ESEAP Hub/ကတယ်ႏထောင်ႏဒါႏ ဒေႏသဆဲင်ႏရာꩻ ဗဟိုႏသွုပ်ပွိုင်အစွိုꩻခရာႏ ထေပြန်ႏကေႏငျာႏချက် ငေါဝ်းအွဉ်ႏသေ
ကတယ်ႏထောင်ႏလွောင်ႏဗူႏဒါႏ ဒေႏသဆဲင်ႏရာꩻ ဗဟိုႏသွုပ်ပွိုင် ဝီခီမီဒီယာ ESEAP ခရာႏ ထေပြန်ႏကေႏငျာႏချက်
နီသွဉ်းသီး ကတဲမ်းလွစူမုဲင်ဖဲ့ꩻဆꩻလယိုနောဝ်ꩻ ဖေႏကထွာ ဝီခီမီဒီယာရုဲင်ꩻတသွိုးမုꩻအတာႏ အင်းမိုးချက် တောမ်ႏ ရေႏရွယ်ႏချက်ဖုံႏအတာႏ ဖေႏကထွာအစွဲအကမ်း ရေႏရွယ်ႏနုဲင်းနောဝ်ꩻတဲင် အာသျတွိုက် အခေါဝ်ဖဲ့ꩻကွဉ်ႏ၊ အခေါဝ်ဖဲ့ꩻကွဉ်ႏနောဝ် တောမ်ႏ ပသိဖိတ်(သမုဒ္ဒရာႏ)ဒေႏသကို ကအောဝ်ႏဒါႏ ဝီခီမီဒီယာ အစွုမ်ꩻစွိုꩻဖုံႏ၊ ကအောဝ်ႏသွုပ်ဝွို့ဆဲင်ႏရာꩻအစွိုꩻဖုံႏ၊ ကနွို့တဲမ်းသားဖုံႏအတာႏ ခြွဉ်းဗူႏခင်ႏလမ်းအနေႏ ရေႏရွယ်ႏနုဲင်းနောဝ်ꩻတဲင် ဖန်ဆင်ꩻထွင်ႏလဲဉ်း ဝီခီမီဒီယာ အာသျတွိုက် အခေါဝ်ဖဲ့ꩻကွဉ်ႏ၊ အခေါဝ်ဖဲ့ꩻကွဉ်ႏနောဝ် တောမ်ႏ ပသိဖိတ်(သမုဒ္ဒရာႏ)ဒေႏသဆဲင်ႏရာꩻ သွိုပ်ပွိုင်ဗဟိုႏ ငေါဝ်းအဒွေါင်ႏ ESEAP ယိုအကျောင်ꩻ ကေႏငျာႏ လောဝ်းဟွိုန်ဗာႏနောဝ်ꩻသွူ။
အင်းရေႏချက်တောမ်ႏ ရေႏမိုးချက်
နီသွဉ်းသီး သွုပ်ပွိုင်ဗဟိုႏ (သွုပ်ဆွို့ꩻရေꩻတာႏ အပွီအပွိုင်ဗဟိုႏ) အင်းရွယ်ႏချက်နောဝ်ꩻ ထာꩻထီႏထာꩻသေ ခွိုင်ႏကားဗဟုသုတဖုံႏယို ယံဖေႏကဖန်းဖြယ်ဖေႏနွောင်ꩻ လိုꩻကအုံအောဝ်ႏဒါႏ ESEAP ဒေႏသကိုအတာႏ ယံကထွာဖေႏနွန်ႏအာႏနောဝ်ꩻသွူ။ ဘာႏသာႏငေါဝ်းငွာ၊ ယဉ်ႏကေႏမှု၊ ပထဝီအခေႏအနေႏ တောမ်ႏ အခိန်ႏနယ်ႏ (အချိန်ဇုန်)ဖုံႏ အောဝ်ႏခန်းနုဲင်းမုဲင်ꩻတယောဝ်း ဗဟုသုတကအောဝ်ႏဒါႏ ဝီခီအလောင်းယို အငိုꩻလို့ဗာႏတောဝ်းစားတဲင် ပိုမုဲင်ꩻမုဲင်ꩻတယောဝ်း ယွိုင်ႏစုထွꩻနွောင်ꩻ ထူႏလꩻနွောင်ꩻရောင်လွဝါင်ꩻနောဝ်ꩻမꩻ လိုꩻတွိုင်ꩻ လနွောင်ꩻ နွို့ပါသော့နွောင်ꩻ စွဲကမ်းကိုနွောင်ꩻဗာႏ ကရိုꩻယို နီသွဉ်းသီး ယွုမ်းအံႏဒျာႏသွူ။ အင်းရွယ်ႏချက်ယို ဖေႏကထွာနွောင်ꩻအတာႏ ကအီႏစွဲကမ်းဒျာႏ ပုဂ္ဂိုလ်ႏတဖြာꩻစီႏချင်ꩻ၊ အစွုမ်ꩻစွိုꩻတစွိုꩻစီႏချင်ꩻ တောမ်ႏ ဝီခီပီးဒီးယား ၊ ဝီခီဒေတာ၊ ဝီခီမီဒီယာကွမ်မွန်းစ်၊ ဝီခီရင်ꩻရွီး တောမ်ႏ အလင်ကထွာဒါႏ အငိုꩻလို့တောဝ်း ဗဟုသုတရင်ꩻရွီးဖုံႏ ၊ ပရောစဲစ်ဖုံႏအတာႏ ဖန်ꩻဆင်ꩻနွောင်ꩻသွုပ်ပွိုင်ခင်ႏလမ်း တောမ်ႏ ယံကတိဉ်ႏခွောင်ညဆွာꩻတာႏ ဖေႏကထိန်ꩻသိမ်ꩻနွောင်ꩻယို နီသွဉ်းသီးကော့ꩻမောင်ꩻဒျာႏနောဝ်ꩻသွူ။
နီသွဉ်းသီးသွုပ်ပွိုင်ဗဟိုႏ ရေႏမိုးချက်နောဝ်ꩻ ပါမုဲင်ꩻမုဲင်ꩻတယောဝ်း အငိုꩻတလို့တောဝ်း ဗဟုသုတဖုံႏ ခွုင်းကအောဝ်ႏထူႏသုံꩻနွောင်ꩻလွုမ်ꩻတကာႏတောဝ်း နွို့မာꩻစွဲကမ်းကိုဖေႏနွောင်ꩻဒါႏ ESEAP ဒေႏသတာႏ ယံကဖန်ꩻဆင်ꩻနောဝ်ꩻ စုဗူႏပေါင်ꩻညီꩻရောင်တွော့ꩻ ဖေႏကမာꩻနွောင်ꩻနောဝ်ꩻသွူ။ ဗဟုသုတအစားနောဝ်ꩻဖုံႏနောဝ်ꩻ ထွာဒျာႏ နွန်ႏအာႏဟောဝ်တစွိုးတဲင် လိုꩻသီးဖဝ တောမ်ႏ လိုꩻအုံအောဝ်ႏမှုအစွိုꩻအဗူႏဖုံႏယို ယံကမာꩻပြောင်ꩻလုဲင်ႏနွောင်ꩻအီလွေꩻတာႏ နီသွဉ်းသီးယွုမ်းအံႏဒျာႏသွူ။ ဗဟုသုတကဖန်းဖြယ်ဒါႏ ဟမ်ႏခမ်ႏဖာႏတဗာႏလွုမ်းအတာႏ ကထွာအီဒါႏနွန်ႏအာႏဖုံႏနောဝ်ꩻ "နွို့ပါသော့ꩻ" တောမ်ႏ "ဆောင်ႏရွက်မာꩻညီꩻ" ကရိုꩻဒါႏ အလေ့အထုံꩻဖုံႏ ဖေႏကထွာ ကမာꩻလွေꩻယို မဲဉ်ႏဗဲက်တိကျဗာႏ၊ ယွုမ်းအံႏလꩻဗာႏ၊ ကားကအောဝ်ႏကပါနွောင်ꩻ ဗဟုသုတ အရင်ꩻအရွီးဖုံႏ စုခြွဉ်းတယ်ႏဗာႏ တောမ်ႏ ယံကဖေႏနွောင်ꩻ စွဲကမ်းထောက်ပံ့အတာႏ နောဝ်ꩻ နီသွဉ်းသီးရေႏမိုးခါꩻဒျာႏသွူ။
နီသွဉ်းသီး အင်းရေႏချက် တောမ်ႏ ရေႏမိုးချက် ဖေႏကဗွေအတာႏ နွို့မာꩻညီꩻ ပူꩻပေါင်ꩻဆောင်ႏရွက်မှု တောမ်ႏ မိတ်ဖက်ဖုံႏယို အရေꩻတန်တကားမုဲင်ꩻနောဝ်ꩻ နီသွဉ်းသီးအောဝ်ႏသေဒျာႏသွူ။ နီသွဉ်းသီး ယွုမ်းအံႏချက် တောမ်ႏ အင်းရေႏချက်ဖုံႏယို ပူꩻပေါင်ႏမာꩻညီꩻတောမ်ႏ ဖဖန်းဖြယ်တောမ်ႏ လိုꩻအလင်တဲင် နီသွဉ်းသီး အကျိုꩻအောဝ်ႏမှု တောမ်ႏ ထာꩻမာꩻထွူမှုဖုံႏနောဝ်ꩻ ယိင်းတန်ထဲင်း နီသွဉ်းသီးနမ်းကိုယ်ႏတဲင်ႏ ကမာꩻနွောင်ꩻကရိုꩻယို ယွုမ်းအံႏဒျာႏသွူ။ ခမ်းသားအစွုမ်ꩻစွိုꩻဖုံႏ၊ ပညာႏရေꩻအစွိုꩻဖုံႏ၊ အကျိုꩻအမျတ်တထူႏတောဝ်းအစွိုꩻဖုံႏ တောမ်ႏ သꩻဗွိုန်နမ်းဗွိုန်အစွိုꩻလင်ဖုံႏ မိဉ်ႏတမွေးတောဝ်း ရုဲင်ꩻတသွိုးမှု ကပါဒါႏ သွꩻဖက်အမျိုꩻမျိုꩻဖုံႏ တောမ်ႏ ကတိဉ်ႏခွေါင်တွော့ꩻ အဓိပ္ပါယ်ႏကအောဝ်ႏဒါႏ သွုပ်ဆွို့မှုဖုံႏ ယို အီႏတယ်ႏထောင်ႏ အွဉ်ႏအုံတနွောင်းလွေꩻအတာႏ နီသွဉ်းသီး အင်းမိုး ရေႏစူꩻဒျာႏသွူ။
နီသွဉ်းသီးယို အွဉ်ႏတန်ꩻဖိုꩻဒျာႏ ကတဗွိုန်နုဲင်းတောဝ်းလို့ဝါင်ꩻဖုံႏယိုတဲင် ခံႏနွမ်ꩻဒျာႏ လိုꩻတဖြာꩻစီႏ ထာꩻထီႏထူꩻချာꩻမှုတောမ်ႏ ကမော့ꩻကခွဲဗာႏဖိုဖုံႏသွူ။ တဗွိုန်နုဲင်းတောဝ်းလို့ဝါင်ꩻဖုံႏယို နီသွဉ်းသီး ရေႏမိုးချက်ဖေႏကအောင်ႏအတာႏ အောဝ်ႏတောဝ်းလꩻတောဝ်း အောဝ်ႏလိုႏငါႏကရိုꩻယို နီသွဉ်းသီးယွုမ်းအံႏဒျာႏတဲင် ကအောဝ်ႏဒါႏအဖဲ့ꩻဆꩻချာဖုံႏ၊ သက်သေႏဖုံႏ အထောက်အထားဖုံႏ မိဉ်ႏတမွေးတောဝ်း ယွုမ်းအံႏယုံႏကေႏမှုထုံႏယို ခွဲꩻချာꩻအွဉ်ႏခေါ်တောဝ်းတဲင် ခွိုင်ႏကားလိုꩻကအောဝ်ႏ ယံကပါသော့ꩻနွောင်ꩻတွော့ꩻ ဖေꩻရန်ႏအဲဉ်ထောဝ်း ဖေꩻကင်ႏထွူ အောဝ်ႏလိုႏကျိုႏဆွုမ်ႏစား အသောင်အရင်ꩻရပ်အုံတရပ်ယို ဖေႏကဖန်ꩻဆင်ꩻနွောင်ꩻအတာႏ နီသွဉ်းသီးအွဉ်း ကတိဒျာႏသွူ။
လိုꩻမှုတရာꩻတရျားမှု တောမ်ႏ အရန်ႏဗွိုန်ဗွိုန် သာႏလဲ့နုဲင်းနုဲင်း ဆာလဲ့နုဲင်းနုဲင်း အတာႏ ယွုမ်းအံႏချက်ကတိဉ်ႏခွောင်ယို နီသွဉ်းသီးအတာႏ ထွာနွန်ႏအာႏတဲင် ယွိုင်ႏစူစွုမ်ႏဖြာꩻယံထူႏလꩻနွောင်ꩻ အချက်ကထွာအခရာႏဖုံႏနောဝ်ꩻ အခေႏခံႏလိုꩻအခွင်ꩻအရေꩻတရပ် ကရိုꩻယို နီသွဉ်းသီး ယွုမ်းအံႏဒျာႏသွူ။ ဒေႏသကိုကအောဝ်ႏဒါႏ နီသွဉ်းသီး အသောင်အရင်ꩻဖုံႏ ဖေႏကဗန်ဖြိုလွဉ် တောမ်ႏ ဖေႏကထင်ႏထိုလွဉ် လွုမ်ꩻတကာႏတောဝ်း နီသွဉ်းသီးကအွဉ်ႏတန်ꩻဖိုꩻမှု တောမ်ႏ ရေႏမိုးချက် ကဗွိုန်ဒါႏ အသောင်အရင်ꩻဖုံႏအခါႏ ဆွန်ꩻစူအီႏမာꩻလွေꩻယို အီႏစွဲကမ်းကိုအကျောင်ꩻ နီသွဉ်းသီးအွဉ်ႏကတိဒျာႏသွူ။
အငိုꩻတလို့တောဝ်း လွစ်လွစ်ခြင်ခြင် သတင်ꩻအချက်အလက်ဖုံႏ ရုဲင်ꩻတသွိုးမှုဖုံႏအကို ယံကထွာဖေႏသွော့ နွန်ႏအာႏတစွိုး တောမ်ႏ ဖန်းဖြယ်ဗဟုသုတ ထာꩻထီႏထာꩻသေတဲင် လိုꩻတွိုင်ꩻယံကထူႏထွꩻအတာႏ အနာဂါတ်ရုပ်ပွိုင်ယံကပေါႏ နီသွဉ်းသီး ရေႏမိုးဒျာႏသွူ။ မာꩻညီꩻနုဲင်းနုဲင်းရောင်တဲင် ဒေႏသကိုလွုမ်ꩻတကာႏတောဝ်း တခမ်ႏဖာႏလွုမ်းဆဲင်ႏရာꩻရုဲင်တသွိုးမှုနောဝ်ꩻ ယံ ဟောဝ်ညဆွာꩻထွူတွော့ꩻ သေရောင်မာꩻနုဲင်းရောင်ကရိုꩻဒါႏ တခြို့ဗိဉ်မှုသူꩻ အီႏလꩻလွေꩻအကျောင်ꩻနီသွဉ်းသီးယွုမ်းအံႏထွူတဲင် စုရောမ်စွိုင်ညီꩻ ဗဟုသုတအစွန်ꩻအအာႏဖုံႏတွော့ꩻ လိုꩻကားကအောဝ်ႏအတာႏ ဖန်းဖြယ်အနာႏဂါတ်တဗာႏ အီႏဖန်ဆင်ꩻမာꩻလွေꩻနီသွဉ်းသီး အွဉ်ႏကတိနောဝ်ꩻသွူ။
အခေႏခံႏတန်ႏဖိုꩻဖုံႏ
နီသွဉ်းသီး ကခွုမ်စံႏမာꩻလွေꩻမှု တောမ်ႏ နီသွဉ်းသီးယဉ်ႏကေႏမှု ဖုံႏ ပုံႏယံကပေါႏ ယံကထွာလွဉ်ကမာꩻဖေႏဒါႏ အဓိကတန်ႏဖိုꩻဖုံႏယို စူခွုမ်အနေႏအီႏခွုမ်သေꩻဒျာႏအကျောင်ꩻ နီသွဉ်းသီးအွဉ်ႏကတိဒျာႏသွူ။ ကအွဉ်ႏတန်ႏဖိုꩻနုဲင်းယိုဖုံႏနောဝ်ꩻ နီသွဉ်သီးအတာႏ အစွိုꩻအဗူႏတဗာႏအနေႏ ထွာဒျာႏအဲဉ်ထောဝ်းလꩻတောဝ်းတဲင် နီသွဉ်းသီးခွိုင်ႏကခွုမ်စံႏယို အီးအွဉ်ႏသေလွေꩻနောဝ်ꩻသွူ။
- ပူꩻပေါင်ꩻမာꩻညီꩻထာꩻမာꩻ။ ပူꩻပေါင်ꩻမာꩻညီꩻထာꩻမာꩻယို ဗန်ဖြိုထင်ႏထိုလွဉ်အီခရာႏတဲင် မိဉ်ႏခွုမ်မာꩻညီꩻလို့ဝါင်ꩻနောဝ်ꩻ အကျိုꩻယိင်းအီႏတန်ထဲင်း အောဝ်ႏဒင်ႏလူးမှု တောမ်ႏ အောင်ႏမျင်ႏမှုအီႏထွာနွောင်ꩻအီကရိုꩻယို နီသွဉ်းသီးယွုမ်းအံႏဒျာႏသွူ။ နီသွဉ်းသီး အသောင်အရင်ꩻ ဖူးဝေးစွိုးခွိုꩻသွꩻဖက်ဖုံႏတောမ်ႏ ကဆွန်ꩻစူဒါႏမိတ်ဖက်ဖုံႏ အခါႏ အကျံႏဉာဏ်ႏဖုံႏ၊သတင်ꩻအချက် အလက် အခရာႏဖုံႏ၊ အရင်ꩻအရွီးအခိုႏဖုံႏယို ဖန်းဖြယ်လို့ဝါင်ꩻတဲင် သွဉ်ထူႏချာငါသွော့ လို့ဝါင်ꩻအလောင်း နီသွဉ်းသီး ဒေါ့ငေါဝ်းထွဉ်ႏတဲင် နိုꩻဆော်ႏဗာႏသွူ။
- ထွင်ႏတသာမုꩻ။ ခွုင်းကား နီသွဉ်းသီးကခွုမ်မာꩻဖုံႏယို ထွင်ႏတသာမှုတောမ်ႏ ထွင်ႏဖန်ꩻဆင်ꩻနွောင်ꩻအစွန်ꩻယို နီသွဉ်းသီးအွဉ်ႏတန်ႏဖိုꩻဒျာႏနောဝ်ꩻသွူ။ နီသွဉ်းသီးယို နီသွဉ်းသီးရေႏမိုးချက်ဖုံႏ ယံကအောင်ႏမျင်ႏ တောမ်ႏ စွဲကမ်းကို နီသွဉ်းသီးအသောင်အရင်ꩻဖုံႏအတာႏ အုံဗော့ꩻလွေꩻ ထွင်ႏအနယ်ꩻဆန်ꩻတသာဖုံႏတဲင် အောဝ်ႏထွုမ်ႏသေႏသေႏဒျာႏနောဝ်ꩻသွူ။
- ခွုင်းကအောဝ်ႏယံကနွို့ပါရေꩻ။ လိုꩻတွိုင်ꩻယို သွဉ်ထူႏထာꩻသေပညာႏခွင်ꩻ တောမ်ႏ စွဲကမ်းကိုခွင်ꩻ အောဝ်ႏကရိုꩻယို နီသွဉ်းသီး ယွုမ်းအံႏနောဝ်ꩻသွူ။ တဗွိုန်နုဲင်းတောဝ်း ဆန်ꩻခေါ်မှု၊ သာႏဗွိုန်ညီႏတရျားမှု တောမ်ႏ ကနွို့ပါသော့ꩻမှုဖုံႏယို နီသွဉ်းသီး အင်းရေႏချက် ယံကအောင်ႏမျင်ႏအတာႏ အရေꩻတန်နောဝ်ꩻသွူ။ နီသွဉ်းသီးယို ဝွေꩻသီးဖုံႏ လာႏသာႏငေါဝ်းငွါ၊ ခင်ႏလမ်း၊ ယဉ်ႏကေႏမှု၊ ထာꩻမုဲင်ꩻကရိုꩻတာႏကအွဉ်ႏမုဲင်၊ အသက်အရွယ်ႏ၊ ရုဲင်ꩻတသွိုးမှု မိဉ်ႏမွေးတောဝ်း ထာꩻထီႏဖုံႏ (မိဉ်ႏအွဉ်ႏနယ်ခိန်ႏ အွဉ်းထွူႏထွူႏတွုမ်တွုမ် ) နုဲင်းမုဲင်ꩻမုဲင်ꩻစွဉ်ႏလဲ့ ကျိုႏဆွုမ်ႏဒျာႏလိုꩻတဖြာꩻစီႏတဲင် မိဉ်ႏအွဉ်ႏပါသော့ꩻဒျာႏ နောဝ်ꩻသွူ။
- အွဉ်ႏအရေꩻခမ်ႏနွမ်ꩻမုꩻ။ နီသွဉ်းသီးယို တဖြာꩻတောမ်ႏတဖြာꩻ တစွိုꩻတောမ်ႏတစွိုꩻ တခမ်းတောမ်ႏတခမ်း အွဉ်ႏအရေꩻခမ်ႏနွမ်ꩻထွူ၊ ဂရုဏာႏတောမ်ႏ ရာက်မေတ္တာႏသီး အခေႏခံႏမူဖုံႏယိုလဲ့ အွဉ်ႏအရေꩻ လွောက်နာႏဒျာႏသွူ။ နီသွဉ်းသီး အသောင်အရင်ꩻတောမ်ႏ နီသွဉ်းသီးထာꩻမာꩻခွုမ်စံႏဖက် (ထာꩻမာꩻဖက်)ဖုံႏအခါႏ ထာꩻထီႏအမျိုꩻမျိုꩻဖုံႏတောမ်ႏ ကမော့ꩻကခွဲဗာႏဖိုဖုံႏယိုလဲ့ နီသွဉ်းသီး အွဉ်ႏသေမှတ်သွူတဲင် အွဉ်ႏတန်ႏဖိုꩻဒျာႏနောဝ်ꩻသွူ။
- လေဖြောင်တင်ႏသျာꩻမုꩻ။ နီသွဉ်းသီး ကခွုမ်မာꩻဖုံႏ တောမ်ႏ လွိုက်ရွေꩻမှုဖုံႏ လို့လို့ယို လေဖြောင်တင်ႏသျှာꩻထွူတဲင် တာႏဝွန်ႏခံႏထူႏနွောင်ꩻဒျာႏကရိုꩻယို နီသွဉ်းသီးယွုမ်းအံႏဒျာႏသွူ။ နီသွဉ်းသီးယို ခွိုင်ႏကား သတင်ꩻအချက်အခရာႏ ကပွိုင်းဝွို့တောမ်ႏ နီသွဉ်းသီးထာꩻမာꩻယို အီႏဖေႏဆောင်ႏခွုမ်မာꩻတာႏ တောမ်ႏ ပုဂ္ဂိုလ်ႏကပွိုင်းဝွို့တောမ်ႏနီသွဉ်းသီးယို ခွိုင်းမော့ꩻ ခွဲသွုပ်ဆွို့တာႏ လေဖြောင်တင်ႏသျှာꩻ မာꩻပုံႏမာꩻနယ်ꩻထုံꩻအကိုဖုံႏယို နွို့မာꩻဆောင်ႏရွက်တာႏ ရေႏမိုးဒျာႏနောဝ်ꩻသွူ။။
- တိဉ်ႏခွောင်ပြဲ့ꩻစွုမ်ႏမုꩻ။ နီသွဉ်းသီး ကခွုမ်မာꩻ ကျိုꩻစာꩻမှုတွိုင်ꩻယို နေးတောမ်ႏ ရိုꩻသာꩻမှုတောမ်ႏ သစ္စာႏအောဝ်ႏမှုတဲင် နမ်းအတာႏကျင်ꩻသုံꩻလွေꩻဒျာႏကရိုꩻယို ရေႏမိုးဒျာႏသွူ။ နီသွဉ်းသီး ကခွုမ်မာꩻထာꩻမာꩻဖုံႏယို ယံကမဲဉ်ႏတာႏ၊ သစ္စာႏယံအောဝ်ႏတာႏ၊ ယွုမ်းအံႏထွိုက်တာႏ တောမ်ႏ တာႏဝွန်ႏခံႏမှုဖေႏကအောဝ်ႏတာႏ ထေအာႏအီႏကျိုꩻစာꩻလွေꩻဒျာႏသွူ။
- အကျိုꩻကထွာလူး။ လိုꩻတဖြာꩻစီႏ တောမ်ႏ နီသွဉ်းသီး ကမာꩻညီꩻထာꩻမာꩻ အသောင်အရင်ꩻဖုံႏအလောင်း အကျိုꩻဟောဝ်ဖေႏကထွာလူးအတာႏ နီသွဉ်းသီးကစုခြွဉ်းခါꩻဒါႏ ဉာဏ်ႏထာꩻထီႏ ထာꩻသေတရာꩻဖုံႏယို အီႏသုံꩻရောင်လွေꩻ ကရိုꩻဒျာႏ သꩻဆန္ဒယို ဝါးနွန်ႏနီသွဉ်းသီးနောဝ်ꩻသွူ။ နီသွဉ်းသီးကစုခြွဉ်းဗူႏခါꩻ ဝီရိယအကျိုꩻ၊ အခိန်ႏဒွေါင်ႏငါလဲ့ ထွာအာအကျိုꩻ တဲင် ယံကတိဉ်ႏခွေါင်ယံခံႏညဆွာꩻနွောင်ꩻအတာႏ နီသွဉ်းသီးအောဝ်ႏမောင်ꩻ အောဝ်ႏရေႏဒျာႏသွူ။ ဒေႏသအကို ထောင်ထွားလွူꩻအလေ့ ယဉ်ႏကေႏမှုတရပ် ဖေႏကထွာလွဉ်အတာႏ ကလꩻလွဉ်ဖုံႏ (မိဉ်ႏတမွေးတောဝ်း ထာꩻမာꩻစဲဉ်ႏဖုံႏ)ယို တဲက်ထွားနွောင်ꩻရေꩻ၊ ထောင်ထွားအခင်ႏကာ တောမ်ႏ ကထွာနွောင်ꩻခင်ႏလမ်းဖုံႏစဲစ် တဲက်ထွားနွောင်ꩻရေꩻ (တောမ်ႏ စုရွမ်မုဲင်တန်ꩻ) အတာႏ စီႏစဉ်ႏမာꩻသေꩻခါꩻပါဒျာႏသွူ။
- တိဉ်ႏခွေါင်ညဆွာꩻတာႏ။ နီသွဉ်းသီးထာꩻမာꩻလို့လို့စင်စင်ယို ဖေႏကတိဉ်ႏခွေါင်ညဆွာꩻအတာႏ ခွိုင်ႏကနွောင်ꩻ အောဝ်ႏကျိုꩻစာꩻမာꩻလွေꩻနောဝ်ꩻသွူ။ နီသွဉ်းသီး ကအွဉ်ႏထွော့ ကဆုံꩻဖျတ်ခါꩻဖုံႏအလောင်း အခိန်ႏမိဉ်ႏညဆွာꩻလွဉ်သွူစွဉ်ႏလဲ့ အကျိုꩻကထဲ့လူးလွဉ်ချာဖုံႏအတာႏ နီသွဉ်းသီးထူႏလွေꩻလို့လို့ဒျာႏတာႏဝွန်ႏတဲင် ကစွဲကမ်းကိုဒါႏ အရင်ꩻအရွီးအခိုႏဖုံႏယိုလဲ့ အကျိုꩻယံကအောဝ်ႏတန်တန်အတာႏ အီႏစီႏရင်ႏအီႏသုံꩻနွောင်ꩻရေꩻ အီႏကျိုꩻစာꩻလွေꩻဒျာႏသွူ။
နုဲင်းဆꩻကီယိုအတွိုင်ꩻ အဓိက ကထွာဒါႏ ခွိုင်ႏအခေႏခံႏတန်ႏဖိုꩻဖုံႏယို နီသွဉ်းသီးခွုမ်မာꩻပုံႏ တောမ်ႏ နီသွဉ်းသီးကအွဉ်ႏထွော့ ဆုံꩻဖျတ်ချက်ဖုံႏအတာႏ အစွိုꩻအဗူႏတစွိုꩻအနေႏ ထွာဖေႏအွဉ်ႏနယ်တဖူꩻအနေႏတဲင် ထွာ ငေါဝ်းအွဉ်ႏသေꩻဖုံႏနောဝ်ꩻသွူ။ နီသွဉ်းသီး ခွုမ်တန်ႏဖိုꩻဖုံႏယိုတဲင် လွောက်နာႏခံႏလွေꩻတာႏ အွဉ်ႏသꩻဓိဋ္ဌာန်ႏဒျာႏသွူ။ နီသွဉ်းသီးထာꩻမာꩻဖုံႏယိုလဲ့ ဖေႏကသေလွရောင်တွော့ꩻ ယံကဆွန်ꩻနီသွဉ်းသီးစူ ယံမာꩻညီꩻနီသွဉ်းသီးထာꩻမာꩻအတာႏ နှိုꩻဆော်ႏတမာလွေꩻတဲင် ယံကပါ ယံကဖေႏနွောင်ꩻအာႏ ရေႏမိုးဒျာႏနောဝ်ꩻသွူ။ မိဉ်ႏလွစ်ကင်ꩻထိုꩻတောမ်ႏ တန်ႏဖိုꩻဖုံႏယိုနောဝ်ꩻ အီႏမာꩻလွေꩻထာꩻမာꩻယို နန်းခီခရာႏအောဝ်ႏရိုꩻစွဉ်ႏလဲ့ ကလွောက်ဖက် ကသေဉ်ႏလျော်ႏဒါႏတဖူꩻအလင်ဖုံႏလဲ့ အီႏအောဝ်ႏဒျာႏနောဝ်ꩻသွူ။
အွဉ်ႏထွော့ခါꩻ ကအီႏမာꩻလွေꩻတာႏ မဟာဗျူဟာ တဖူꩻစဲဉ်ႏ
နီသွဉ်းသီး သွုပ်ပွိုင်ဗဟိုႏ ကအွဉ်ႏထွေ့ာခါꩻဒါႏ မဟာဗျူဟာ တဖူꩻစဲဉ်ႏနောဝ်ꩻ ESEAP ဒေႏသခင်ႏလမ်းအကို အငိုꩻလို့တောဝ်း လွစ်လွစ်တခြင်ခြင် ဗဟုသုတအသောင်အရင်ꩻအတာႏ ယံတယ်ႏထောင်ႏလွေꩻဖေႏ တောမ်ႏ စွဲးကမ်းကိုဖေႏ ကအောဝ်ႏလိုႏဒါႏ(အဲဉ်ထောဝ်းလꩻတောဝ်း) အခေႏခံႏအခင်အပွိုင်အဆောက်အဦးဖုံႏတာႏ ဒျာႏနောဝ်ꩻသွူ။ ကောဝ်ႏထွန်ႏရေႏမိုးချက်အနေႏ အငိုꩻတလို့တောဝ်း ပိုမုဲင်ꩻမုဲင်ꩻတယောဝ်း ယွိုင်ႏစူငါလဲ့ယံကထူႏလꩻနွောင်ꩻဗဟုသုတဖုံႏအတာႏ ကမာꩻတသွာင်းထို ယိုꩻနောဝ် အစွိုꩻကပွိုင်းဝွို့ ကသွုပ်ဆွို့ တောမ်ႏ နီသွဉ်းသီးဖုံႏ၊ အသောင်အရင်ꩻတောမ်ႏ ကနွို့မာꩻသော့ꩻသားဖုံႏ ကမာꩻနွောင်ꩻစွန်ꩻဖေႏကထိုအီဖုံႏ၊ ဖေႏကမွန်ဗန်ဖြို စွဲကမ်းဖေႏဖုံႏ၊ နီသွဉ်းသီးပေါင်ꩻမာꩻညီꩻဖုံႏ စတဲင်ထာꩻမာꩻစဲဉ်ႏဖုံႏ အာႏဖေႏကတလာ ဖေႏကတိဉ်ႏခွေါင် အတာႏ မာꩻတွယ်ꩻပေါင်ညီꩻတောမ်ႏ မိတ်ဖက်ဖုံႏ ပါသော့ꩻနောဝ်ꩻသွူ။
ဒေႏသအကို ကအောဝ်ႏဒါႏ Wikimedia ရုဲင်ꩻတသွိုးမှု မဟာဗျူဟာမြောက် (ကအွဉ်ႏထွော့တဖူꩻစဲဉ်ႏဖေႏကတွိုႏ) ရေႏမိုးချက် ပုံႏယံကပေါႏ နီသွဉ်းသီး သꩻအာႏထင်ဒျာႏသွူ။ နီသွဉ်းသီး ရေႏမိုးချက်ကဗွိုန်ပီဒါႏဖုံႏ ယံကအောင်ႏမျင်ႏအတာႏ ဆွန်ꩻစူဆောင်ႏရွက်မာꩻညီꩻမှု တောမ်ႏ ကမာꩻညီꩻထာꩻမာꩻ မိတ်ဖက်သီး အစွန်ꩻအအာႏယို နီသွဉ်းသီးယွုမ်းအံႏဒျာႏသွူ။ နီသွဉ်းသီးယို ဒေႏသဆဲင်ႏရာꩻအသောင်အရင်ꩻဖုံႏ၊ ကတဲက်ဆဲင်ႏသားဖုံႏ၊ ကဆွန်ꩻစူမာꩻညီꩻဒါႏ မိတ်ဖက်ဖုံႏအခါႏ ကတိဉ်ႏခွေါင်ဒါႏ တာႏဆွာꩻသွုပ်သွယ်ႏရေꩻယို ယံကထွာလွေꩻအတာႏ အွဉ်ႏကတိသေꩻခါꩻထွူတဲင် ကဆုံႏဖျတ်အွဉ်ႏထွော့သေꩻခါꩻဒါႏ လိတ်လာႏဇယာအကို ကအောဝ်ႏဒါႏ လိုꩻဆေꩻဆေ့ꩻဖုံႏယို ရပ်ရာႏအကိုကအောဝ်ႏဒါႏ ထွာလိုꩻတဖြာꩻစီႏအနေႏလွုမ်ꩻတဲင် ဝွေꩻသီးထာꩻထီႏဖုံႏယို တထွာတောဝ်း နီသွဉ်းသီး လိုꩻကအောဝ်ႏလို့လို့နမ်းတင်ကိုယ်ႏစာꩻ အနေႏတမွေးတောဝ်းကရိုꩻနောဝ်ꩻ အွဉ်ႏမုဲင်သေꩻဗာႏနောဝ်ꩻသွူ။
ရေႏမိုးချက်နုဲင်းယိုဖုံႏ ယံကဗွေအတာႏ အစိုးရတမွေးတောဝ်း အစွုမ်ꩻစွိုꩻဖုံႏ၊ ယဉ်ႏကေႏမှုအစွိုꩻဖုံႏ၊ ပညာႏရေꩻစွိုꩻဖုံႏ တောမ်ႏ သꩻကဗွိုန် ဝါႏသနာႏကဗွိုန်ဒါႏ အစွိုꩻဖုံ၊ ကလုဲင်းလဲ့ရပ်အကို ကအောဝ်ႏ ပေါင်ꩻသွꩻမိတ်ဖက်ဖုံႏ ယို အီႏသဲဉ်ꩻစူမာꩻညီꩻလွေꩻဒျာႏနောဝ်ꩻသွူ။ နီသွဉ်းသီး ခွုမ်မာꩻညီꩻလို့ဝါင်ꩻတဲင် ယိင်းတင်ꩻသျှာꩻထဲင်း ကမာꩻရိုꩻရိုꩻတဲင် လိုꩻတွိုင်ꩻအတာႏ ယိင်းလေဖြွဉ် ယိင်းလꩻယိုꩻနွောင်ꩻဒျာႏ ထာꩻသေပညာႏဂေဟစနစ် ယို အီႏတယ်ႏထောင်ႏနွောင်ꩻကရိုꩻယို နီသွဉ်းသီးထင်ႏယူႏခါꩻဒျာႏသွူ။
လေလင်းဖြောင်ဒေါင်မှု၊ ဓမ္မဓိဋ္ဌာန်ႏနယ်ꩻတောမ်ႏ ထာꩻသေပညာႏယို ပိတ်ရဲ အွဉ်ႏထွော့သေꩻခါꩻတောဝ်းတဲင် နွို့ထွားနွို့မာꩻနွောင်ꩻ ဗွိုန်နုဲင်းဒါႏ wikipedia ရုဲင်ꩻတသွိုးမှု အခေႏခံႏမူဖုံႏယို ယံလွောက်နာႏလွေꩻတာႏ နီသွဉ်းသီးရေႏမိုးဒျာႏသွူ။ နီသွဉ်းသီးတောမ်ႏ ဒေႏသဆဲင်ႏရာꩻအသောင်အရင်ꩻအခါႏ ယံကတယ်ႏထောင်ႏနွောင်ꩻ ယွုမ်းအံႏယုံႏကေႏမှုယို အရေꩻတန်ငါႏတဲင် နီသွဉ်းသီးကမာꩻဒါႏ ရေႏမိုးချက်ကဗွိုန်ထာꩻမာꩻဖုံႏယို ထီႏနွောင်ꩻ လေလေလုဲင်းလုဲင်း ဖြောင်ဖြောင်ဒေါင်ဒေါင်ထွူတဲင် ရပ်သားအမျာꩻချင်ꩻချင်ꩻ ရိုꩻရိုꩻသာꩻသာꩻ သွုက်သွယ်ႏရေꩻအနေႏ ရေႏမိုးလွေꩻဒျာႏသွူ။ နီသွဉ်းသီး လွစ်လွစ်ခြင်ခြင် ထာꩻသေပညာႏဂေဟစနစ်အကို ကတင်ႏသျှာꩻအကျောင်ꩻခရာႏ မာꩻနမ်းတင်ကိုယ်ႏစာꩻဖုံႏ ယို ကွာႏဟချက်အောဝ်ႏအကျောင်ꩻ နီသွဉ်းသီးသေဒျာႏတဲင် နီသွဉ်းသီးကထူႏဆ သေꩻခါအချက်ဖုံႏယို ဖေႏကသေဉ်ႏလျော်ႏအခေႏအနေႏအလꩻ ဖေႏကလွောက်ဖက်သေႏသေႏအတာႏ ထွားစဲစ်ဆေꩻချာ ဖျင်ဆင်ချာနွောင်ꩻအတာႏ အောဝ်ႏလိုႏနွောင်ꩻနောဝ်ꩻသွူ။
မိဉ်ႏဒေ့ါꩻရိုꩻရိုꩻဗာႏ ယေဘုယျအနေႏ နောဝ်ꩻ နီသွဉ်းသီး သွုပ်သွယ်ႏရေꩻအအို အပေါက် သွုပ်သွယ်ႏအီတာႏ အလမ်းအပွိုင် "သွုပ်ပွိုင်"ယို ဒေႏသကိုကအောဝ်ႏဒါႏ wikimedia ကရုဲင်ꩻတသွိုးမှုနောဝ်ꩻ အီႏနွန်ႏ အီႏဝါးအီ မဟာဗျူဟာငေါဝ်းထွဉ်ႏချက် တောမ်ႏ အငိုꩻတလို့တောဝ်း ထာꩻသေပညာႏအတာႏ အခေႏခံႏအနေႏကအောဝ်ႏလိုႏဒါႏ ဂေဟစနစ် ယံကမွန်ဗန်ဖြိုလွဉ်တာႏ စွဲကမ်းကိုဖေႏထွူတဲင် ယံကတယ်ႏထောင်ႏနွောင်ꩻ တိဉ်ႏခွေါင်ခံႏ ပေါင်ꩻဆွိုက်သွုပ်သွယ်ꩻရေꩻတွမ်ႏ မိတ်ဖက်စွုမ်ꩻစွိုꩻဖုံႏအခါႏ ရေႏမိုးလွေꩻဒျာႏသွူ။ နီသွဉ်းသီးကဖန်းဖြယ်ဒါႏ အယူႏအတွေꩻဖုံႏယို ပေါင်ꩻစပ်သော့ꩻထွူတဲင် လိုꩻအာအမျာꩻအတာႏ ယိင်းနွို့ပါသော့ꩻနွောင်ꩻ၊ သာႏဗွိုန်တရျားမှု၊ ဖေꩻကင်ꩻရန်ႏသျှင်ꩻတဲင် လိုꩻတွိုင်ꩻထူႏလꩻနွောင်ꩻ ထာꩻသေတရာꩻအသောင်အရင်ꩻခင်ႏလမ်းတဗာႏယို အီႏဆို့ꩻတယ်ႏ အီႏမာꩻနွောင်ꩻလွဉ်ဒျာႏကရိုꩻယို နီသွဉ်းသီး ယွုမ်းအံႏဒျာႏသွူ။
အဆုဲင်ꩻသွတ်ꩻအချုပ်အနေႏ အွဉ်ႏနယ်ချက်
နီသွဉ်းသီး သွုပ်ပွိုင် Hub ယို ခွုမ်စံႏမာꩻညီꩻလွရောင်ထွူတဲင် ခွုမ်စံႏမာꩻညီꩻရောင်အတာႏ အခွင်ꩻအရေꩻအာဖုံႏ အီႏလꩻလွဉ် ကရိုꩻယိုလဲ့ နီသွဉ်းသီးအောဝ်ႏကော့ꩻမောင်ꩻဒျာႏနေနေသွူ။ နောဝ်ꩻမꩻ အာသျှတွိုက် ဖဲ့ꩻကွဉ်ႏ၊ ဖဲ့ꩻကွဉ်ႏနောဝ် တောမ်ႏ ပသိဖိတ်ဒေႏသကို ကအောဝ်ႏဒါႏ Wikimedia အသောင်အရင်ꩻ ကခွုမ်မာꩻသား ကားကအောဝ်ႏလို့လို့ဖုံႏ တောမ်ႏ ပုဂ္ဂိုလ်ႏကဖန်းဖြယ်ဖေႏဒါႏ နီသွဉ်းသီး ကကောꩻမောင်ꩻ ကရေႏမိုးချက်ဖုံႏ ယို ယံကနွို့ပါသော့ꩻသွော့ꩻ နီသွဉ်းသီး သꩻတသွိုးခရာႏ သꩻဝင်ꩻစာꩻခရာႏ အကျိုꩻဗွိုန်ညီႏမျှ ထာꩻမာꩻတသာယိုအကျောင်ꩻ နီသွဉ်းသီး ဖစ်လောဝ်းအွဉ်ႏဟွိုန်ဗာႏနောဝ်ꩻသွူ။ ခွုမ်မာꩻဆွန်ꩻစူ မာꩻညီꩻညီꩻ မာꩻတရျားရျားတဲင် နီသွဉ်းသီး ဖန်ꩻဆင်ꩻမာꩻလွေꩻ တဗွိုန်ပီတောဝ်း အလီꩻတဗာႏ နောဝ်ꩻသွူ။
တဲမ်းထွို့ꩻခါꩻစူမုဲင်-
- WAqil (WMYS) (talk) 07:08, 11 June 2023 (UTC)
- BJ Sinaga (talk) 07:16, 11 June 2023 (UTC)
- A l p h a m a Talk 12:43, 11 June 2023 (UTC)
- Gnangarra (talk) 03:18, 13 June 2023 (UTC) - ESEAP IHC
- Ghozi Septiandri (talk) 04:36, 13 June 2023 (UTC) - ESEAP RGC
- --Hakimi97 (talk) 05:47, 13 June 2023 (UTC)
- --YShibata (talk) 07:37, 13 June 2023 (UTC)
- -- Ultron90 (talk) 08:09, 13 June 2023 (UTC)
- Tofeiku (talk) 10:15, 13 June 2023 (UTC)
- RamzyM (talk) 10:37, 13 June 2023 (UTC)
- Kunokuno (talk) 10:54, 13 June 2023 (UTC) on behalf of Wiki Advocates Philippines User Group
- ZI Jony (Talk) 16:22, 13 June 2023 (UTC)
- seav (talk) 17:22, 13 June 2023 (UTC)
- Buszmail (talk) 02:05, 14 June 2023 (UTC)
- Diamantino Soares 11:20, 14 June 2023 (UTC)
- Dody Ismoyo (talk) 02:35, 14 June 2023 (UTC)
- Athikhun.suw (talk) 03:36, 14 June 2023 (UTC)
- Azoma (talk) 03:37, 14 June 2023 (UTC)
- B20180 (talk) 03:38, 14 June 2023 (UTC)
- --J. Patrick Fischer (talk) 03:54, 14 June 2023 (UTC)
- Silverio Araujo 00:30, 20 June 2023 (UTC)
- Jessie Mi (talk) 03:55, 14 June 2023 (UTC)
- Josefwintzent Libot (Talk) 07:35, 14 June 2023 (UTC)
- Takot (talk) 13:06, 14 June 2023 (UTC)
- (Sorot20) (talk) 01:32, 15 June (UTC)
- Arupako (talk) 19:08, 14 June 2023 (UTC)
- Kizhiya (talk) 22:44, 14 June 2023 (UTC)
- Meursault2004 (talk) 07:08, 15 June 2023 (UTC)
- (Yuchenglinedu (talk) 09:51, 15 June 2023 (UTC)
- Amanda Lawrence (talk)
- Ninja✮Strikers «☎» 17:07, 15 June 2023 (UTC)
- Ralffralff (talk) 00:55, 16 June 2023 (UTC) on behalf of the Pilipinas Panorama Community
- Lady01v (talk) 13:26, 16 June 2023 (UTC) 00:55, 16 June 2023 (UTC)
- Exec8 (talk) 17:26, 16 June 2023 (UTC)
- Robertsky (talk) 19:36, 16 June 2023 (UTC)
- Arcuscloud (talk) 05:54, 17 June 2023 (UTC)
- Agus Damanik (talk) 22:38, 16 June 2023 (UTC)
- Ilham Mufti Laksono (talk) 23:18, 15 June 2023 (UTC)
- Pru.mitchell (talk) 23:32, 16 June 2023 (UTC)
- Saimawnkham (talk) 23:49, 16 June 2023 (UTC)
- Sam Wilson 00:23, 17 June 2023 (UTC)
- Raflinoer32 (talk) 01:35, 17 June 2023 (UTC)
- Jusan Misolas (talk) 02:42, 17 June 2023 (UTC)
- Do Tri ✓ 💬 04:08, 17 June 2023 (UTC)
- Jp2593 (talk)
- Ambrosia10 (talk) 06:07, 17 June 2023 (UTC)
- --*Youngjin (talk) 07:05, 17 June 2023 (UTC)
- Patsagorn Y. (Talk) 07:37, 17 June 2023 (UTC)
- Daphpb (talk) 02:30, 18 June 2023 (UTC)
- Even Barrameda (talk) 02:34, 18 June 2023 (UTC)
- BiancaBrazal (talk) 05:03, 18 June 2023 (UTC)
- Einebillion (talk) 05:20, 18 June 2023 (UTC)
- Marshelec (talk) 05:55, 18 June 2023 (UTC)
- Noracrentiss (talk) 06:10, 18 June 2023 (UTC)
- Pakoire (talk) 11:46, 18 June 2023 (UTC)
- Harditaher (talk) 12:40, 18 June 2023 (UTC)
- Brahmavadini (talk) 13:48, 18 June 2023 (UTC)
- Ilham.nurwansah (talk) 02:17, 19 June 2023 (UTC)
- On behalf of Wikimedia Indonesia, Rachmat (WMID) (talk) 04:59, 19 June 2023 (UTC)
- Tvcccp (talk) 05:47, 19 June 2023 (UTC)
- Bracteantha (talk) 06:23, 19 June 2023 (UTC)
- Jjw (talk) 08:00, 19 June 2023 (UTC)
- Rhythm (talk) 08:17, 19 June 2023 (UTC)
- Angal26 (Angal26) 08:25, 19 June 2023 (UTC)
- Giantflightlessbirds (talk) 20:03, 19 June 2023 (UTC)
- Lea.fakauvea (talk) 21:34, 19 June 2023 (UTC)
- Ballardmaize (Talk) 02:02, 20 June 2023 (UTC)
- Alexander Imig/Ai24 (talk) 06:33, 20 June 2023 (UTC) ]]
- Carlojoseph14 (talk) 09:51, 20 June 2023 (UTC)
- MaiaCWilliams (talk) 11:31, 20 June 2023 (UTC)
- Joycewikiwiki (talk) 04:51, 21 June 2023 (UTC)
- Horus (talk) 05:06, 21 June 2023 (UTC)
- Eric Liu（Talk） 09:13, 21 June 2023 (UTC)
- Friagatewayfinder
- AuteWayOfWeaving
- Lawrence756 (talk) 11:50, 22 June 2023 (UTC)
- Labdajiwa (talk) 00:30, 23 June 2023 (UTC)
- Teddybear41422 (talk) 01:39, 23 June 2023 (UTC)
- ༒ Nhac Ny ༒ Talk to me ♥ 09:33, 23 June 2023 (UTC)
- Jeromi Mikhael (talk) 06:51, 29 June 2023 (UTC)
- OraMAAG (talk) 10:01, 29 June 2023 (UTC)
- Johnstad Wanna Talk? 01:30, 4 July 2023 (UTC)
- :JarrahTree (talk) 05:26, 8 July 2023 (UTC)
- Bahnfrend (talk) 06:38, 8 July 2023 (UTC)
- Canley (talk) 06:15, 9 July 2023 (UTC)
- 이강철 (talk) 06:43, 10 July 2023 (UTC)
- Mạnh An (talk) 02:04, 16 July 2023 (UTC)
- Omotecho (talk) 02:53, 16 July 2023 (UTC)
- ThePoisonousDart (talk) 02:51, 24 July 2023 (UTC)
- Filipinayzd (talk) 03:36, 15 August 2023 (UTC)
- Maffeth.opiana (talk) 03:54, 15 August 2023 (UTC)
- Kunirasem (talk) 04:18, 15 August 2023 (UTC)
- Imacat (talk) 09:16, 15 August 2023 (UTC)
- Marife.altabano (talk) 09:19, 15 August 2023 (UTC)
- CMD (talk) 03:09, 19 August 2023 (UTC)
- Firth m (talk) 18:21, 21 August 2023 (UTC)