Evidense ëd Wikimedia, Stèmber 2012
Highlights dal Rapòrt ëd la Fondassion Wikimedia e dal Rapòrt ëd j'ingegné ëd Wikimedia për Stèmber 2012, con na selession ëd j'àutr amportant event dal moviment Wikimedia
Evidense dla Fondassion Wikimedia
L'utiss "Pagina Curation" a fà pi bel fé revisioné vos neuve ëd Wikipedia
Minca di, milen-e ëd pagine neuve a son creà dzora a Wikipedia, obligand senten-e d'editor volontari a controlene la qualità. Për rendi pi bel fé sò travaj, l'Echip Engagement ëd j'Editor a l'ha dësvilupà la funsion "Page Curation". A conten doi utiss:
- L'Avis ëd Pagine Neuve, anotà con anformassion ch'a giuto a revisioneje
- La Bara dj'Utiss Curation, che a ven d'apress ëd na pagina neuva, an ofrend a j'editor autoconfirmà la disponibilità ëd vàire assion, për esempi marché na pagina neuva com revisionà, marchela për problem ëd qualità, o nominela për scanselament.
Pagina Curation a l'é stàit dësvilupa dzora a la Wikipedia Anglèisa ai 20 dë Stèmber, e a l'é pianificà ch'a ven-a disponìbil prest dzora a àutr proget.
Vàire editor neuv ëd Wikipedia a preuvo frustrassion quand che a ancamin-o na vos che a l'é pa scond j'aspetative dla comunità e a ven scanselà. A së spera che la funsion Curation ëd Pagina a daga ëdcò dj'artorn pi bon ai creator ëd pagine.
Lansà un model neuv basà sij volontari për distribuì sòld dle donassion
Da l'ùltima metà ann, a l'é stàit stabilì un model neuv për distribuì ij sòld ëd le donassion cujìe travers ai sit dij proget Wikimedia. Pi che 10$ milion ëd lòn a saran adess distribuì basà an sle racomandassion dël neuv Comità ëd Distribussion dij Fond, che a consist anterament ëd volontari.
Seguend un process ëd nòmina pùblich, ij set mémber votant dël prim FDC a son stàit nonsià: Arjuna Rao Chavala (India), Dariusz Jemielniak (Polònia), Ali Haidar Khan (Bangladesh), Mike Peel (Regn Unì), Yuri Perohanych (Ukràina), Sydney Poore (Stat Unì), and Anders Wennersten (Svessia). A son stàit giontà Jan-Bart de Vreede (Olanda) and Patricio Lorente (Argentin-a) com rapresentant nen votant ëd la Diression ëd la Fondassion Wikimedia. Susana Moraes (Portogal) a l'é stàita nominà com ombudsperson për ël process FDC.
Ël FDC adess a sta esaminand j'arceste ëd finansiament ëd 12 organisassion, che a son duverte per pùblich coment fin ai 12 d'Otober.
Sit neuv dël proget dij viagi, e atività legaj
La Fondassion Wikimedia a l'ha concordà d'ospité un sit neuv dël proget dij viagi su arcesta dla Comunità Wikimedia. Për maleur, ai 29 d'Aost dël 2012, Internet Brands, ël padron dël sit web Wikitravel, a l'ha sità an giudissi doi volontari ëd Wikitravel, portand vàire motivassion legaj. An arspòsta, un dij volontari a l'ha deposità na mossion anti-SLAPP, an sostnend che la causa d'Internet Brand a l'ha sercà d'ampedì sò drit ëd discute ëd neuv proget ëd viagi ëd Wikimedia. La Fondassion Wikimedia a l'ha ëdcò antentà na causa contra Internet Brands, an sostnend ch'a l'ha pa ël drit d'ampedì la creassion dël neuv proget ëd viagi.
Dat e Tendense
Visitador ùnich globaj për Aost:
- 456.25 milion (+0.98% paragonà con Luj; +7.92% paragonà con l'ann prima)
- (dat comScore për tùit ij proget ëd la Fondassion Wikimedia; comScore a darà ij dat dë Stèmber pi tard an Otober)
Arceste ëd pàgine për Stèmber:
- 19.1 miliard (+5.3% paragonà con Aost; +20.9% paragonà con l'ann prima)
- (Dat dij registr dij server, tùit ij proget ëd la Fondassion Wikimedia comprèis j'acess da sacociàbil)
Editor Ativ Registrà për Aost 2012 (modìfiche dij >= 5 spassi nominaj/mèis, an gavand ij trigomiro):
- 79,572 (-0.74% paragonà con Luj / -0.81% paragonà con l'ann prima)
- (Dat dël database, tùit ij proget ëd la Fondassion Wikimedia. Nòta: recentement i l'oma rafinà sta métrica për ten-e an cont Wikimedia Commons e j'atività travers pi proget.)
Carta dël Rapòrt (a ìntegra vàire dat statìstich e tendense a propòsit dij proget WMF) për Aost 2012:
Finansiament
 |
 |
(J'anformassion finansiarie a son mach disponìbij për Aost 2012 al moment dë sto rapòrt.)
Tute j'anformassion finansiarie presentà a son për l'anterval 1m Luj 2012 - 31 Aost 2012
| Intrade | $1,758,126 |
|---|---|
| Spèise: | |
| Echip Tecnològica | $2,286,158 |
| Echip ëd la Cujìa Fond | $417,387 |
| Echip Global ëd Dësvilup | $1,110,627 |
| Echip ëd Govern | $144,825 |
| Echip ëd Finansa/HR/Aministrassion | $864,207 |
| Legal/Avocat dla Comunità/Comunicassion | $377,572 |
| Spèise Totaj | $5,200,776 |
| Avans total/(pèrdita) | ($3,442,650) |
- Intrade për ël mèis d'Aost a son $1,4MM rispet al pian ëd $454K, apeprò $946K o 203% dzora al pian, dzortut dovù a 1,0MM arseivù da la Fondassion Sloan.
- J'intrade dl'ann al moment a son $1,8MM rispet al pian ëd $1,9MM, apeprò $0,1MM o 9% sota al pian.
- Jë spèise për ël mèis d'Aost a son $2,6MM rispet al pian ëd $2,7MM, apeprò $0,1MM o 3% sota al pian, dzortut dovù a spèise përsonaj, spèise d'hosting internet, spèise ëd viagi, spèise ëd capital, e spèise legaj parsialment compensà da na garansia për ël program ëd catalisassion ëd l'India e da spèise ëd reclutament pi àute.
Le spèise anuaj al moment a son $5,2MM rispet al pian ëd $5,9MM, apeprò $0,7MM o 12% sota al pian, dzortut dovù a spèise përsonaj, hosting internet, spèise ëd viagi, spèise an capitaj, spèise legaj.
- La posission ëd cassia a l'é $21.8MM a parte dai 31 d'Aost 2012, che a son apeprò 6,2 mèis dë spèise.
Autre evidense dël moviment
Concors fotogràfich mondial Wiki Loves Monuments con partecipassion record
Pi che 15.000 përson-e a l'han carià pi che 350.000 figure a Stèmber për Wiki Loves Monument 2012, ël concors focalisà dzora a fòto libre ëd monument nassionaj. Ël nùmer ëd fòto a l'é pi che rindobià rispet a l'event 2011, che a l'é stàit Ufissialment sertificà com ël pi gran concors fotogràfich ant ël mond dal Guinness World Records. Le fòto vinsitris nassionaj a son stàite nunsià për j'US e j'àutre nassion, e le prime 12 ant ël mond a saran nunsià a l'inissi dë Dzèmber.
Conflit ëd discussion anteressante
Dë Stèmber, ij proget "wiki-town" Monmouthpedia e Gibraltarpedia a l'han generà dle discussion a propòsit se un fiduciari ëd Wikimedia UK a l'avìa faje ant na manera ch'a stërmava sò ròl ëd fiduciari dël capìtol ëd Wikimedia, un consulent pagà për la gestion dij proget, e n'editor government partnersd la Wikipedia Anglèisa. Wikimedia UK e la Fondassion Wikimedia a l'han antlora nominà ansema n'espert andipendent për revisioné sia le sistemassion ëd govern ëd Wikimedia UK e ij conflit d'anteressi relativ a sti proget.
Prima Conferensa EduWiki
L'Università ëd Leicester, Anghiltèra, a l'ha vëddù la prima Conferensa EduWiki, unend ansema académich da tre continent e Wikimedian për parlé ansema a propòsit dël Program d'Educassion ëd Wikipedia e d'àutre manere ëd colaborassion. La conferensa ëd doi di a l'era organisà da Wikimedia UK.