ်လႆႈ လွင်ႈၵမ်ႉၵႅမ်ၼိူဝ် လွင်ႈယိူင်းဢၢၼ်း ၵၢၼ်တူင်ႉၼိုင် ဝီႇၶီႇမီႇတီႇယႃႇ တွၼ်ႈတႃႇ ၸုမ်းဝီႇၶီႇမီႇတီႇယႃႇ၊ ၸုမ်းၸိူဝ်းၵဵဝ်ႇၵွင်ႉၵၼ် လႄႈ ၸိူဝ်းပဵၼ်ဢၼ်ၽူႈၶဝ်ႈတႅမ်ႈၶဝ် ၸိူဝ်းမီးယူႇတီႈ ပွတ်းဢွၵ်ႇ၊ ဢေးသျႃးၸဵင်ႇၸၢၼ်းပွတ်းဢွၵ်ႇ လႄႈ ပၸိၽိၵ်ႉၼႆယဝ်ႉ။

ၶေႃႈယိူင်းဢၢၼ်း လႄႈ ၶေႃႈမုင်ႈမွင်း

ၶေႃႈယိူင်းဢၢၼ်း ၶွင် သုၼ်ၵၢင် ႁဝ်းၶႃႈၼႆႉ တွၼ်ႈတႃႇပၼ်ႁႅင်း ၵူၼ်းၸိူဝ်းမီးယူႇတီႈ ႁိမ်းႁွမ်းၼႃႈလိၼ် ESEAP တႃႇႁႂ်ႈ ပိုၼ်ပၼ်ပၢႆးႁူႉတင်းသဵင်ႈၼၼ်ႉယဝ်ႉ။ ႁူမ်ႈဝႃႈ ၽႃႇသႃႇၵႂၢမ်းလၢတ်ႈ၊ ၽိင်ႈငႄႈၽိင်ႈထုင်း၊ ပထဝီႇလႅင်လိၼ် လႄႈ ၼႃႈလိၼ်ၶၢဝ်းယၢမ်း ပဵၼ်ဝႆႉ မီးဝႆႉၸိူင်ႉႁိုဝ်ၵေႃႈယႃႇ ႁဝ်းၶႃႈယုမ်ႇယမ်ဝႃႈ ၽူႈလႂ်ၽႂ်သေဢမ်ႇဝႃႇ မၼ်းထုၵ်ႇယိုၼ်းထိုင်လႆႈသေ ၽူႈလႂ်ၽႂ်သေဢမ်ႇဝႃႈ ႁႂ်ႈပေႃးၸၢင်ႈ ႁူမ်ႈသၢင်ႈၵမ်ႉၵႅမ်လႆႈယူႇ ၼႆယဝ်ႉ။ ႁဝ်းၶႃႈ မုင်ႈမွင်းဝႆႉ တႃႇၸတ်းတင်ႈၵွင်ႉသၢၼ် လႄႈ လွင်ႈထိင်းသိမ်းၵႂႃႇၶၢဝ်းယၢဝ်း ၼိူဝ် ယူင်ႉၵၢၼ် ၸိူဝ်းၶဝ်ႈပႃး ငဝ်ႈငႃႇဝီႇၶီႇ လႄႈ ပိုၼ်ႉႁူႉဢၼ်ပဵၼ်ၾရီး၊ ဝီႇၶီႇမီႇတီႇယႃႇ ၶွမ်ႇမွၼ်း၊ ဝီႇၶီႇတေႇတႃႇ၊ ဝီႇၶီႇၽီးတီးယႃး၊ ၼႂ်းၵႄႈ ၸုမ်းလႂ်ၸုမ်းၼၼ်ႉ၊ ဢမ်ႇၼၼ် ၵူၼ်းၵေႃႉလႂ်ၵေႃႉၼၼ်ႉ ၸိူဝ်းဢၼ်တေၸွႆႈထႅမ် ႁႂ်ႈတၢင်းယိူင်းဢၢၼ်းႁဝ်း ပေႃးတေတဵမ်ထူၼ်ႈၵႂႃႇၼၼ်ႉယူႇ။

လွင်ႈမုင်ႈမွင်း ၶွင် သုၼ်ၵၢင်ႁဝ်းၶႃႈၼႆႉ တႃႇႁူမ်ႈသၢင်ႈၵၼ် တီႈ လွင်ႈၸတ်းတင်ႈ ၼႃႈလိၼ် ESEAP ဢၼ်ၵမ်ႉၵႅမ်ပၼ်လႆႈ ပိုၼ်ႉႁူႉ တွၼ်ႈတႃႇ ၽူႈလႂ်ၽႂ်သေဢမ်ႇဝႃႈၼၼ်ႉယဝ်ႉ။ ယွၼ်ႉပိူဝ်ႈဝႃႈ ပိုၼ်ႉႁူႉၼၼ်ႉ မၼ်းပဵၼ်ႁႅင်းဢီးဢၼ်ၶိုၵ်ႉၶႅမ်ႉဢၼ်ၼိုင်ႈလႄႈ ႁဝ်းၶႃႈ မုင်ႈမွင်းဝႆႉဝႃႈ မၼ်းတေၸၢင်ႈလႅၵ်ႈလၢႆႈပၼ်လႆႈ ၸၢတ်ႈပၢၼ်ၵူၼ်းႁဝ်းလႄႈ လွင်ႈယူႇသဝ်းတူင်ႇဝိူင်းၵူၼ်းႁဝ်းယူႇ ၼႆယဝ်ႉ။ ၼွၵ်ႈသေ လွင်ႈၸတ်းတင်ႈ ၽိင်ႈႁူမ်ႈသၢင်ႈ ဢၼ်ပၼ်ႁႅင်း ၵူၼ်းၵေႃႉလႂ်ၵေႃႉၼၼ်ႉ တႃႇႁႂ်ႈ ပိုၼ်ၽႄႈ ပိုၼ်ႉႁူႉပၼ်ၸူး လူၵ်ႈလုမ်ႈၾႃႉၼၼ်ႉ ႁဝ်းၶႃႈ လႆႈၽင်ၸႂ် တႃႇႁုၼ်ႈမုၼ်း လႄႈ တႃႇၵမ်ႉထႅမ်ပၼ် ငဝ်ႈငႃႇ ပိုၼ်ႉႁူႉ ဢၼ်မၼ်ႈၵႅၼ်ႇ၊ ဢၼ်ယုမ်ႇယမ်လႆႈ လႄႈ ဢၼ်ၵူၼ်းတင်းၼမ် ၶဝ်ႈႁူမ်ႈပႃးလႆႈၼၼ်ႉယဝ်ႉ။

တွၼ်ႈတႃႇႁႂ်ႈ ၶေႃႈယိူင်းဢၢၼ်း လႄႈ ၶေႃႈမုင်ႈမွင်းႁဝ်းၶႃႈ ပေႃးတေတဵမ်ထူၼ်ႈၼၼ်ႉ ႁဝ်းၶႃႈႁူႉႁၼ်ပွင်ႇလႅင်းၸႂ်ဝႃႈ လွင်ႈႁူမ်ႈသၢင်ႈ လႄႈ လွင်ႈသၢၼ်မိုဝ်းၵၼ်ၼႆႉ မၼ်းလမ်ႇလွင်ႈတႄႉတႄႉၼႆယူႇ။ ႁဝ်းၶႃႈ ယုမ်ႇယမ်ဝႃႈ လွင်ႈႁူမ်ႈသၢင်ႈတင််းၵူၼ်းတၢင်ႇၸိူဝ်း ၵေႃႉၸိူဝ်းဢၼ်ဢဝ် လွင်ႈယုမ်ႇယမ် လႄႈ လွင်ႈယိူင်းဢၢၼ်းႁဝ်းၶႃႈ ပိုၼ်ၽႄႈပၼ်ၼၼ်ႉၼႆႉ မၼ်းတေႁဵတ်းႁႂ်ႈႁဝ်းၶႃႈ လႆႈၽွၼ်းလီလိူဝ်၊ လွင်ႈဢွင်ႇမၢၼ်လိူဝ်သေ ႁဝ်းၶႃႈႁဵတ်းၽႂ်ႇႁဵတ်းမၼ်းၼၼ်ႉယဝ်ႉ။ ႁဝ်းၶႃႈ ယိူင်းၸူး တွၼ်ႈတႃႇၸတ်းတင်ႈ လွင်ႈၵွင်ႉသၢၼ် ဢၼ်မီးတီႈပွင်ႇ ဢၼ်ႁႅင်းယႂ်ႇ တင်း ၸုမ်းဢၼ်ၵဵဵဝ်ႇၵပ်းလူၺ်ႈၵူၼ်းမိူင်း၊ ၸုမ်းပၢႆးပႆႇၺႃႇ၊ ၸုမ်းၸိူဝ်းဢမ်ႇဢဝ် ၼမ်ႉမျၢတ်ႈၼမ်ႉတွၼ်း လႄႈ ၸုမ်းၸိူဝ်းဢၼ်တူင်ႉၼိုင်ၼင်ႇ တူဝ်မိူၼ်ၵၼ်ၸႂ်မိူၼ်ၵၼ်ၼၼ်ႉၶႃႈယဝ်ႉ။

ႁဝ်းၶႃႈ ဝႆႉၵႃႈၶၼ်ၼိူဝ် လွင်ႈပႅၵ်ႇပိူင်ႈ ၵူႈယိူင်ႈယိူင်ႈသေ ႁဝ်းၶႃႈ ၼပ်ႉယမ်ၼိုင် လွင်ႈတူဝ်ထူပ်း၊ လွင်ႈတၢင်းႁၼ် ဢၼ်လၢၵ်ႇလၢႆး ၵႃႈတီႈ ၵူၼ်းၵူႈၵေႃႉၵေႃႉၼၼ်ႉယူႇ။ တႃႇႁႂ်ႈ တၢင်းယိူင်းႁဝ်း ပေႃးတေယဝ်ႉတူဝ်ထိုင်တီႈၼၼ်ႉ ႁဝ်းၶႃႈ ယုမ်ႇယမ်ဝႆႉဝႃႈ လွင်ႈပႅၵ်ႇပိူင်ႈၵၼ်ၼႆႉၵေႃႈ မၼ်းၶဝ်ႈပဵၼ် ဢၼ်လမ်ႇလွင်ႈဢၼ်ၼိုင်ႈၼႆယူႇ။ ႁဝ်းပၼ်ပၼ်ၶေႃႈမၼ်ႈၵႅၼ်ႇဝႃႈ တွၼ်ႈတႃႇၸတ်းတင်ႈ သိုင်ႇဝႅတ်ႉလွမ်ႉ ဢၼ်တေႁပ်ႉတွၼ်ႈပၼ်လႆႈ၊ ဢၼ်တမ်းၸႂ်လႆႈ၊ ဢၼ်ၵူၼ်းၵူႈၵေႃႉ ႁူမ်ႈသၢင်ႈလႆႈ တွၼ်ႈတႃႇ ၵူၼ်းၵေႃႉလႂ်ၵေႃႉၼၼ်ႉ ၸိူဝ်းပိုၼ်ႉလင်၊ ၽၢင်ႁၢင်ႈ လႄႈ လွင်ႈယုမ်ႇယမ် ပႅၵ်ႇပိူင်ႈၵၼ်ၼၼ်ႉယူႇ။

ၵၢင်ၸႂ်ႁၢဝ်ႈႁႅင်း တွၼ်ႈတႃႇ လွင်ႈၽဵင်ႇၶိုင်ႈတူင်ႇဝိူင်းၵူၼ်း လႄႈ လွင်ႈၽဵင်ႇပဵင်း ၼႆႉ မၼ်းပၼ်ႁႅင်ၸႂ်ႁဝ်းၶႃႈ သေ ႁဝ်းၶႃႈယုမ်ႇယမ်ဝႃႈ လွင်ႈၸႂ်ႉလႆႈ လွၼ်ႉၶၢဝ်ႇၼႆႉ မၼ်းပဵၼ် ပိုၼ်ႉထၢၼ် သုၼ်လႆႈသုၼ်ႇပဵၼ်ၵူၼ်းၼႆယူႇ။ ႁဝ်းၶႃႈမၼ်ႈၸႂ်းဝႃႈ တႃႇၸွႆႈထႅမ် ႁႂ်းတူင်ႇဝိူင်း တီႈၼႃႈလိၼ်ႁဝ်းၶႃႈ ႁႂ်ႈပေႃး ႁုၼ်ႈမုၼ်းၶိုၼ်ႈယႂ်ႇမႃးသေဢမ်ႇၵႃး ႁဝ်းၶႃႈတေၸွႆႈထႅမ်ပႃးတီႈ လွင်ႈႁူမ်ႈသၢင်ႈ ၼႂ်းၵႄႈၵၢင် တူင်ႇဝိူင်း ဢၼ်လွင်ႈယိူင်းဢၢၼ်းႁဝ်းၶႃႈမိူၼ်ၵၼ် ဢၼ်လွင်ႈယုမ်ႇယမ်ႁဝ်းၶႃႈ မိူၼ်ၵၼ်ၼၼ်ႉယူႇၶႃႈဢေႃႈ။

ႁဝ်းၶႃႈ ၽင်ၸႂ်ဝႆႉဝႃႈ တႃႇႁႂ်ႈပဵၼ်မႃး ႁဵင်းဢီးတီႈၼႂ်း ၵၢၼ်တူင်ႉၼိုင် လွၼ်ႉၶၢဝ်ႇ ဢၼ်လွတ်ႈလႅဝ်းထၢင်ႇႁၢင်ႈ လႄႈ တႃႇသၢင်ႈၽၢင်ႁၢင်ႈ မိူဝ်းၼႃႈ ၶွင် ပိုၼ်ၽႄႈလွၼ်ႉၶၢဝ်ႇ လႄႈ လွင်ႈဢၼ်ယိုၼ်းထိုင်လႆႈၼၼ်ႉယဝ်ႉ။ ႁဝ်းၶႃႈယုမ်ႇယမ်ဝႃႈ ႁူမ်ႈၵၼ်ႁဵတ်းသၢင်ႈၵၢၼ်ငၢၼ်းၼႆႉ ႁဝ်းၶႃႈ တေၸၢင်ႈလႆႈ လွင်ႈႁူမ်ႇငမ်းၶၢဝ်းယၢဝ်း တီႈၼႂ်း ၼႃႈလိၼ်ႁဝ်းၶႃႈ ဢိၵ်ႇတင်း တီႈလွင်ႈတူင်ႉၼိုင် ၵဵဝ်ႇၵပ်းတင်းလူၵ်ႈသေ ႁဝ်းၶႃႈ မၼ်ႈၸႂ်တႃႇ ၸတ်းတင်ႈ မိူဝ်းၼႃႈ ဢၼ်တေဢဝ် ပိုၼ်ႉႁူႉပိုၼ်ၽႄႈပၼ်လႆႈ တွၼ်ႈတႃႇ ၵူၼ်းတင်းသဵင်ႈယူႇၶႃႈ။

ၵႃႈၶၼ် ပိူင်လူင်

ႁဝ်းၶႃႈမုင်ႈမၼ်ႈဝႃႈ တေသိုပ်ႇယိပ်းၵမ် ၵႃႈၶၼ်ပိူင်လူင် ဢၼ်ၼႄတၢင်း ၵၢၼ်ငၢၼ်းႁဝ်းၶႃႈ လႄႈ ဢၼ်ၵေႃႇႁၢင််ႈ ၽိင်ႈထုင်းႁဝ်းၶႃႈၼၼ်ႉယူႇ။ ၵႃႈၶၼ်ၸိူဝ်းၼႆႉ မၼ်းဢမ်ႇမီးဢမ်ႇပဵၼ် တွၼ်ႈတႃႇ ႁဝ်းၶႃႈ ၸိူဝ်းဢၼ်ပဵၼ်မူႇပဵၼ်ၸုမ်းသေ ႁဝ်းၶႃႈႁဵတ်းသင်ၼႆၵေႃႈ တေၸႅင်ႈလႅင်းပၼ် ၵူႈၸိူဝ်ႉၵူႈလွင်ႈယူႇ -

• လွင်ႈႁူမ်ႈသၢင်ႈ။ ႁဝ်းၶႃႈယုမ်ႇယမ်ဝႆႉဝႃႈ လွင်ႈႁူမ်ႈသၢင်ႈၼႆႉ မၼ်းတေပဵၼ် ဢဵၼ်ႁႅင်းလူင်ဢၼ်ၼိုင်ႈသေ မၼ်းတေႁဵတ်းႁႂ်ႈႁဝ်းၶႃႈ လႆႈ ၽွၼ်းယွၼ်ႈယႂ်ႇ လႄႈ လွင်ႈဢွင်ႇမၢၼ် ၸိူဝ်းၼႆယဝ်ႉ။ ႁဝ်းၶႃႈ ပၼ်ႁႅင်းထိုင် ၽူႈႁဵတ်းၵၢၼ်ႁူမ်ႈၵၼ် လႄႈ လုၵ်ႈၸုမ်း တူင်ႇဝိူင်းႁဝ်းၶႃႈ တႃႇၽႄႈတိုၼ်းပၼ် ဢၢႆႇတီႇယႃႇပၢႆးဝူၼ်ႉ၊ လွၼ်ႉၶၢဝ်ႇ၊ ငဝ်ႈငႃႇ သေ လဵပ်းႁဵၼ်းဢဝ်တီႈ တၢင်ႇၸိူဝ်းတၢင်ႇၵေႃႉၼၼ်ႉယူႇ။
• လွင်ႈၶူင်သၢင်ႈ။ ႁဝ်းၶႃႈဝႆႉၵႃႈၶၼ်ၼိူဝ် လွင်ႈၶူင်ႈသၢင်ႈမႂ်ႇ လႄႈ ႁႅင်းၶူင်သၢင်ႈ ယူႇ။ ႁဝ်းၶႃႈ တိုၼ်းသွၵ်ႈႁႃတႃႇသေ တွၼ်ႈတႃႇ လွင်ႈၶူင်သၢင်ႈလၢႆးမႂ်ႇ ဢၼ်တေၵမ်ႉထႅမ်ပၼ်လႆႈ တူင်ႇဝိူင်းႁဝ်းၶႃႈ လႄႈ ဢၼ်တေႁဵတ်းႁႂ်ႈ ပဝ်ႉမၢႆႉႁဝ်းၶႃႈ ထိုင်တီႈဢွင်ႇမၢၼ်ၼၼ်ႉယူႇၶႃႈ။
• လွင်ႈၶဝ်ႈပႃးလႆႈ။ ႁဝ်းၶႃႈ ယုမ်ႇယမ်ဝႆႉဝႃႈ ၵူၼ်းၵူႈၵေႃႉၼႆႉ မၼ်းသုၼ်ႇ တႃႇလဵပ်ႈႁဵၼ်းလႆႈ လႄႈ တႃႇႁူမ်ႈသၢင်ႈလႆႈၸူး ပိုၼ်ႉႁူႉသေဢမ်ႇၵႃး လွင်ႈပႅၵ်ႇပိူင်ႈၵၼ်၊ လွင်ႈၽဵင်ႇပဵင်းၵၼ်၊ လွင်ႈၶဝ်ႈပႃးလႆႈ ၸိူဝ်းၼႆႉ မၼ်းပဵၼ် ဢၼ်လမ်ႇလွင်ႈ တွၼ်ႈတႃႇ တၢင်းယိူင်းဢၢၼ်းႁဝ်း တေတဵမ်ထူၼ်ႈ ထိုင်တီႈလႆႈၼၼ်ႉယဝ်ႉ။ ႁူမ်ႈဝႃႈ ၽႃႇသႃႇၵႂၢမ်းလၢတ်ႈ၊ ဢွင်ႈတီႈယူႇသဝ်း၊ ၽိင်ႈထုင်း၊ ၽၢင်ႁၢင်ႈ၊ ဢႃႇယု၊ လွင်ႈတူင်ႉၼိုင်၊ တူဝ်ထူပ်း ၼႂ်းၵႄႈ ၵၢၼ်တူင်ႉၼိုင် ဢမ်ႇၼၼ် တၢင်းႁၼ်ထိုင် (ဢၼ်ၼႄဝႆႉ ၼပ်ႉၼပ်ႉယမ်ယမ်) မၼ်းမီးလွင်ႈပႅၵ်ႇပိူင်ႈၵၼ်ၸိူင်ႉႁိုဝ်ၵေႃႈယႃႇ ႁဝ်းၶႃႈ တေႁပ်ႉတွၼ်ႈ ၵူၼ်းၵေႃႉလႂ်ၵေႃႉၼၼ်ႉသေၵေႃႈ ႁႂ်ႈႁူမ်ႈၶဝ်ႈပႃးလႆႈၵႂႃႇယူႇ။
• လွင်ႈၼပ်ႉယမ်။ ႁဝ်းၶႃႈ တေသိုပ်ႇတိုဝ်းၵမ်ၵႂႃႇ ၽိင်ႈတိုၼ်း ၶွင် လွင်ႈၼပ်ႉယမ်တေႃႇၵၼ်၊ လွင်ႈဢီးလူ လွင်ႈဝူၼ်ႉသွၼ်ႇတူဝ် ၸၵႂႃႇၸိူဝ်းၼႆႉယူႇ။ လွင်ႈမုင်ႈႁၼ်လႄႈ ၵၢၼ်တူဝ်ထူပ်း ၵူႈယိူင်ႈယိူင်ႈ တီႈၼႂ်း တူင်ႇဝိူင်းႁဝ်းၶႃႈ လႄႈ ၼႂ်းၵႄႈ ၸိူဝ်းႁဝ်းၶႃႈ ႁဵတ်းသၢင်ႈၵၢၼ်ႁူမ်ႈၵၼ်ၼၼ်ႉၵေႃႈ ႁဝ်းၶႃႈ တေယိုၼ်ႁပ်ႉမၵ်းမၼ်ႈၵႂႃႇယူႇ။
• လွင်ႈၸႅင်ႈသႂ်။ ႁဝ်းၶႃႈယုမ်ႇယမ်ဝႆႉဝႃႈ ၵၢၼ်တူင်ႉၼိုင်ႈႁဝ်းၶႃႈ လႄႈ တၢင်းလိူၵ်ႈႁဝ်းၶႃႈၼႆႉ မၼ်းပဵၼ် လွင်ႈတႅၵ်ႇလႅင်း လႄႈ မီးလွင်ႈဢဝ်ပုၼ်ႈၽွၼ်းတဵမ်တဵမ်ႈထူၼ်ႈထူၼ်ႈယူႇ။ ႁဝ်းၶႃႈ ယိူင်းၸူး တႃႇၵမ်ႉထႅမ်ႉထႅမ်ပၼ် လွၼ်ႉၶၢဝ်ႇ ဢၼ်ၵဵဝ်ႇၵပ်း ၼႃႈၵၢၼ်ႁဝ်းၶႃႈ တွၼ်ႈတႃႇ ၸိူဝ်းဢၼ်ၶဝ်ႈၸႂ်ၼိူဝ် ၼႃႈၵၢၼ်ႁဝ်းၶႃႈ လႄႈ တွၼ်ႈတႃႇ ၸိူဝ်းဢၼ်ၵပ်ႈသိုပ်ႇသိူၵ်ႈသမ်ႇႁဝ်းၼၼ်ႉယူႇၶႃႈ။
• လွင်ႈတဵမ်ထူၼ်ႈ။. ႁဝ်းၶႃႈ ယိူင်းၸူးဝႃႈ တူဝ်ႁဝ်းၶႃႈ တေႁဵတ်းသၢင်ႈ တဵမ်တဵမ်ထူၼ်ႈထူၼ်ႈ သိုဝ်ႈသိုဝ်ႈယူဝ်းယူဝ်း ၼိူဝ် လွင်ႈၶတ်းၸႂ်ႁဝ်းၶႃႈတင်းသဵင်ႈယူႇ။ ႁဝ်းၶႃႈတေၶတ်းၸႂ် လွင်ႈႁဵတ်းသၢင်ႈႁဝ်းၶႃႈတင်းသဵင်ႈၼႆႉ ႁႂ်ႈမၼ်းပဵၼ် ဢၼ်မၢၼ်ႇမႅၼ်ႈ၊ ဢၼ်ယုမ်ႇယမ်လႆႈ လႄႈ ဢၼ်မေႃဢဝ် ပုၼ်ႈၽွၼ်း ၼၼ်ႉယူႇ။
• ၽွၼ်းယွၼ်ႈ။ ၵၢင််ၸႂ် ဢၼ်တေၸႂ်ႉ ပႆႇၺႃႇတၢင်းႁူႉ ဢၼ်ႁဝ်းၶႃႈ ၸူႉတုမ်ဝႆႉ ၼၼ်ႉ မၼ်းပၼ်ႁႅင်းႁဝ်းၶႃႈ တႃႇႁႂ်ႈမီး ၽွၼ်းယွၼ်ႈလီ ၼိူဝ် ၵူၼ်းၵေႃႉလႂ်ၵေႃႉၼၼ်ႉ လႄႈ တူင်ႇဝိူင်း ၸိူဝ်းဢၼ်ႁဝ်းၶႃႈ ႁူမ်ႈၵၼ်ႁဵတ်းသၢင်ႈၵၢၼ်ငၢၼ်းၸွမ်းၵၼ်ၼၼ်ႉယူႇ။ ႁဝ်းၶႃႈ မုင်ႈမွင်းဝႆႉဝႃႈ တေမီးလွင်ႈလီၼိူဝ် လွင်ႈၶတ်းၸႂ်ႁဵတ်းသၢင်ႈ၊ ၶၢဝ်းယၢမ်းပွတ်းပွတ်းသေ မီးၼမ်ႉတွၼ်းၽွၼ်းလီ၊ ပဵၼ်ဢၼ်မၼ်ႈၵႅၼ်ႇၵႂႃႇလႆႈ ၶၢဝ်းယၢမ်း ၸိူဝ်းၼႆႉယူႇ။ ႁဝ်းၶႃႈ တမ်းၽႅၼ် တႃႇၸွမ်းႁွႆး၊ တႃႇၵပ်းသိုပ်ႇတိတ်းတေႃႇသေ ပဵၼ်တီႈႁိဝ်ႈၸင်ႈ ဢၼ်ပဵၼ်လႆႈ (လႄႈ ဢမ်ႇၼၼ် တႅမ်ႈမၢႆလၵ်းထၢၼ်) ၽွၼ်းလႆႈ (ဢမ်ႇၼၼ် ပွင်ႈၵၢၼ်) တႃႇႁႂ်ႈ ၽိင်ႈလဵပ်ႈႁဵၼ်း တီႈၼႂ်းၼႃႈလိၼ် ပေႃးတေ ၶိုၼ်ႈယႂ်ႇမႃးၼၼ်ႉယဝ်ႉ။
• လွင်ႈယိုၼ်းယၢဝ်းၶၢဝ်းႁိုင်။. ႁဝ်းၶႃႈ တေၶတ်းၸႂ်ၵႂႃႇဝႃႈ ၼင်ႇႁိုဝ် ၵၢၼ်ႁဝ်းၶႃႈ တင်းသဵင်ႈ ပေႃးတေယိုၼ်းယၢဝ်းၶၢဝ်းႁိုင်ၵႂႃႇလႆႈၼၼ်ႉယူႇ။ ႁဝ်းၶႃႈတေၶတ်းၸႂ်သႂ်ႇႁႅင်း တႃႇၸႂ်ႉ ငဝ်ႈငႃႇ ၸိူဝ်းၵမ်ႉထႅမ်ပၼ်ဝႆႉ တဵမ်တဵမ်ထူၼ်ႈထူၼ်ႈ ၸိူဝ်းဢၼ်တေမီး ၽွၼ်းၶၢဝ်းယၢဝ်း ၼိူဝ် လွင်ႈတႅပ်းတတ်းႁဝ်းၶႃႈၼၼ်ႉယူႇ။

ၵႃႈၶၼ်ပိူင်လူင်ၸိူဝ်းၼႆႉ သၢင်ႈႁၢင်ႈ လွၵ်းလၢႆးႁဝ်းၶႃႈ ႁဵတ်းၵၢၼ်သေ ၼႄႉၼမ်းပၼ် လွင်ႈႁဵတ်းသၢင်ႈၵၢၼ်တႅပ်းတတ်းႁဝ်းၶႃႈ ၸွမ်းၼင်ႇ ၸုမ်းၼိုင်ႈၸုမ်းၼၼ်ႉယဝ်ႉ။ ႁဝ်းၶႃႈ မၼ်ႈၸႂ်တႃႇ သိုပ်ႇတိုဝ်းၵမ်ၼိူဝ် ၵႃႈၶၼ်ၸိူဝ်းၼၼ်ႉသေ ႁဝ်းၶႃႈ မုင်ႈမွင်း တႃႇသေႃႇသူၼ်း ၽူႈၸိူဝ်းဢၼ်တေ ႁူမ်ႈသၢင်ႈမႃးၸွမ်းတီႈ လွင်ႈယိူင်းဢၢၼ်းႁဝ်းၶႃႈ ဢၼ်တေႁဵတ်းသၢင်ႈ ႁႂ်ႈၵူၼ်းၵူႈၵေႃႉ ယိုၼ်းထိုင်လႆႈၸူး ပိုၼ်ႉႁူႉ ၼၼ်ႉယူႇၶႃႈ။

သၢႆတၢင်း ၽႅၼ်ၵၢၼ်

ပဝ်ႉမၢႆ ၽႅၼ်ၵၢၼ် ၶွင် သုၼ်ၵၢင်ႁဝ်းၶႃႈၼႆႉ မၼ်းပဵၼ် တွၼ်ႈတႃႇသၢင်ႈႁုၼ်ႈမုၼ်း လႄႈ ၵမ်ႉထႅမ်ပၼ် ယူင်ႉသၢင်ႈပိုၼ်ႉထၢၼ် ၶွင် ပိုၼ်ႉႁူႉ ဢၼ်လွတ်ႈလႅဝ်းထၢင်ႇႁၢင်ႈ တီႈၼႂ်း ၼႃႈလိၼ် ESEAP ၼၼ်ႉယဝ်ႉ။ တီႈၼႂ်ႈ ပဝ်ႉမၢႆၼႆႉ မၼ်းတေၶဝ်ႈပႃး လွင်ႈယုၵ်ႉယွင်ႈပၼ် ႁႅင်းသၢင်ႈလႆႈ လႄႈ လွင်ႈၵမ်ႉထႅမ်ပၼ် တွၼ်ႈတႃႇႁႂ်ႈယႂ်ႇၵႂၢင်ႈမႃး၊ လွင်ႈႁူမ်ႈသၢင်ႈႁႂ်ႈ ပွင်ႈၵၢၼ်ႁဝ်းၶႃႈ ႁႅင်းယႂ်ႇၵႅၼ်ႇၶႅင်ႈမႃး လႄႈ လွင်ႈႁဵတ်းၵၢၼ်ၸွမ်း ၽူႈၸိူဝ်းႁူမ်ႈၵၢၼ်သၢင်ႈၸွမ်းၵၼ်သေ ယုၵ်ႉယွင်ႈပၼ် ႁႂ်းယိုၼ်းထိုင်လႆႈၸူး ပိုၼ်ႉႁူႉၼၼ်ႉယဝ်ႉ။

ႁဝ်းၶႃႈ လႆႈၽင်တူဝ်ၽင်ၸႂ်ဝႆႉ တွၼ်ႈတႃႇသၢင်ႈၽၢင်ႁၢင်ႈ သၢႆတၢင်းၽႅၼ်ၵၢၼ် ၶွင် လွင်ႈတူင်ႉၼိုင် ဝီႇၶီႇမီႇတီႇယႃႇ တီႈၼႂ်း ၼႃႈလိၼ်ယူႇ။ ႁဝ်းၶႃႈ ယုမ်ႇယမ် ႁႅင်းၵၢၼ် ၶွင် လွင်ႈႁူမ်ႈသၢင်ႈ လႄႈ ၽူႈႁဵတ်းၵၢၼ်ႁူမ်ႈၵၼ် တႃႇႁႂ်ႈႁွတ်ႈထိုင် ပဝ်ႉမၢႆႁဝ်းၸိူဝ်းမိူၼ်ၵၼ်ၼၼ်ႉယူႇ။ ႁဝ်းၶႃႈမၼ်ႈၸႂ်ဝႃႈ တႃႇႁုၼ်ႈမုၼ်းၵႅၼ်ႇၵႅၼ်ႇၶႅင်ၶႅင်၊ တႃႇၵွင်ႉၵၢႆႇၶၢဝ်းယၢဝ်းၵၼ်တင်း တူင်ႇဝိူင်းပိုၼ်ႉတီႈႁဝ်းၶႃႈ၊ ၽူႈၸိူဝ်းၶဝ်ၸႂ်ၽွၼ်းလီ၊ ၽူႈႁူမ်ႈၵၼ်ႁဵတ်းၵၢၼ်ငၢၼ်း ၸိူဝ်းၼႆႉယူႇ။ ႁဝ်းၶႃႈ ယိုၼ်ႁပ်ႉဝႆႉဝႃႈ ၽွင်ႈမိူဝ်းတမ်းဝၢင်း လွင်ႈတႅပ်းတတ်းၼၼ်ႉၵေႃႈ မၼ်းဢမ်ႇတၢင်တူဝ်လႆႈ တၢင်းႁၼ်ထိုင် ၵူၼ်းၵေႃႉလႂ်ၵေႃႉၼၼ်ႉ လႄႈ ၵူၼ်းတင်းသဵင်ႈ တီႈၼႂ်း တူင်ႇဝိူင်း ဢၼ်ဝႃႈၼၼ်ႉယူႇ။

ႁဝ်းၶႃႈ ၽင်ၸႂ် တႃႇႁဵတ်းၵၢၼ်ႁူမ်ႈၵၼ်တင်း ၵူၼ်းႁဵတ်းၵၢၼ်ႁူမ်ႈၵၼ် ဢၼ်ၵႂၢင်ႈၶႂၢင် ၸိူဝ်းဢၼ်ၶဝ်ႈပႃး (ၵူၺ်းၵႃႈ ဢမ်ႇမၵ်းၶၼ်ႈဝႆႉၼင်ႇၵဝ်ႇ) ၸုမ်းဢၼ်ဢမ်ႇၸႂ်ႈ လူင်ပွင်ၸိုင်ႈ၊ ၸုမ်းၽိင်ႈငႄႈ၊ ၸုမ်းပၢႆးပႆႇၺႃႇ လႄႈ ၸုမ်းၸိူဝ်းတူဝ်ၸႂ်မိူၼ်ၵၼ် ၼၼ်ႉယဝ်ႉ။ ႁဝ်းၶႃႈႁၼ်ထိုင်ဝႃႈ ႁူမ်ႈႁွမ်းၵၼ်သေ ႁ်ဝးၶႃႈ တေၸၢင်ႈႁဵတ်းလႆႈ လွင်ႈလႅၵ်ႈလၢႆႈ ဢၼ်ထၢင်ႇႁၢင်ႈပႅၵ်ႇပိူင်ႈလီ လႄႈ တေၸၢင်ႈသၢင်ႈ သိုင်ႇဝႅတ်ႉပိုၼ်ႉႁူႉ ဢၼ်ၵူၼ်းၵူႈၵေႃႉယိုၼ်းထိုင်လႆႈ ၼၼ်ႉယူႇ။

ယဝ်ႉၵေႃႈ ႁဝ်းၶႃႈ ယိူင်းၸူးပႃး တႃႇသိုပ်ႇယိပ်းၵမ်ၵႂႃႇ ၽိင်ႈတိုၼ်း ၶွင် လွင်ႈတူင်ႉၼိုင် ဝီႇၶီႇၽီးတီးယႃး၊ မိူၼ်ၼင်ႇ ယိုၼ်းထိုင်လႆႈပိုၼ်ႉႁူႉ ဢၼ်ဢမ်ႇမီး လွင်ႈမၵ်းၶၼ်ႈ၊ ဢၼ်မီးလွင်ႈၸႅင်ႈသႂ်၊ ဢၼ်မီးလွင်ႈၽဵင်ႇပဵင်း ၸၵႂႃႇၸိူဝ်းၼႆႉယူႇ။ ႁဝ်းၶႃႈ ယိူင်းၸူးဝႃႈ တေႁဵတ်းၵႂႃႇၸိူင်ႉၼင်ႇၼၼ်ႉ ယွၼ်ႉပိူဝ်ႈဝႃႈ ႁဝ်းၶႃႈ ပွင်ႇၸႂ်လူင်ႉလႅင်းလီၼိူဝ် လွင်ႈလမ်ႇလွင်ႈ ဢၼ်ပဵၼ် လွင်ႈၵပ်းသိုပ်ႇတိတ်းတေႃႇ ၶႅမ်ႉလႅပ်ႈ၊ လွင်ႈၵေႃႇသၢင်ႈလွင်ႈယုမ်ႇယမ်၊ လွင်ႈပွင်ႇလႅင်းၼိူဝ်ၵၼ်၊ လွင်ႈတႅၵ်ႇလႅင်းၼိူဝ်ၵၼ်၊ လွင်ႈသိုဝ်ႈယူဝ်းၼိူဝ်ၵၼ်တင်း ၽူႈၸိူဝ်းဢၼ်မီးတၢင်းၶဝ်ႈၸႂ်ၼိူဝ်ၽွၼ်း လႄႈ တူင်ႇဝိူင်းပိုၼ်ႉတီႈႁဝ်းၶႃႈၼၼ်ႉယဝ်ႉ။

ပေႃးမႃးႁုပ်ႈတူၺ်းၸိုင် သုၼ်ၵၢင်ႁဝ်းၶႃႈၼႆႉ မၼ်းယိူင်းၸူး တႃႇႁေႃႈပၼ် သၢႆတၢင်းၽႅၼ်ၵၢၼ် ၶွင် လွင်ႈတူင်ႉၼိုင် ဝီႇၶီႇမီႇတီီႇယႃႇ ၵႃႈတီႈၼႂ်း ပိုၼ်ႉတီႈ သေ မၼ်းပဵၼ်ၵၢၼ်ၵေႃႇသၢင်ႈ တႃႇႁႂ်းယူင်ႉသၢင်ႈပိုၼ်ႉထၢၼ် ပိုၼ်ႉႁူႉလွတ်ႈလႅဝ်းထၢင်ႇႁၢင်ႈ ၼၼ်ႉ ႁႂ်ႈမၼ်းမၼ်ႈၼိမ်လီၵႂႃႇယိုၼ်းယၢဝ်းၶၢဝ်းႁိုင်ယဝ်ႉ။ ႁဝ်းၶႃႈယုမ်ႇယမ်ဝႆႉဝႃႈ ႁဝ်းၶႃႈ တေၸၢင်ႈႁူမ်ႈၵၼ်သေ ၵေႃႇသၢင်ႈ သိုင်ႇဝႅတ်ႉလွမ်ႉပိုၼ်ႉႁူႉ ဢၼ်ၵူၼ်းၵူႈၵေႃႉ ယိုၼ်းထိုင်လႆႈ၊ ဢၼ်မီးလွင်ႈႁူမ်ႇလူမ်ႈ၊ ဢၼ်မီးလွင်ႈၽဵင်ႇပဵင်း၊ ဢၼ်ၵူၼ်းၵူႈၵေႃႉ ၸၢင်ႈႁူမ်ႈသၢင်ႈလႆႈ ၼိူဝ် ပၢႆးဝူၼ်ႉ ၸိူဝ်းဢၼ်ႁဝ်းၶႃႈ ၽႄႈတိုၼ်းဝႆႉပၼ်ၼၼ်ႉယူႇ။

ၶေႃႈလူပ်းလင်

ႁဝ်းၶႃႈၶိုပ်ႈၼႃးမုင်ႈမွင်းဝႆႉဝႃႈ သုၼ်ၵၢင်ႁဝ်းၶႃႈၼႆႉ မၼ်းတေၵမ်ႉထႅမ်ပၼ်လႆႈတိုဝ်ႉတၢင်းတင်းၼမ် တွၼ်ႈတႃႇ လွင်ႈႁူမ်ႈသၢင်ႈ။ ႁဝ်းၶႃႈ ၽိတ်ႈမွၵ်ႇထိုင် လုၵ်ႈၸုမ်းတူင်ႇဝိူင်း ဝီႇၶီႇမီႇတီႇယႃႇ တင်းသဵင် တီႈ ပွတ်းဢွၵ်ႇ၊ ဢေးသျႃးၸဵင်ႇၸၢၼ်းဝၼ်းဢွၵ်ႇလႄႈ ၼႃႈလိၼ်ပၸိၽိၵ်ႉ လႄႈ ၵူႈၵေႃႉၵူႈၵူၼ်း ၸိူဝ်းဢၼ် သိုပ်ႇၽႄႈတိုၼ်း ၶေႃႈယိူၼ်းဢၢၼ်းႁဝ်းၶႃႈ တႃႇမႃးႁူမ်ႈႁွမ်းႁဝ်းၶႃႈ တီႈၼိူဝ် ၵၢၼ်ၸုၼ်ႉႁႃမႂ်ႇ ဢၼ်လီၸႂ်တိုၼ်ႇတဵၼ်ႈၼႆႉယူႇၶႃႈ။ ႁဝ်းၶႃႈႁူမ်ႈႁွမ်းႁဵတ်းၵၢၼ်ၽဵင်ႇၽဵင်ႇပဵင်းပဵင်းၵၼ်သေၵေႃႈ ႁဝ်းၶေႃႈၸၢင်ႈႁဵတ်းလႆႈ ၸိူဝ်းပႅၵ်ႇပိူင်ႈၵၼ်ယူႇၶႃႈ။

လူင်းၸိုဝ်ႈ၊

1. WAqil (WMYS) (talk) 07:08, 11 June 2023 (UTC)
2. BJ Sinaga (talk) 07:16, 11 June 2023 (UTC)
3.  A l p h a m a  ^Talk 12:43, 11 June 2023 (UTC)
4. Gnangarra (talk) 03:18, 13 June 2023 (UTC) - ESEAP IHC
5. Ghozi Septiandri (talk) 04:36, 13 June 2023 (UTC) - ESEAP RGC
6. --Hakimi97 (talk) 05:47, 13 June 2023 (UTC)
7. --YShibata (talk) 07:37, 13 June 2023 (UTC)
8. -- Ultron90 (talk) 08:09, 13 June 2023 (UTC)
9. Tofeiku (talk) 10:15, 13 June 2023 (UTC)
10. RamzyM (talk) 10:37, 13 June 2023 (UTC)
11. Kunokuno (talk) 10:54, 13 June 2023 (UTC) on behalf of Wiki Advocates Philippines User Group
12. ZI Jony ^(Talk) 16:22, 13 June 2023 (UTC)
13. seav (talk) 17:22, 13 June 2023 (UTC)
14. Buszmail (talk) 02:05, 14 June 2023 (UTC)
15. Diamantino Soares 11:20, 14 June 2023 (UTC)
16. Dody Ismoyo (talk) 02:35, 14 June 2023 (UTC)
17. Athikhun.suw (talk) 03:36, 14 June 2023 (UTC)
18. Azoma (talk) 03:37, 14 June 2023 (UTC)
19. B20180 (talk) 03:38, 14 June 2023 (UTC)
20. --J. Patrick Fischer (talk) 03:54, 14 June 2023 (UTC)
21. Silverio Araujo 00:30, 20 June 2023 (UTC)
22. Jessie Mi (talk) 03:55, 14 June 2023 (UTC)
23. Josefwintzent Libot (Talk) 07:35, 14 June 2023 (UTC)
24. Takot (talk) 13:06, 14 June 2023 (UTC)
25. (Sorot20) ^(talk) 01:32, 15 June (UTC)
26. Arupako (talk) 19:08, 14 June 2023 (UTC)
27. Kizhiya (talk) 22:44, 14 June 2023 (UTC)
28. Meursault2004 (talk) 07:08, 15 June 2023 (UTC)
29. (Yuchenglinedu (talk) 09:51, 15 June 2023 (UTC)
30. Amanda Lawrence (talk)
31. Ninja✮Strikers ^«☎» 17:07, 15 June 2023 (UTC)
32. Ralffralff (talk) 00:55, 16 June 2023 (UTC) on behalf of the Pilipinas Panorama Community
33. Lady01v (talk) 13:26, 16 June 2023 (UTC) 00:55, 16 June 2023 (UTC)
34. Exec8 (talk) 17:26, 16 June 2023 (UTC)
35. Robertsky (talk) 19:36, 16 June 2023 (UTC)
36. Arcuscloud (talk) 05:54, 17 June 2023 (UTC)
37. Agus Damanik (talk) 22:38, 16 June 2023 (UTC)
38. Ilham Mufti Laksono (talk) 23:18, 15 June 2023 (UTC)
39. Pru.mitchell (talk) 23:32, 16 June 2023 (UTC)
40. Saimawnkham (talk) 23:49, 16 June 2023 (UTC)
41. Sam Wilson 00:23, 17 June 2023 (UTC)
42. Raflinoer32 (talk) 01:35, 17 June 2023 (UTC)
43. Jusan Misolas (talk) 02:42, 17 June 2023 (UTC)
44. Do Tri ✓ 💬 04:08, 17 June 2023 (UTC)
45. Jp2593 (talk)
46. Ambrosia10 (talk) 06:07, 17 June 2023 (UTC)
47. --*Youngjin (talk) 07:05, 17 June 2023 (UTC)
48. Patsagorn Y. (Talk) 07:37, 17 June 2023 (UTC)
49. Daphpb (talk) 02:30, 18 June 2023 (UTC)
50. Even Barrameda (talk) 02:34, 18 June 2023 (UTC)
51. BiancaBrazal (talk) 05:03, 18 June 2023 (UTC)
52. Einebillion (talk) 05:20, 18 June 2023 (UTC)
53. Marshelec (talk) 05:55, 18 June 2023 (UTC)
    
54. Noracrentiss (talk) 06:10, 18 June 2023 (UTC)
55. Pakoire (talk) 11:46, 18 June 2023 (UTC)
56. Harditaher (talk) 12:40, 18 June 2023 (UTC)
57. Brahmavadini (talk) 13:48, 18 June 2023 (UTC)
58. Ilham.nurwansah (talk) 02:17, 19 June 2023 (UTC)
59. On behalf of Wikimedia Indonesia, Rachmat (WMID) (talk) 04:59, 19 June 2023 (UTC)
60. Tvcccp (talk) 05:47, 19 June 2023 (UTC)
61. Bracteantha (talk) 06:23, 19 June 2023 (UTC)
62. Jjw (talk) 08:00, 19 June 2023 (UTC)
63. Rhythm (talk) 08:17, 19 June 2023 (UTC)
64. Angal26 (Angal26) 08:25, 19 June 2023 (UTC)
65. Giantflightlessbirds (talk) 20:03, 19 June 2023 (UTC)
66. Lea.fakauvea (talk) 21:34, 19 June 2023 (UTC)
67. Ballardmaize (Talk) 02:02, 20 June 2023 (UTC)
68. Alexander Imig/Ai24 (talk) 06:33, 20 June 2023 (UTC) ]]
69. Carlojoseph14 (talk) 09:51, 20 June 2023 (UTC)
70. MaiaCWilliams (talk) 11:31, 20 June 2023 (UTC)
71. Joycewikiwiki (talk) 04:51, 21 June 2023 (UTC)
72. Horus (talk) 05:06, 21 June 2023 (UTC)
73. Eric Liu_（Talk） 09:13, 21 June 2023 (UTC)
74. Friagatewayfinder
75. AuteWayOfWeaving
76. Lawrence756 (talk) 11:50, 22 June 2023 (UTC)
77. Labdajiwa (talk) 00:30, 23 June 2023 (UTC)
78. Teddybear41422 (talk) 01:39, 23 June 2023 (UTC)
79. ༒ Nhac Ny ༒ ^{Talk to me ♥} 09:33, 23 June 2023 (UTC)
80. Jeromi Mikhael (talk) 06:51, 29 June 2023 (UTC)
81. OraMAAG (talk) 10:01, 29 June 2023 (UTC)
82. Johnstad ^{Wanna Talk?} 01:30, 4 July 2023 (UTC)
83. :JarrahTree (talk) 05:26, 8 July 2023 (UTC)
84. Bahnfrend (talk) 06:38, 8 July 2023 (UTC)
85. Canley (talk) 06:15, 9 July 2023 (UTC)
86. 이강철 (talk) 06:43, 10 July 2023 (UTC)
87. Mạnh An (talk) 02:04, 16 July 2023 (UTC)
88. Omotecho (talk) 02:53, 16 July 2023 (UTC)
89. ThePoisonousDart (talk) 02:51, 24 July 2023 (UTC)
90. Filipinayzd (talk) 03:36, 15 August 2023 (UTC)
91. Maffeth.opiana (talk) 03:54, 15 August 2023 (UTC)
92. Kunirasem (talk) 04:18, 15 August 2023 (UTC)
93. Imacat (talk) 09:16, 15 August 2023 (UTC)
94. Marife.altabano (talk) 09:19, 15 August 2023 (UTC)
95. CMD (talk) 03:09, 19 August 2023 (UTC)
96. Firth m (talk) 18:21, 21 August 2023 (UTC)