ಮೂವ್ಮೆಂಟ್ ಚಾರ್ಟರ್/ಸ್ವಯಂಸೇವಕೆರ್

ಮೂವ್‌ಮೆಂಟ್ ಚಾರ್ಟರ್

ಸಮಿತಿ

ಇಸಯೊ

ಸಮುದಾಯೊತೊಟ್ಟುಗು ಪಾತೆರೊಕತೆ

ಕರಡು ಸಮಿತಿ

ಸ್ವಯಂಸೇವಕೆರ್

ಸ್ವಯಂಸೇವಕೆರ್ ವಿಕಿಮೀಡಿಯಾ ಚಳುವಳಿದ ಮಾನವ ಮೂಲವಾದುಲ್ಲೆರ್. ವಿಕಿಮೀಡಿಯಾ ದೃಷ್ಟಿಗ್ ಕೊಡುಗೆ ಕೊರ್ರೆ ವ್ಯಕ್ತಿಯಾದ್ ಸ್ವಾಯತ್ತತೆನ್ ಪಡೆತೆರ್. ಸ್ವಯಂಸೇವಕೆ ಪಂಡ್ಂಡ ಆನ್‌ಲೈನ್ ಅತ್ತ್ಂಡ ಆಫ್‌ಲೈನ್‌ ಡ್ ವಿಕಿಮೀಡಿಯಾ ಚಟುವಟಿಕೆಲೆಗ್ ಸಮಯ ಬುಕ್ಕ ಶಕ್ತಿನ್ ಕೊರ್ಪಿನ ವ್ಯಕ್ತಿ, ಬುಕ್ಕ ಯೋಜನಾ ಸಂಪಾದನೆ, ಆಡಳಿತೊಡ್ ಬೇಲೆ ಮಲ್ಪಿನ ವ್ಯಕ್ತಿಲು ಈ ಪ್ರಯತ್ನೊಲೆಗ್ ಸಂಬಲೊನ್ ಪಡೆಪುಜೆರ್. ಆಂಡ ವೆಚ್ಚ ಮರುಪಾವತಿಲು, ಬಹುಮಾನೊಲು, ಗ್ಯಾಜೆಟ್‌ , ಬೆಂಬಲ ಪ್ಯಾಕೇಜ್‌ ಲು ಇಂಚ ಬೇತೆ ಬೇತೆ ಸಹಾಯೊನ್ ಫೌಂಡೇಶನ್ ಮಲ್ಪುಂಡು.

ಸ್ವಯಂಸೇವಕೆರೆನ ವೈಯಕ್ತಿಕ ಆದ್ಯತೆದ ಮಿತ್ತ್ ಚಳವಳಿಡ್ ವೈಯಕ್ತಿಕ ಅತ್ತ್ಂಡ ಸಾಮೂಹಿಕ ಚಟುವಟಿಕೆಲೆಗ್ ಬದ್ಧರಾದಿಪ್ಪುವೆರ್. ಅಕುಲೆಗ್ ಸಾದ್ಯ ಆಪುನಂಚ ಬಾಗವಹಿಸಾರೆ ಅಕುಲೆಗ್ ಅದಿಕಾರೊನ್ ಕೊರೊಡು.

ಜವಾಬ್ದಾರಿಲು

• ಮಾಂತ ಸ್ವಯಂಸೇವಕೆರ್ ಬೇಲೆ ಮಲ್ಪುನಗ ವಿಕಿಮೀಡಿಯಾ ಬುಕ್ಕ ಯೋಜನಾ ನೀತಿಲೆನ್ ಅನುಸರಿಸಾವೊಡ್.
• ಮಾಂತ ಸ್ವಯಂಸೇವಕೆರ್ ವಿಕಿಮೀಡಿಯಾ ಯೋಜನೆಲೆಗ್ ಅಕುಲೆನ ಕೊಡುಗೆಲೆಗ್ ಜವಾಬ್ದಾರರಾದುಪ್ಪುವೆರ್. ಅಂಚನೆ ಅಕುಲು ವೈಯಕ್ತಿಕ ಕ್ರಿಯೆಲೆಗ್ ಜವಾಬ್ದಾರರಾದಿಪ್ಪುವೆರ್.

ವಿಕಿಮೀಡಿಯಾ ಸಮುದಾಯೊಲು

ವಿಕಿಮೀಡಿಯಾ ಸಮುದಾಯೊಲು ವಿಕಿಮೀಡಿಯಾ ಮಿಷನ್ ನ್ ನಿರ್ಮಿಸಾರೆ ಬುಕ್ಕ ದುಂಬು ಕೊನವರೆ ಆನ್‌ಲೈನ್ ಬುಕ್ಕ ಆಫ್‌ಲೈನ್‌ಡ್ ಕೊಡುಗೆ ಕೊರ್ಪುನ ಜನಕುಲೆನ ಗುಂಪುಲು ಆತ್ಂಡ್. ಸಮುದಾಯೊಲು ಎಚ್ಚಾದ್ ಸ್ವಯಂಸೇವಕೆರೆರ್ದ್ ರಚನೆ ಆತ್ಂಡ್. ಪಾವತಿಸಾಯಿನ ಸಿಬ್ಬಂದಿ ಬುಕ್ಕ ಮಿಷನ್-ಜೋಡಣೆದ ಪಾಲುದಾರೆರ್ದ್ ಪ್ರತಿನಿದಿಲು ಸೇರ್ದಿಪ್ಪುವೆರ್. ಅಕುಲು ಸಮಿತಿಲೆನ್ ರಚಿಸಾವೊಲಿ ಅತ್ತ್ಮಡ ಬೆಂಬಲಿಸಾವೊಲಿ. ವಿಕಿಮೀಡಿಯಾ ಸಮುದಾಯೊಲು ಬೇತೆ ಬೇತೆ ಯೋಜನಾ ಸಮುದಾಯೊಲು, ಭಾಷಾ ಸಮುದಾಯೊಲು ಬುಕ್ಕ ತಂತ್ರಜ್ಞಾನ/ಡೆವಲಪರ್ ಸಮುದಾಯೊಲಾ ಉಲ್ಲ.

ವಿಕಿಮೀಡಿಯಾ ಪ್ರಾಜೆಕ್ಟ್ ಸಮುದಾಯೊಲು ತಮ್ಮ ವೈಯಕ್ತಿಕ ಯೋಜನೆಲೆಡ್ ನೀತಿದ ಮಿತ್ತ್ ಸ್ವಾಯತ್ತತೆನ್ ಪಡೆತ್ಂಡ್. ಈ ಸಮುದಾಯೊಲು ಪ್ರಾಜೆಕ್ಟ್ ವೆಬ್‌ಸೈಟ್‌ದ ಬಳಕೆದ ನಿಯಮೊಲು ಸೇರ್ದಿನಂಚನೆ ಜಾಗತಿಕ ನೀತಿದ ಚೌಕಟ್ಟ್ ದುಲಾಯಿ ತಮ್ಮ ನೀತಿಲೆನ್ ಸ್ತಾಪನೆ ಮಲ್ಪುವೆರ್. ಉಂದು ಸ್ವಾಯತ್ತತೆದ ಪೊಸ ಸಾಮಾಜಿಕ ಬುಕ್ಕ ತಾಂತ್ರಿಕ ವಿದಾನೊಲೆನ್ ಅಭಿವೃದ್ಧಿ ಮಲ್ಪರೆ ಪ್ರಯೋಗೊಲೆಗ್ ಅವಕಾಸೊಲೆನ್ ಒದಗಿಸಾವೆರ್. ಸಮುದಾಯೊಲು ತಮ್ಮ ಯೋಜನೆ ಬುಕ್ಕ ಅವೆತ್ತ ಆಡಳಿತೊದ ಬಗೆಟ್ ಮುಕ್ತವಾದುಪ್ಪೊಡು ಪಂಡ್‍ದ್ ನಿರೀಕ್ಷೆ ಮಲ್ಪುವೆರ್. ಆವೆರ್ದಾತ್ರ ನಮನ ಪ್ರಕ್ರಿಯೆಲು ನ್ಯಾಯೋಚಿತ ಬುಕ್ಕ ಪಕ್ಷಪಾತ ಇಪ್ಪಂದೆ ಖಚಿತ ಮಲ್ಪರೆ ಚಳುವಳಿಡುಪ್ಪುನ ಪ್ರತಿ ಒರಿಲಾ ಜಾಗತಿಕ ಸಮುದಾಯವಾದ್ ಒಟ್ಟಾದ್ ಬೇಲೆ ಮಲ್ಪೊಲಿ. ವೈಯಕ್ತಿಕ ವಿಕಿಮೀಡಿಯಾ ಯೋಜನೆಲೆಡ್ ಮಲ್ದಿನ ಮಾಂತ ನಿರ್ದಾರೊಲೆನ್ ಸ್ವಯಂಸೇವಕ ಕೊಡುಗೆದಾರೆರ್ ಪ್ರತ್ಯೇಕವಾದ್ ಅತ್ತ್ಂಡ ಆಸಕ್ತ ಗುಂಪುಲು ಮಲ್ಪುವೆರ್.

ಹಕ್ಕುಲು

• ವಿಕಿಮೀಡಿಯಾ ಸಮುದಾಯೊಲು ತಮ್ಮ ವೈಯಕ್ತಿಕ ವಿಕಿಮೀಡಿಯಾ ಯೋಜನೆಡ್ ಇಸಯ ಸಂಪೂರ್ಣ ಸಂಪಾದಕೀಯ ನಿಯಂತ್ರಣ ಇಪ್ಪುಂಡು. ವಿಕಿಮೀಡಿಯಾ ಯೋಜನೆದ ವೆಬ್‌ಸೈಟ್‌ದ ಬಳಕೆದ ನಿಯಮೊಲು ಸೇರ್ದಿನಂಚನೆ ಜಾಗತಿಕ ನೀತಿಲು ಚೌಕಟ್ಟ್ ರ್ದ್ ಸ್ತಾಪನೆ ಮಲ್ಪುವೆರ್.
• ಸಮುದಾಯೊಲು ಜಾಗತಿಕ ನೀತಿಗಲೆನ್ ಉಲ್ಲಂಗನೆ ಮಲ್ಪಂದೆ ವಿಕಿಮೀಡಿಯಾ ಸಮುದಾಯೊಲು ಅಕ್ಲೆನನೇ ಆಯಿನ ವಿವಾದ ಪರಿಹಾರ ಬುಕ್ಕ ಮಾಡರೇಶನ್ ಪ್ರಕ್ರಿಯೆಲೆನ ಉಸ್ತುವಾರಿ ಉಂಡು.

ಜವಾಬ್ದಾರಿಲು

• ವಿಕಿಮೀಡಿಯಾ ಸಮುದಾಯೊಲು ಸಮುದಾಯೊದ ಭಾಗವಹಿಸುವಿಕೆ ಬುಕ್ಕ ಅವೆತ್ತ ಆಡಳಿತೊಡ್ ಮುಕ್ತರಾದುಪ್ಪೊಡು. ನೀತಿಲೆನ್ ಅನುಸರಿಸಾವುನ ಬುಕ್ಕ ನನಲಾತ್ ಸಮಯ ಬುಕ್ಕ ಕೌಶಲ್ಯ ಇಪ್ಪುನ ಏರೆಗಾಂಡಲಾ ಭಾಗವಹಿಸಾರೆ ಅವಕಾಶ ಕೊರೊಡು ಬುಕ್ಕ ಪ್ರೋತ್ಸಾಹಿಸಾವೊಡು.
• ವಿಕಿಮೀಡಿಯಾ ಸಮುದಾಯೊಲು ಸಮುದಾಯೊದ ಒಟ್ಟಾರೆ ಆರೋಗ್ಯೊನು ಕಾಪರೆ ಆಡಳಿತ ಬುಕ್ಕ ನೀತಿ ಜಾರಿಡ್ ನ್ಯಾಯಸಮ್ಮತತೆ ಬುಕ್ಕ ಸಮಾನತೆನ್ ಖಚಿತ ಮಲ್ಪೊಡು.
• ವೈಯಕ್ತಿಕ ವಿಕಿಮೀಡಿಯಾ ಯೋಜನೆದ ಮುಕ್ತ ವಿಮರ್ಶೆ ಪ್ರಕ್ರಿಯೆಗ್ ಅವಕಾಶ ಕೊರ್ರೆ, ವಿಕಿಮೀಡಿಯಾ ಸಮುದಾಯೊಲು ಯೋಜನೆಯ ಆಡಳಿತೊದ ಸ್ಥಿತಿದ ಬಗೆಟ್ ಸತ್ಯವಾದ ಬುಕ್ಕ ಪ್ರಾಮಾಣಿಕ ಮಾಹಿತಿನ್ ಒದಗಿಸಾವುನ ಜವಾಬ್ದಾರಿ ಉಂಡು.