Тэхнічнае/Пераключэньне сэрвэру (2018)

This page is a translated version of the page Tech/Server switch 2018 and the translation is 86% complete.

Outdated translations are marked like this.

Прачытаць гэтае паведамленьне іншай мовай • Please help translate to your language

Фундацыя Вікімэдыя зьбіраецца тэсьціць свой другасны цэнтар зьвестак. Гэта забясьпечыць даступнасьць Вікіпэдыі і іншых праектаў Вікімэдыі ў онлайне нават у выпадку катастрофы. Каб пераканацца, што ўсё працавацьме, аддзелу тэхналёгіяў Вікімэдыі патрэбныя плянавыя выпрабаваньні. Яны мусяць паказаць, ці магчыма надзейнае пераключэньне з аднаго цэнтру зьвестак на іншы. Да выпрабаваньняў мусяць быць гатовыя розныя каманды, каб у выпадку непрадбачаных праблемаў апэратыўна іх выпраўляць.

Яны пераключаць увесь трафік на другасны цэнтар зьвестак у сераду, 12 верасьня 2018 року. У сераду, 10 кастрычніка 2018 року яны правядуць адваротнае пераключэньне на першасны цэнтар зьвестак.

На жаль, праз пэўныя абмежаваньні ў MediaWiki, пры пераключэньні ўсе рэдагаваньні мусяць спыніцца. Перапрашаем за нязручнасьці і прыкладаем усе намаганьні да іхняй мінімізацыі ў будучыні.

Цягам кароткага пэрыяду вы зможаце толькі чытаць, але не рэдагаваць усе вікі.

Гэта працягнецца каля гадзіны ў сераду 12 верасьня і сераду 10 кастрычніка. Выпрабаваньні пачнуцца а 14:00 UTC (15:00 BST, 16:00 CEST, 10:00 EDT, 07:00 PDT, 23:00 JST, паводле новазэляндзкага часу ў чацьвер 13 верасьня а 02:00 NZST і ў чацьвер 11 кастрычніка).
Пры спробе рэдагаваньняў у гэты час вы пабачыце паведамленьне пра памылку. Мы спадзяемся, што рэдагаваньні ў гэтыя хвіліны ня будуць страчаныя, аднак гарантаваць гэтага ня можам. Калі вы бачыце паведамленьне пра памылку, пачакайце, калі ласка, пакуль усё не адновіцца. Пасьля гэтага вы зможаце захаваць сваё рэдагаваньне. Аднак на ўсялякі выпадак мы раім вам сьпярша стварыць копію вашых зьмяненьняў.

Іншыя наступствы:

Фонавыя задачы запаволяцца, а некаторыя могуць спыніцца. Чырвоныя спасылкі могуць абнаўляцца ня так хутка, як звычайна. Калі вы створыце артыкул, на які ўжо недзе існуе спасылка, спасылка застанецца чырвонаю даўжэй, чым звычайна. Некаторыя доўгатрывалыя сцэнары мусяць быць спыненыя.
У тыднях з 10 верасьня і 8 кастрычніка 2018 код будзе замарожаны. Нязначныя зьмяненьні коду ня будуць прымацца.

Пры неабходнасьці гэтыя пляны могуць быць адкладзеныя. З раскладам можна азнаёміцца на wikitech.wikimedia.org. Любыя зьмяненьні будуць прадстаўленыя ў раскладзе. Пра гэта будуць дадатковыя паведамленьні. Калі ласка, падзялецеся гэтай інфармацыяй з вашай супольнасьцю. /User:Johan(WMF) (talk)