Wikimedia Meta-Wiki

lawa weka pi esun Wikimesija

This page is a translated version of the page WMF Global Ban Policy and the translation is 96% complete.
Outdated translations are marked like this.
Other languages:


nimi lili:
WMFBAN
OFFICEBAN
ni li lawa pi esun Wikimesija. jan li ken ante e lipu. taso ante ni li ante ala e lawa. sina lukin e lipu la, o lukin e ante pini. ken la jan li pona ala e jaki. anu ken la jan li lukin pona e lipu, li pakala.

weka pi esun Wikimesija la jan li ike lon lipu mute la, namako la mi esun li ken weka e ona tan lawa pali mi. ni li pali esun. lipu Wikimesija ale la ni li pona e jan sitelen, e jan lukin, e jan ante, li ken e toki pona. mi ken weka e jan wan, e jan esun. lawa ni li weka ala e lawa weka pi kulupu Wikimesija.

weka pi esun Wikimesija la nasin pi kulupu awen li lon lipu nasin ni.

jan en kulupu en esun ni o awen, o pona. tan ni la, jan li ike tawa lawa la, mi ken toki tawa lawa ma.

nasin

lawa ni la mi wile e ni: nasin pi kulupu lili li ken ala awen e jan Wikimesija, e kulupu Wikimesija, e jan ale la, mi awen e ona.

kulupu Wikimesija li ken weka e jan tan lipu ale anu tan lipu wan. weka pi esun Wikimesija li weka ala e ni. nasin kulupu li pona la, mi wile ala ante e pali ona. lipu Wikimesija ale la, nasin pi kulupu lili li suli tan lawa pali. weka pi esun Wikimesija li pona e nasin ni. taso tenpo la ni li ken: esun Wikimesija o anpa e nasin pi kulupu lili tan pona pi esun ni, anu tan pona pi jan ale, anu tan pona lipu. ken la mi esun li sona e ijo len.

lipu ni li toki lon weka la, ona li toki lon weka pi esun Wikimesija. ona li toki lon weka kulupu la, ona li toki e ni.

lipu ni li pona e ken sona. taso lipu ni li toki lon lawa lon, li pana ala e lawa sin. lawa li kama ante la, lipu ni o ante. taso ken la lipu li ante ala lon tenpo. jan li ante e lipu ni, li jan pi esun Wikimesija ala la, ken la esun ni li pilin ala e ni. sina wile sona e nasin mi la, o toki lon lipu toki, anu o toki poki tawa nimi pi tawa lipu "ca wikimedia org".

weka la ni li kama

weka ni la jan li ken ala sitelen lon lipu pi esun Wikimesija, li ken ala pali ante kepeken ijo Wikimesija. ni li ken jan wan, li ken jan pali pi jan ante. ijo Wikimesija li poki e lipu lon www.wikimedia.org, e kulupu toki mi, e tomo sona Wikimesija, e ilo sama lipu Papikato. esun Wikimesija li kulupu e jan, anu li mani e kulupu jan la, kulupu ni li ijo Wikimesija. jan weka li ken ala pali e ijo ni kepeken jan ante. pali ni li pona tawa jan weka, tawa jan kepeken la, ni li ante ala. jan weka li awen pali lon ijo Wikimesija la, weka li awen pona. jan ale li ken weka e pali pi jan weka.

weka li ken tan ni

weka pi esun Wikimesija li namako. tenpo mute la ona li tan ni: jan li toki tawa mi lon ike. mi lukin mute e ni. jan pi esun Wikimesija li lawa e weka.

ona li ken tan ni:

  • kulupu lili li ken ala lawa pona e ona.
  • kulupu lili li alasa mute pona e ike. taso pona li kama ala.
  • esun Wikimesija li sona e ike, li ken ala toki lon ona. ken la mi sona e ijo jan poki. ken ja ni li ijo lawa. ken la pakala li ken kama.

mi ken weka e jan tan ni kin:

  • ona li toki ike mute tawa jan lon lipu mute.
  • ona li toki utala tawa jan Wikimesija lon kulupu ante.
  • ona li alasa pakala e jan Wikimesija, e jan pi esun Wikimesija.
  • mute la ona li kute ala e lawa pali. ken la ona li pana e lipu pi ike lawa kepeken ilo mi.
  • ona li alasa pakala e awen pi ilo mi.

jan weka

mi weka e jan, li weka ala e nimi jan taso. jan li ken ala kepeken sijelo ante, li ken ala pana e sijelo sin, li ken ala sitelen kepeken sijelo ala. jan o pali ala tan wile pi jan weka.

sona weka

open weka la mi sitelen lili e ni lon lipu sijelo pi jan ni. ona li kepeken lipu mute la, mi sitelen lon lipu pi sijelo suli nanpa wan. kin mi sitelen lon lipu toki ona. lipu pi jan weka la mi sitelen e nimi ona.

tenpo suno pi open weka la tan ken la mi toki poki tawa jan weka lon nasin ni, lon ken ona pi lukin sin. taso ni li ken pakala e jan anu alasa lawa la, mi toki ala. jan li pana e nimi pi tawa lipu tawa mi la, mi toki poki kepeken ni. ante la mi toki poki ala.

jan li toki tawa mi lon wile weka ona la, mi ken toki tawa ona lon weka.

lukin sin

tenpo la jan li ken lukin sin e weka, e pali esun ante. mi lukin e pali jan, li pali esun la, kulupu pi lukin sin li ken kute e wile pi lukin sin. mi mani ala e jan pi kulupu ni. kulupu ni li lon tenpo lili. tenpo sike 2021 la mi toki lon lawa pi kulupu ale, li pali e nasin pi tenpo mute. jan li wile e lukin pi pali jan la, anu jan li kama weka la, ona li ken toki e wile pi lukin sin. jan ante li ken ala. mi pali ala pali esun la, jan li ken toki e wile pi lukin sin. taso mi lukin ala tan ken lukin kulupu la, lukin sin li ken ala. jan li wile toki e wile pi lukin sin la, o lukin e lipu pi kulupu pi lukin sin.

wile weka

jan li wile e weka la, ona o toki tawa kulupu awen pi esun Wikimesija. sina wile e pali wawa la,

  • o toki lili lon wile weka.
  • toki kulupu li pona la, kepeken nimi URL la o pana e toki kulupu.
  • o pana e sona suli. sina ken pana e nimi URL pi pali ike. kulupu li alasa e sona lon jan pi weka wile, sina ken pana e nimi URL ni. ijo pi lipu ante li suli la, sina ken pana e sitelen pi lipu ni.
  • jan li toki Inli ala la, ante toki pi toki Inli li pona, li wawa e nasin lukin.

sina toki e wile weka kepeken lipu kulupu pi lipu Wikimesija, kepeken ilo toki, kepeken uta la, mi kute ala e ni lon ken.

weka li pona tawa lawa la, tan lawa pi pali esun la jan pi kulupu awen li ken weka e jan. ken la mi weka ala e jan. mi alasa e sona. tenpo la mi pali esun ante tan ni, anu li pali ala. mi pali ala la, ken la wile weka li pona. tenpo mute la kulupu li ken pona e ike jan. tenpo ni la mi pali ala.

nasin weka

tenpo mute la mi kute e wile weka lon tenpo mun. ken la ni kama suli tan suli lipu. jan pi weka wile li tan kulupu pi toki Inli ala la, tenpo li ken kama suli tan ante toki.

sona

weka Wikimesija li lon kulupu pi pali esun. pali esun en weka Wikimesija la o sona e ni:

ken la jan pi pali pona o weka

ken la jan li pona mute e lipu Wikmesija. ken la ona li suli lon kulupu. taso ken la ona o weka. mi weka e jan la, ni li tan pali ike ona. pali ike ona li sama tan weka la, ken la pali pona ona li weka ala e pali ike.

jan o kute e weka

jan li kute ala e weka la, mi ken pakala e ona. mi ken pini e sijelo Wikimesija, li ken weka e ken sitelen tan nimi IP, anu tan kulupu poka pi nimi IP, li ken weka e sitelen.

sina pona e alasa weka ala pi jan weka la mi ken pakala e sina

sina sitelen tan jan weka, anu li alasa nasa e pali weka pi jan Wikimesija, e pali weka pi lawa kulupu la, mi ken pakala e sina. mi ken weka e ken suli sina, e ken sitelen sina. jan li lukin e ike ni la ona li ken toki tawa kulupu awen kepeken nimi "ca wikimedia org".

toki weka li len

tan wile len jan la esun Wikimesija li toki ala lon tan weka lon tenpo mute. jan weka li ken ala sona e toki weka la, ona li ken toki tawa kulupu awen kepeken nimi "ca wikimedia org". tan pona la mi ken pona lili e sona ona. taso mi toki ala e nimi pi jan pi wile weka. ona o ken toki tawa mi. mi pakala ala e ona. kin jan weka li wile utala toki e tan weka la, ala.

weka mi li tan ilo ala

weka pi esun Wikimesija li namako, li tan ilo ala. ona li tan alasa jan tan nasin. jan pi esun Wikimesija mute li toki lon weka. ni li poki e jan lawa tu pi kulupu awen, e jan lawa pi pona kulupu, e jan pi sona lawa, e jan lawa esun lon tenpo mute. tenpo ale pi nasin weka la, ken weka li ken kama ala. jan lukin ale a li toki pona lon weka la, mi weka e jan.

weka li ken ala tan mute. ken la weka li pakala e jan pi wile weka, e jan pi weka wile. ken la weka li nasa e pali pi lawa ma. ken la pakala ante o kama.

jan pi sitelen ala kin li ken kama weka

weka pi esun Wikimesija li namako. ona li kama la, tenpo mute la jan weka li jan sitelen. taso mi ken weka e jan pi sitelen ala kin. weka li tan ala pali lon ijo Wikimesija. ona li tan ni: kulupu Wikimesija la pali jan li ken pakala e awen pi jan sitelen, e awen pi jan lukin, anu li ike e sitelen, e toki.

lipu ni la sina wile sona anu seme

weka pi esun Wikmesija la sina wile suli e sona sina la, sina ken toki lon lipu toki pi lipu ni. kin sina ken toki poki tawa kulupu awen kepeken nimi "ca wikimedia org". o sona e ni: tan len pona jan la mi toki ala lon weka wan. jan li weka tan kulupu Wikimesija la, o lukin e lipu ni.

jan ni li weka tan esun Wikimesija

For the full log (including, for example, alternate accounts also locked under this policy), visit the WMFOffice log.

Retrieved from "https://meta.wikimedia.org/w/index.php?title=WMF_Global_Ban_Policy/tok&oldid=27911583"