10 razones por las que querrás nuestras nuevas fichas
La comunidá de la Wikipedia catalana invertió enforma tiempu en poner al día les fiches (les tables de datos a la derecha de los artículos) con un Wikiproyeutu lideráu por un usuariu entusiasta (echa una güeyada a esta entrevista). Esta iniciativa yá tomó vuelu y creemos que sedría afayadizo copialo n'otres versiones de Wikipedia. Sabemos que vas querer sacar el mayor partíu d'estes fiches nueves cuando sepas cómo funcionen. Naturalmente, podríamos date motivos distintos pa cada artículu que tenga una ficha, pero esta llista de diez puntos tendría de ser abondo:
- Cenciellez d'usu. Acabáronse los díes en que teníes d'escribir montones de códigu y parámetros crípticos solo p'añadir datos a les fiches. Tan solo añade una ficha a una páxina y recuperará automáticamente la información dende Wikidata.
- Anueva toles llingües d'una sola vegada. Los cambeos realizaos a los datos de Wikidata arrobiñen en toles llingües de Wikipedia. Por casu, si añades la fecha de la muerte d'una celebridá o actualices la llista de ganadores d'un premiu en Wikidata, los artículos en tolos idiomes van recoyer los cambeos nel intre.
- Datos globales, contestu llocal. Nel casu de precisar da-yos un toque llocal a los artículos, estes fiches permiten añadir campos manualmente p'amosar datos que tendrán prioridá sobro la información sacada de Wikidata. Asina, puedes caltener tola información que teníes coles fiches anteriores… y muncho más.
- Con estilu: Les fiches aseguren que los artículos rellacionaos comparten uha estructura asemeyada, lo que fai más cenciello comparales.
- Da-yos dinamismu a los mapes. Les fiches pueden incluyir una etiqueta d'allugamientu que, al pulsiala, te va llevar a un mapa dinámicu d'Open Street Maps. Agora vas poder echar un gabitu a los proyeutos asemeyaos.
- Como muñeques ruses. Los parámetros de les fiches pueden apilase: por casu, un artículu d'una organización tien el campu «See central», que llama a una ficha d'«edificiu», con información sobro monumentos. Esto desencadena una cascada de datos rellacionaos de maneres non siempres obvies a primera vista.
- Caltenimientu cenciellu. Les fiches asemeyaes entemécense'n en tipos comunes. Esto amenorga la necesidá de caltenimientu porque, amás del diseñu compartíu y harmonizáu, hai que tar al tantu de menos plantíes. ¡Qué descansu!
- Ye un proyectu en collaboración La toma de decisiones coleutiva caltria esti proyeutu, dende los colores de los cantos de la tabla hasta los parámetros de cada ficha. Arreyáronse munches persones nesta xera, ensin importar les sos habilidaes téuniques.
- Información d'una güeyada: Los llectores ocasionales atopen la información más rápido na ficha, y sólo necesiten lleer el testu completu si deseen saber más de la tema. Esto fai la vida más cenciella a los llectores que sólo busquen un fechu o númberu específicu.
- Un mundu completamente nuevu: Nós entá nun esploramos les posibilidaes completes d'estes nueves fiches. Son un proyeutu que cambia constantemente, igual que Wikipedia.
Equí hai un exemplu: w:ca:Charles Robert Darwin.