Adjuta:Unification de contos
A proposito del contos global
Que es?
Le Fundation Wikimedia conduce multe wikis modificabile in multe linguas. Le usatores debeva traditionalmente crear un conto separate pro cata wiki. Isto rendeva plus difficile participar a multe wikis, particularmente post le integration con Wikimedia Commons pro multimedia e con Wikidata pro ligamines interwiki.
Le systema de contos global resolve iste problemas per le reservation de tu nomine in tote le wikis (de sorta que nemo pote usurpar tu identitate). Un conto local es create automaticamente pro te quando tu visita un wiki pro le prime vice.
Tu pote Special:CentralAuth pro vider detalios sur tu conto global. Le adresse de e-mail e le contrasigno que tu configura sur Special:Preferentias essera usate sur tote le wikis. Isto significa que tu pote aperir session sur qualcunque projecto public de Wikimedia con solmente un nomine de usator e contrasigno.
Lo que cambia
Le registration de un nomine de usator in qualcunque wiki de Wikimedia automaticamente reserva ille nomine in tote le alteres; isto vole dicer que altere usatores non pote plus registrar le mesme conto in altere wikis. Le usatores debe definir e confirmar lor adresse de e-mail solmente in un conto. Le cambiamento del contrasigno in un del wikis lo cambia equalmente in tote le wikis. In ultra, le pagina Special:UserLogin ora aperi session in tote le wikis unificate insimul. Nonobstante, si tu sorti del pagina de apertura de session ante que le processo ha finite, le apertura de session pote esser incomplete: si le processo JavaScript es interrumpite, es possibile que tu non entra in tote le wikis.
Altere wikis essera addite al conto del usator al momento del prime visita, e un conto local essera create sur ille wiki. Per exemplo, un usator ordinari de Commons e del Wikipedia in germano non habera automaticamente un session aperte in Wikibooks in interlingua, ma si un tal usator visita le Wikibooks in interlingua un vice durante que le session es aperte, alora ille aperira session in Wikibooks in interlingua cata vice a partir de iste momento. (Pro vider le wikis in que tu ha aperite session, vide Special:CentralAuth).
Lo que non cambia
- Alcun cosas remane local:
- Le derectos de usatores es local pro le major parte, lo que significa que le administratores non habera ubique le accesso de administrator. Le gruppos global, como revertitor global, administrator global, modificatores del interfacie global, e un exemption global de blocada IP, pote esser demandate in Steward requests/Global permissions.
- Le preferentias del usator es local, ben que le adresse de e-mail debe solmente esser definite e confirmate in un singule loco. Tu pote continuar a haber differente preferentias in cata sito, ma es etiam possibile definir preferentias global.[1]
- Le blocadas es local; isto vole dicer que le usatores blocate sur un wiki pote totevia apportar modificationes sur altere wikis, si non blocate per un administrator local. Nonobstante, si un conto es serrate globalmente o blocate globalmente, alora isto se applica a tote le wikis.
- Le usatores pote continuar a haber contos con differente nomines in duo sitos; nonobstante, iste contos non pote esser ligate in un conto global unic.
- Le systema de unification de contos es solmente disponibile pro le sitos aperte del Fundation Wikimedia; le sitos que executa le mesme software wiki ma non es sub gerentia del Fundation continuara a haber systemas de contos separate, mesmo si illos ha installate le extension CentralAuth, le qual es responsabile pro le systema de unification de contos.
Resolution de conflictos
In iste momento, Wikitech es in le progresso de migration al systema de contos unificate. Examina tu Special:CentralAuth pro vider si tu ha un conto Wikitech non attachate. Si tu lo ha, tu pote reciper iste message de error quando tu tenta aperir session sur un wiki ubi tu conto non ja existe:
Folio a questiones
Pote mi nomine de usator global esser renominate?
Si. Tu pote demandar cambiamentos de nomine con iste formulario o per inserer un demanda in Steward requests/Username changes, ubi un steward o "renominator global" examinara tu demanda. Vide le politica de renomination global pro detalios.
Io ha duo o plus contos con nomines differente. Pote illos esser fusionate in un conto?
Si illos se trova sur wikis differente, alora es theoricamente possibile fusionar los in un conto global unic con un nomine consistente, ma le processo es complexe e rarmente exequite. Si illos se trova sur le mesme wiki, alora es totalmente impossibile fusionar le contos.
Esque io habera le stato "autoconfirmate" in altere wikis?
No. Tu debera attender durante le periodo appropriate de tempore e apportar le numero appropriate de modificationes post que tu ha primo aperite un session in cata wiki particular, ante que tu recipera le stato de conto autoconfirmate.
Esque io pote fusionar contos a partir de wikis restringente le creation de contos?
No, isto non es possibile. Le wikis Fishbowl e private non face parte del systema de contos unificate e usa lor proprie contos separate.
Proque se claude mi session sur un altere wiki de MediaWiki post que io ha aperite session?
Isto non es un fallimento del systema de unification de contos. In general, le causa es que le navigator limita le portata del cookies que le systema pone sur tu navigator, impediente le session.
Nota que cata insimul de wikis del mesme familia ha un differente nomine de dominio de base, p.ex. wikipedia.org, wikimedia.org, wikisource.org, etc., e le cookies es definite per dominio. Si tu session falle continuemente, considera mitter un reporto de defecto sur Phabricator.