Lo más destacao de Wikimedia, mayu de 2013
Lo más destacao del Informe de la Fundación Wikimedia y del informe d'inxeniería de Wikimedia de mayu de 2013, con una esbilla d'otros acontecimientos del movimientu Wikimedia importantes
Lo más destacao de la Fundación Wikimedia
Espublizáu l'informe de collecha de fondos
L'equipu de collecha de fondos de la Fundación Wikimedia espublizó un informe de la campaña 2012-2013. L'informe analiza la evolución del diseñu del anunciu ya incluye datos fasta'l fin de 2012 sobro la campaña n'inglés y la campaña multillingüe de 2013, que recaudó un total de $35 millones USD de más de 2 millones de donantes.
Invitación a la comunidá para discutir les práctiques sobre marques rexistraes
L'Equipu llegal y de defensa de la comunidá (LCA) publicó una declaración tocante a les práutiques sobre marque rexistraes, onde pide comentarios de la comunidá sobre la política de Marques Rexistraes de Wikimedia, el procedimientu, y otres cuestiones. L'oxetivu ye equilibrar l'interés de llicenciar la marca p'actividaes afines a la misión de Wikimedia, cola necesidá de prevenir el mal usu ya'l "llicenciamientu desnudu" (llicenciamientu ensin control de calidá). Esta ye la ocasión d'apurrir idees porque l'equipu considera anovar les polítiques y práutiques no que cinca a les marques rexistraes.
Wikipedia Zero llanzada en Paquistán
Wikipedia Zero, el programa que da accesu de baldre a Wikipedia a persones de tol mundu pel teléfonu móvil yá ta disponible'n Paquistán, n'asociación con Mobilink (Vimpelcom). La base de más de 32 millones d'usuarios de la empresa fai d'esti el segundu mayor llanzamientu de Wikipedia Zero a día de güei.
La función "Nearby" amuesa los artículos de Wikipedia na redolada del llector
Nos preseos con reconocimientu d'allugamientu (como los smartphones con GPS), una nueva páxina "Cercano" ufre la llista los artículos cercanos al allugamientu actual del llector. Esta carauterística ta diseñada pa preseos móviles, pero tamién funciona na versión d'escritoriu de Wikipedia.
Nuevu entornu d'agospiamientu de ferramientes desarrollaes pola comunidá
Yá ta operativu el Tool Labs, un entornu pa que los desarrolladores de la comunidá ufran ferramientes de software esternes d'encontu del trabayu nos proyeutos de Wikimedia. Col sofitu del capítulu alemán de Wikimedia, munches ferramientes esistentes yá se migraron dende'l Toolserver de Wikimedia a Tool Labs.
Principia la busca d'un nuevu direutor executivu
Publicóse la convocatoria pa nuevu Direutor Executivu de la Fundación Wikimedia. Con esto principia la busca del socesor de Sue Gardner, que dexará'l cargu nel trescursu d'esti añu. La presidenta del Conseyu d'alministración Kat Walsh pidió ayuda a los wikimedistes p'alcontrar el meyor candidatu, espardiendo la noticia nes sos redes.
Datos y tendencies
Visites úniques globales p'abril:
- 517 millones (-0,17% comparao con marzu; +9,16% comparao col añu anterior)
- (Datos de comScore pa tolos proyeutos de la Fundación Wikimedia; comScore espublizará los datos de mayu a finales de xunu)
Solicitúes de páxines en mayu:
- 21,0 miles de millones (+0,8% comparando con abril; +16,5% comparando col añu pasáu)
- (Datos del rexistru del sirvidor, tolos proyeutos de la Fundación Wikimedia incluyendo l'accesu per móvil)
Editores rexistraos activos n'abril de 2013 (>= 5 ediciones/mes nel espaciu principal, sacante los bots):
- 82.553 (+0,86% comparando con marzu / +4,38% comparando col añu anterior)
- (Datos de la base de datos, tolos proyeutos de la Fundación Wikimedia).
Tarxeta d'informe (integrando varios datos estadísticos y tendencies de los proyeutos de la FWM):
Finances
 |
 |
(La información financiera ta disponible sólo p'abril de 2013 nel momentu de facer esti informe).
Tola información financiera presentada ye pal mes acabáu y pal añu acabáu a 30 d'abril de 2013.
| Ingresos | $50.441.664 |
|---|---|
| Gastos: | |
| Grupu d'inxeniería | $11.909.113 |
| Grupu de Collecha de fondos | $3.085.352 |
| Grupu de Beques y Programes | $7.894.416 |
| Grupu de Gobiernu | $630.123 |
| Grupu Llegal/Promoción Comunitaria/Comunicaciones | $2.560.446 |
| Grupu Finances/Recursos Humanos/Alministración | $4.757.347 |
| Total de Gastos | $30.836.797 |
| Total de superávit | $19.604.867 |
- Los ingresos del mes d'abril son $8,87MM ente que lo planiao foi $9,78MM, aproximadamente $908K o 9% baxo'l plan.
- Los ingresos añales a la data son $50,44MM ente que lo planiao foi $45,52MM, aproximadamente $4,92MM o 11% sobro'l plan.
Los gastos del mes d'abril son $5,78MM ente que lo planiao foi $4,10MM, aproximadamente $1,68MM o 41% por encima del plan, principalmente por aciu de de mayores gastos en beques (planificación de beques del FDC), gastos llegales y gastos d'impuestos de propiedaes compensaos en parte por gastos de personal, agospiamientu d'internet, y comisiones bancaries más baxos.
- Los gastos añales a la data son $30,84MM ente que lo planiao foi $34,07MM, aproximadamente $3,24MM o un 9% por debaxo del plan, principalmente por aciu de gastos de personal, gastos de capital, agospiamientu d'internet, y gastos de viaxes más baxos parcialmente compensaos por gastos llegales, tarifes bancaries, servicios esternos y gastos d'impuestos sobre propiedaes mayores.
- La disponibilidá monetaria ye de $45,6 millones a 30 d'abril de 2013.
Otres actividaes destacaes del movimientu
Más de 11.000 fotos de naturaleza nel concursu ucranianu "Wiki loves Earth"
Wiki Loves Earth ye un nuevu concursu pa tomar fotosde sitios del patrimoniu nacional natural d'Ucrania, organizáu pol capítulu de Wikimedia d'esi país. Demientres un mes, 365 participantes xubieron más de 11.000 imaxes a Wikimedia Commons, cubriendo más de 1000 d'estos llugares (d'una llista de 7000). El xuráu esbilló les 12 meyores fotos, entregando los premios nuna ceremonia en Kiev el día internacional del mediu ambiente (5 de xunu).
.jpg)
Hackathons en Amsterdam y Tel Aviv
149 participantes de 31 países asistieron al hackathon d'Amsterdam a finales de mayu, el mayor alcuentru añal de la comunidá de desendolcadores de Wikimedia (qu'hubiera tenío llugar en Berlín n'años anteriores). Tamién en mayu, Wikimedia Israel fizo'l so primer hackathon en Tel Aviv, al qu'asistieron unes 30 persones. Dellos dieron los primeros pasos como desendolcadores de Wikimedia nesti actu.
Espedición fotográfica ferroviaria en Polonia
En collaboración colos Ferrocarriles Estatales polacos, el capítulu polacu de Wikimedia ta organizando espediciones fotográfiques pa documentar llugares ferroviarios esti branu. La actividá esta abierta a wikipedistes internacionales, que formarán pequeños equipos con líderes de grupu falantes de polacu, pa esplorar la infraestructura ferroviaria en diferentes partes de Polonia. Los participantes recibirán billetes de tren gratis y pases especiales para entrar a fotografiar oxetos a los que, normalmente, el públicu nun tien accesu.
Cursu en llinia sobro edición d'artículos de Wikipedia
La Peer to Peer University ye una comunidá ensin porgüeyu de deprendimientu en llinia que de recién llanzó la so "School of Open", en coordinación con Creative Commons. Como parte de School of Open ufrese un cursu de seyes selmanes tituláu "Escribir artículos de Wikipedia". La so segunda edición principió en mayu, con más de 60 escolinos apuntaos.