ಕೇಂದ್ರೊಲು
The Movement Charter Drafting Committee has a draft about Wikimedia Hubs as part of the upcoming Wikimedia Movement Charter available for your review: you are invited to share your feedback on the draft on the Talkpage. |
 Hubsತ ಬಗೆಟ್ ಪೊಸ ಸುದ್ದಿ (ಸಾಯ ಮಾನ್ಪುನಾ!)
|
|---|
|
ಕೇಂದ್ರೊ ಪನ್ಪುನವು ವಿಕಿಮೀಡಿಯಾ ಮೂಮೆಂಟ್‍ಡ್ ಸಾಂಸ್ತಿಕೊ ಗಟಕೊಲೆಗ್ ಪುದರಾದಿತ್ತ್‌ದ್, ಒಂಜೆಡ್ದ್ ಎಚ್ಚ ಸ್ವಯಂಸೇವಕ ಸಮುದಾಯೊನು ಬೆಂಬಲಿಸುಂಡು. ಅವೆಕುಲು ಉಪಕ್ರಮೊಲೆಡ್ ಒಂಜಿ ಮೂಮೆಂಟ್ ಕಾರ್ಯತಂತ್ರೊದ ಸಿಪಾರಸುಲು. ಕೇಂದ್ರೊದ ಕಲ್ಪನೆಲು ಅದಿಕಾರೊನು ಪಟ್ಟೊನುನ ಬಯಕೆಗ್ ಪ್ರತಿಕ್ರಿಯಿಸವುಂಡು, ಎಚ್ಚ ನಿರ್ದಾರೊ ದೆತೊನುನೆನ್ ತಯಾರಿತ್ತಿನ ಸಮುದಾಯೊಲೆಗ್ ಕೈತಲಾಪುಂಡು. ವಿಕಿಮೀಡಿಯಾ ಫೌಂಡೇಶನ್‌ಡ್ ಕೇಂದ್ರೀಕ್ರತವಾಯಿನ ಇತ್ತೆದ ಮಾದರಿಗ್ ಹೋಲಿಸಂಡ, ಪ್ರದೇಸೊ ಅತ್ತಂಡ ತೀಮ್‌ಡ್ ಬೇಲೆ ಮಲ್ಪುನಗ ಅವು ಎಚ್ಚದ ದಕ್ಷತೆನ್ ಕೊನರುಂಡುಂದು ನಿರೀಕ್ಷೆ ಉಂಡು.
ಈಡೆಮುಟ್ಟ, "ಕೇಂದ್ರೊ"ಗಾದ್ ಒಮ್ಮೇ ಸ್ವಸ್ಟೊ ವ್ಯಾಕ್ಯಾನೊಲು, ಪಾಲ್ಲು ಬುಕ್ಕೊ ಜವಾಬ್ದಾರಿಲೆನ್ ಹೊಂದಿಸದ್‌ಜಿ. ಕೇಂದ್ರೊಲೆ ಪಾಲ್ ಬುಕ್ಕೊ ಜವಾಬ್ದಾರಿಲೆನ್ ದುಂಬು ಬರ್ಪುನ ಮೂಮೆಂಟ್ ಚಾರ್ಟರ್ ಡ್ ವಿವರಿಸದಾತ್ಂಡ್. ಆ ಚಾರ್ಟರ್‌ದ ಕರಡು ರಚನೆದೊಟ್ಟುಗೆ, ಆ ಪಾಲ್ಲು ಬುಕ್ಕೊ ಜವಾಬ್ದಾರಿಲೆನ್ ಇತ್ತೆ ಚರ್ಚಿಸಯರ ಆಪುಂಡು. ಸಂಸೋದನೆ, ಚರ್ಚೆ ಅತ್ತಂಡ ಯೋಜನೆಗ್ ಸೇರೊನುನ ಕೇಂದ್ರೊ ಯೋಜನೆಡ್ ದಿಂಜ ಸಾದ್ಯತೆಲು ಉಂಡು.
ಕೇಂದ್ರೊಲೆನ್ ಪ್ರಾದೇಸಿಕೊ (ಬೌಗೋಳಿಕೊ, ಉದಾ. ಮಧ್ಯ ಪೂರ್ವ ಯುರೋಪ್) ಬುಕ್ಕೊ ವಿಸಯಾದಾರಿತಂದ್ ಕಲ್ಪಿಸದಾತ್ಂಡ್. ಅವು ಅಸ್ತಿತ್ವೊಡಿಪ್ಪುನ ಗಟಕೊಲೆ ವರ್ದನೆಯಾದುಂಡು, ಅಂಗಸಂಸ್ತೆಲೆ ನಡುತ ಸಹಯೋಗೊಲು ಅತ್ತಂಡ ನಿರ್ದಿಸ್ಟೊ ಉದ್ದೇಸೊಗಾದ್ ಅಗ್‌ಲ್ ತಯಾರ್ ಮಲ್ಪುನ ಪೊಸ ರಚನೆಲು ಅದೀನತೆದ ತತ್ವೊ ಅನುಸರಿಸದ್, "ಅಗ್‌ಲ್ ಸೇವೆ ಮಲ್ಪುನ ಸಮುದಾಯೊಲು ಬುಕ್ಕೊ ಸಂಸ್ತೆಲೆ ಅಗತ್ಯೊಲೆನ್ ಗುರ್ತಿಸವುನ ಬುಕ್ಕೊ ಸಮರ್ತಿಸವುನ" ಮೂಲಕೊ ಪಿದಯಿ ಬರ್ಪೆರ್ಂದ್ ನಿರೀಕ್ಷೆ ಉಂಡು.
ಕೇಂದ್ರೊಲು ಅಗ್‌ಲೆನ ಅಗತ್ಯೊಲು, ಪ್ರಬುದ್ದತೆ ಬುಕ್ಕೊ ಸಂಪನ್ಮೂಲೊಲೆ ಪ್ರಕಾರೊ ದಿಂಜ ಪಾತ್ರೊಲೆನ್ ದಿಂಜವುನ ನಿರೀಕ್ಷೆ ಉಂಡು. ಸಂಬಾವ್ಯೊ ಪಾಲ್ಲು ಸೇರ್‌ದುಂಡು : ಕಾನೂನು ಬೆಂಬಲೊ, ಸಂಪನ್ಮೂಲ ಪಟ್ಟೊನುನೆ (ಅನುದಾನೊ ಕೊರ್ಪುನೆ), ಸಾಮರ್ತ್ಯೊ ನಿರ್ಮಾಣೊ, ಅಂತರ-ಗುಂಪು ಸಮನ್ವಯೊ, ತಂತ್ರಜ್ಞಾನೊ ಬುಲೆಪಾವುನೆ, ಮಾರ್ಗದರ್ಸನೊ, ಮೌಲ್ಯಮಾಪನೊ ಸೇವೆಲು ಬುಕ್ಕೊ ನಾನಾತ್. ಕೆಲವು ಪಾಲ್‌ಲೆಗ್ (ಅನುದಾನೊ ತಯಾರಿಕೆದಂಚಿನ) ಕಾನೂನು ಗಟಕೊಲೆ ರಚನೆದ ಅಗತ್ಯೊ ಇಪ್ಪು. ಬೇತೆ ಪಾಲ್‍ಲೆನ್ ಕಾನೂನು ಗಟಕೊಡ್ದ್ ಬೆಂಬಲಿಸವಂದಿ ಬುಕ್ಕೊ ಮಾಂತ ಸ್ವಯಂಸೇವಕೆರ್-ಆದಾರೊತ ಕೇಂದ್ರೊಲೆಡ್ದ್ ಪೂರೈಸವೊಲಿ.
ವಿದೊಲು
ಪ್ರಾದೇಸಿಕೊ ಕೇಂದ್ರೊ
ಪ್ರಾದೇಸಿಕೊ ಕೇಂದ್ರೊಲು ನಿರ್ದಿಸ್ಟೊ ಪ್ರದೇಸೊಲೆನ್ ಬೆಂಬಲಿಸವುನ ಮಿತ್ತ್ ಕೇಂದ್ರೊಡಿಪ್ಪುಂಡು, ಸಂದರ್ಬೊಗು ತಕ್ಕ ಚಟುವಟಿಕೆಲು, ಪರಿಕರೊಲು ಬುಕ್ಕೊ ಮಾಹಿತಿನ್ ಅನುಮತಿಸವುಂಡು. "ಸೂಕ್ತವಾದ್ ಸಂಪನ್ಮೂಲೊಲೆನ್ ಹೊಂದ್‍ದಿತ್ತ್ಂಡ, ಅಗ್‌ಲ್ ಸಾಮರ್ತ್ಯೊ ನಿರ್ಮಾಣೊ, ಗೇನೊ ವರ್ಗಾವಣೆ ಬುಕ್ಕೊ ಸಮನ್ವಯೊಡು ಸಾಕಾರ ಮಲ್ಪಿಯರ ಅಂಗಸಂಸ್ತೆಲೆನ ಗುಂಪುಲೆಗ್ ಅದಿಕಾರೊ ಕೊರ್ಪೆರ್ಂದ್" ಸಿಪಾರಸು ಆಪುಂಡು.
ವಿಸಯಾದಾರಿತೊ ಕೇಂದ್ರೊಲು
ವಿಸಯಾದಾರಿತೊ ಕೇಂದ್ರೊಲು ಜಾಗತಿಕ ವಿಸಯಾದಾರಿತ ಪ್ರದೇಸೊಲೆನ್ ಬೆಂಬಲಿಸವುನ ಮಿತ್ತ್ ಕೇಂದ್ರೀಕರಿಸವುಂಡು. ವಿಸಯಾದಾರಿತೊ ಕೇಂದ್ರೊಲೆನ್ ಸಿಪಾರಸ್ಡ್ ವಿವರಿಸದಾತ್ಂಡ್ "ಪರಿಣತಿಗಾದ್ ಬುಕ್ಕೊ ಮೂಮೆಂಟ್ ಕಡೆಮುಟ್ಟ ಬೇಲೆ ಮಲ್ಪಿಯರ ಒಪ್ಪಿಗೆ ಕೊರ್ದು, ಅಲ್ಪ ಪಟ್ಟ್‌ನ ಉದ್ದೇಸೊಲು ಸಂಗಟಿತ ಪರಿಗಾರೊಡ್ದು ಪ್ರೇಜನೊ ದೆತೊಂಡು". ವಿಸಯಾದಾರಿತ ವಿಸಯೊಲೆನ್ ಸಿಪಾರಸ್ಡ್ "ಪರಿಣತಿದ ಕ್ಷೇತ್ರೊಲೆನ್" ಸೇರ್‌ನಂಚನೆ ವ್ಯಾಕ್ಯಾನಿಸಲಾತ್ಂಡ್, ಅಯಿಟ್ ಕೆಲವು ಉಲ್ಲೇಕೊ ಮಲ್ತ್‌ನ ಉದಾರ್ಮೆಂದ್ ಪಂಡ "ವಕಾಲತ್ತ್, ಸಾಮರ್ತ್ಯೊ ನಿರ್ಮಾಣೊ, ಪಾಲುದಾರಿಕೆಲು, ಸಂಸೋದನೆಲು ಇಂಚಿತ್ತಿನವು."
ವಿಸಯಾದಾರಿತೊ ಕೇಂದ್ರೊಲೆ ಒಂಜಿ ಸಂಬವೊದ ರೂಪೊಂದ್ ಪಂಡ ಬಾಸೆದ ಕೇಂದ್ರೊಲು. ಪರಡ್‍ನ ಸಮುದಾಯೊಲೆಡ್ (ಒಂಜೇ ಬಾಸೆನ್ ಪಟ್ಟೊನುನ) ವೈವಿದ್ಯೊ, ಸೇರೊನುನೆ ಬುಕ್ಕೊ ಪ್ರಾತಿನಿದ್ಯೊನು ನಿಗಂಟ್ ಮಲ್ಪಿಯರ ಬಾಸೆ ದಿಂಜ ಮಹತ್ವ ಆದುಂಡು. ಬಾಸೆ ಬವುಸೊ ಮೂಮೆಂಟ್‌ದ ಮುಕ್ಯೊ ಸಾಂಸ್ಕೃತಿಕ ಅಂಸೊ ಆದುಂಡು. ಒಂಜಿ ದೇಸೊ ಅನೇಕೊ ಅದಿಕ್ರತ ಬಾಸೆಲೆ ಹೊಂದ್‍ದಿಪ್ಪುಂಡು, ಬುಕ್ಕೊ ಒಂಜಿ ಬಾಸೆನ್ ದಿಂದ ದೇಸೊಲೆಡ್ ಪಾತೆರ್‌ಬೆರ್.
ಕಜ್ಜೊಕೂಟೊಲು
ಕೇಂದ್ರೊಲೆ ಬಗೆಟ್:ಕಜ್ಜೊಕೂಟೊಲೆ ಪಟ್ಟಿ
| Date | Event |
|---|---|
| ೨೭ ನವಂಬರ್ ೨೦೨೧ | ಕೇಂದ್ರೊಲೆ ಸಹ-ಸ್ರಿಸ್ಟಿ ಕಜ್ಜೊಕೂಟೊ (ಕಜ್ಜೊಕೂಟೊದ ಪುಟೊ) |
| ೨೧ ಪೆಬ್ರವರಿ ೨೦೨೨ - ೪ ಮಾರ್ಚಿ ೨೦೨೨ | ಕೇಂದ್ರೊಲೆ ಸಂಬಾಸಣೆ (ಸಂಸೋದನೆದ ಸಾರಾಂಸೊ, ಬೇತೆ ಬಾಸೆಲು) |
| ೧೨ ಮಾರ್ಚಿ ೨೦೨೨ | ಕೇಂಧ್ರೊದ ಜಾಗತಿಕ ಸಂವಾದೊಲು (ಕಜ್ಜೊಕೂಟೊದ ಪುಟೊ) |
| ೨೪ ಜೂನ್ ೨೦೨೨ - ೨೬ ಜೂನ್ ೨೦೨೨ | ಕೇಂದ್ರೊಲೆ ಸಹ-ಸ್ರಿಸ್ಟಿ ಕಜ್ಜೊಕೂಟೊ (ಕಜ್ಜೊಕೂಟೊದ ಪುಟೊ) |
ಇತಿಯಾಸೊ
ಜೂನ್ 2010 ಡ್, ಐಬೆರೊಕೂಪ್, ವಿಕಿಮೀಡಿಯೊದ ಸುರುತ ಪ್ರಾದೇಸಿಕೊ ಸಹಯೋಗೊನು ಸ್ತಾಪನೆ ಮಲ್ತ್ಂಡ್. ಬುಕ್ಕೊದ ವರ್ಸೊಲೆಡ್, ಪೂರ್ವ, ಆಗ್ನೇಯ ಏಷ್ಯಾ ಬುಕ್ಕೊ ಪೆಸಿಫಿಕ್ ಪ್ರಾದೇಸಿಕೊ ಸಹಕಾರೊ (2018?) ಬುಕ್ಕೊ ವಿಕಿಮೀಡಿಯಾ ಸೆಂಟ್ರಲ್ ಬುfಕೊ ಪೂರ್ವ ಯುರೋಪ್ (2011), ಪೂರ್ವ, ಆಗ್ನೇಯ ಏಷ್ಯಾ ಇಂಚ ದಿಂಜ ಗುಂಪುಲೆನ್ ತಯಾರ್ ಮಲ್ಪಿಯರಾಂಡ್, ವಿಕಿಕಾನ್ಫರೆನ್ಸ್ ಉತ್ತರ ಅಮೇರಿಕಾ (2016) ಇಂಚಿನಪೂರ.
2018-20 ಕಾರ್ಯತಂತ್ರೊ ಪ್ರಕ್ರಿಯೆ ಪೊರ್ತುಡು, ಪ್ರಾದೇಸಿಕೊ ಬುಕ್ಕೊ ವಿಸಯಾದಾರಿತೊ ಕೇಂದ್ರೊಲೆ ಪ್ರಸ್ತಾಪೊಲೆನ್ ಸಂಪನ್ಮೂಲೊ ಪಟ್ಟೊನುನ ಕಾರ್ಯೊ ಗುಂಪು ರಡ್ಡನ್‌ಲಾ ದುಂಬು ದೀಡೊಂದು (ಪ್ರಾದೇಸಿಕೊ ಕೇಂದ್ರಗಾದ್ ಸುರುತ ಕರಡು ಸಿಪಾರಸುಲೆನ್ ತೂಲೆ: ಸುರುತ ಕರಡು, ರಡ್ಡನೆದ ಕರಡು; ವಿಸಯಾದಾರಿತೊ ಕೇಂದ್ರೊಲು: 1, 2), ಬುಕ್ಕೊಪಾಲ್‍ಲು ಬುಕ್ಕೊ ಜವಾಬ್ದಾರಿಲೆ ಬೇಲೆದ ಗುಂಪು (ಸುರುಕು ಪಂಡಿನಂಚನೆ "ಕೋಟಿಯಲ್" ಮಾದರಿದ ಬಾಗೊ, ಕರಡು ಸಿಪಾರಸು ತೂಲೆ, ಉಂದು ಅಸ್ತಿತ್ವೊಡಿಪ್ಪುನ ಪ್ರಾದೇಸಿಕೊ ಸಹಯೋಗೊಲೆಡ್ದ್ ಪ್ರೇರಣೆನ್ ಉಲ್ಲೇಕಿಸವುಂಡು.)
ವಕಾಲತ್ತ್ ಬುಕ್ಕೊ ಸಾಮರ್ತ್ಯೊ ನಿರ್ಮಾಣೊ ಬೇಲೆದ ಗುಂಪುಲು ಅನುಕ್ರಮವಾದ್ ಕಾನೂನು ಬುಕ್ಕೊ ಸಾಮರ್ತ್ಯೊ ನಿರ್ಮಾಣೊಗಾದ್ ಇಪ್ಪುನ ಸಂಸ್ತೆಲೆಗ್ ಕರಡು ಸಿಪಾರಸುಲೆನ್ ಬುಲೆಪಾದೊ (ಕರಡುಲೆನ್ ತೂಲೆ, ವಕಾಲತ್ತ್ 1, 2, ಸಾಮರ್ತ್ಯೊ ನಿರ್ಮಾಣೊ 1, 2); ಇಂದೆನ್ ಬುಕ್ಕೊ ಸಂಬನೀಯೊ ವಿಸಯಾದಾರಿತ ಕೇಂದ್ರೊಲೆ ಉದಾರ್ಮೆಗಾದ್ ಸಂಯೋಜಿಸಲಾಂಡ್. ಮೇ 2020 ಡ್ ಅಕೇರಿದ ಆವ್ರತ್ತಿ ಮುಟ್ಟುನೆಗ್ ದುಂಬು ವಿಕಿಮೀಡಿಯಾ ಫೌಂಡೇಶನ್ ಬೋರ್ಡ್ ಆಫ್ ಟ್ರಸ್ಟಿಲೆ ಸಿಪಾರಸುಲೆಡ್ ಮೂಜನೇ ಪುನರಾವರ್ತನೆಡ್ ಪರಿಸ್ಕಾರೊ ಆಂಡ್.
ಕಾರ್ಯತಂತ್ರೊದ ಪರಿವರ್ತನೆದ ಪೊರ್ತುಡು, ಕೇಂದ್ರೊಲೆ ಬಗೆಟ್ ದಿಂಜ ಚರ್ಚೆಲು ನಡತ್ತೊ: ನವೆಂಬರ್, ಡಿಸೆಂಬರ್ ಬುಕ್ಕೊ ಜನವರಿ ಡ್ ಕೇಂದ್ರೊದ ಚರ್ಚೆಲೆ ವರದಿನ್ ತೂಲೆ.