Mission
Le declaration del mission del Fundation Wikimedia describe nostre activitates e objectivos actual, le portata de nostre projectos, e nostre valores central. Illo sta in contrasto con nostre declaration del vision. Nostre declaration del mission, un elaboration del version curte in le Articulos de Incorporation e approbate per un resolution del Consilio in April 2007, es:
Le mission del Fundation Wikimedia es de potentiar e ingagiar le publico in tote le mundo a colliger e disveloppar contento educative sub un licentia libere o in le dominio public, e a disseminar lo effective- e globalmente.
In coordination con un rete de voluntarios individual e nostre organisationes independente del movimento, incluse le Capitulos recognoscite, organisationes thematic, gruppos de usatores e Socios, le Fundation forni le infrastructura essential e un inquadramento organisative pro le supporto e le disveloppamento de projectos wiki multilingue e altere effortios que servi iste mission. Le Fundation rendera e mantenera informationes utile de su projectos disponibile sur Internet, gratuitemente e in perpetuitate.
Omne proposition a cambiar le texto del declaration deberea esser facite sur Mission/Unstable. Le propositiones essera revidite al minus un vice per anno.