This page is a translated version of the page Universal Code of Conduct/Project and the translation is 100% complete.
Universal Code of Conduct

Ponokosangai Pointongkop

Tatakowoowoyoon Sejagat (UCoC) diti nopo nga' popotounda garis impohon global montok popowonsoi kowoowoyoon ii otorimo do pointongkop koguraan miampai aiso toleransi kumaa kakasahan. Suang UCoC, papahangkum do dasar om garis tonudon ponguatkuasaan, ii pinaharo id suang duo fasa, om kalaja di masagan nogi powonsoyon montok popowonsoi dasar om garis tonudon ponguatkuasaan UCoC. Sanarai ababayan poimponu ii poinghompit id koingkakatan UCoC ginorisan id suang kutak navigasi id boogian siriba bolikan diti.

Status dinondo

Dinondo, polisi om garis tonudon ponguatkuasaan nopongo no dii, Jawatankuasa Penyelaras Tatakowoowoyoon Sejagat (U4C) mositi wonsoyon montok monokodung evolusi dasar om ponguatkuasaan. Iso jawatankuasa bongunan binontuk montok momonsoi piagam montok U4C om manapanai pomilian di kumoinsan. Basa'o toilaan potilombus kokomoi kapamanahan Garis Tonudon om Jawatankuasa Bangunan U4C

Sajara

Tatakowoowoyoon Sejagat (UCoC) nopo nga' goss utama mantad do proses strategi om pibarasan komuniti Wikimedia 2030. Popotounda do koumoligan om kosuangan id suang komuniti om papaharo kod kowoowoyoon natahang no sabaagi kominagan bobos takawas montok sogu Strategi Koguraan kotolu.

UCoC popotounda do garis impohon global montok kowoowoyoon di otorimo montok pointongkop koguraan miampai aiso toleransi kumaa kakasahan. UCoC nowonsoi mantad proses pitabangan duo fasa. Fasa 1 kohompit no momodingkai dasar. Fasa 2 kohompit no momodingkai garis tonudon ponguatkuasaan. Lembaga Mongingit Amanah Yayasan Wikimedia minagakun dasar di antakan 2 Mansak 2021, om komuniti mongundi garis tonudon ponguatkuasaan dii ontok Gomot 2022. Undian koiso popokito sokodung komuniti montok garis tonudon dii, miampai piipiro gana koingkawasan khusus nointutunan maya booboroson di tinahak id proses dii. Jawatankuasa Hal Ehwal Masyarakat (CAC) Lembaga mokianu moi do' jawatankuasa simakan ii pinuruanan do komuniti mogintong piipiro boogian garis tonudon dii. Proses pomurnian nopongo, om undian ii pinuruanan di komuniti koduo pinaharo antakan Milatok 2023. Maya koutuson, Lembaga Mongigit Amanah mongundi montok meratifikasi Garis Tonudon Ponguatkuasaan ontok 9 Gomot 2023.

Timpu baino, Jawatankuasa Momonsoi Tatakowoowoyoon Sejagat masagan do momonsoi piagam Jawatankuasa Penyelaras Tatakowoowoyoon Sejagat'