2015 Stratiggìa/Cunzurtazzioni dâ cumunitati
For the 2016 consultation, please see 2016 Strategy/Community consultation |
This phase of the consultation is closed. For information about the outcome, please see our blog post. |
La Wikimedia Foundation (WMF) è l'organizzazzioni no-profit di binificenza ca susteni e gistisci pruggetti granni pô sapiri basati supra wiki comu Wikipedia. Travagghiannu nzèmmula a migghiara di cullabburatura vuluntari appassiunati, e di littura, semu custantimenti mpignati a fari crìsciri li nostri pruggetti e spànniri la sò purtata glubbali n manera di putiri cundivìdiri cuntinuti lìbbiri, ridatti nta chiù lingui e istruttivi cô munnu nteru.
Lu tò puntu di vista è mpurtanti. Stamu travagghiannu supra na stratiggìa pi WMF, e avemu bisognu d'arcuni riflissioni priliminari supra lu futuru. Stamu cugghennu nfurmazzioni di pirsuni comu a tìa. La spirienza e la pruspittiva di tìa accanzata n'aiuta a ampliari lu nostru pinzeru e ginirari un risurtatu pi daveru rapprisintativu dê nostri obbiettivi cumuni. Liggemu li tò cuntribbuti p'aiutari a furmulari la nostra stratiggìa, ca cundividemu câ cumunitati pê cummenti.
Si addisìi chiossai nfurmazzioni, poi taliari Cuntestu oppuru cuntrullari stu post ntô Blog WMF.
Comu poi participari?
Lèggiti prima la primissa ccà sutta, poi arrispunni a l'addumannati ntâ pàggina di discussioni.
Primissi
L'ambienti d'Internet sta canciannu. Ntê pròssimi tri anni n'aspittamu d'assìstiri ô mpattu vigurusu d'armenu dui granni tinnenzi glubbali:
- Lu munnu sta sempri chiù spustànnusi supra lu cillulari. Li tinnenzi ammùstranu ca li dispusitivi di tilifunìa mòbbili stannu addivintannu lu principali (e ô spissu lu sulu!) modu d'accessu a Internet pi la maiuri parti dê pirsuni ntô munnu. Li nostri siti hannu a èssiri chinamenti priparati a chistu.
- Lu pròssimu miliardu d'utenti Internet sta p'arrivari online (e cumprenni un nùmmiru cunzidirèvuli d'utenti d'Asia, Mèrica Latina e Àfrica). St'utenti ponnu aviri picca o nudda nuzzioni pricuncetta di qualegghiè pruggettu Wikimedia e putìssiru aviri mutivazzioni novi pi participari quannu lu fannu.
L'addumannati
Oltri â diffusioni dê dispusitivi mòbbili e ô miliardu di pirsuni novi supra Internet, quali àutri tinnenzi idintificàssitu? Supra la basi dê tinnenzi futuri ca riteni mpurtanti, comu mmàggini hannu a appariri dê pruggetti Wikimedia pròspiri e sòlidi?
Dinni zocchi nni penzi
Cuntribbuisci a difiniri lu futuru di Wikimedia Foundation facennu clic supra lu pulsanti ccà sutta. Lu tò cuntribbutu è prizziusu ntô mumentu ca stamu naugurannu stu prucessu.
Arricorda ca tutti l'arrispunnuti sunnu pubblicamenti accissìbbili e ca prisintànnuli ccà li stai rilasciannu ntô duminiu pùbblicu, accussì ca ponnu èssiri usati o distribbuiti p'arricerca o àutri scopi. Pi favuri, nun ripurtari nta sta sedi dati pirsunali.