Wikispecies
Wikispecies se mira de proporcionar una referencia y un directorio taxonomico libres, tanto pa os scientificos como pa os lectors comuns. Existe como base de datos que combina clasificacions y l'árbol de familias cheneticas de todas as especies vivas, d'entre os seis reinos. O suyo contenito ye diferent de a información de Wikipedia, porque Wikispecies no tiene descusions y por contra tiene as radices taxonomicas d'as especies. En noviembre de 2014, bi heba más de 400 000 articlos d'especies en Wikispecies.
Wikispecies ye un prochecto d'a Fundación Wikimedia iniciau o 5 de setiembre de 2004. Se puede trobar detalles de cómo funciona en Preguntas freqüents. Ye multilingüe y no tiene variants por idioma, mesmo que Commons.
A necesidat d'un prochecto como Wikispecies se fa platera con a manca d'un centro oficial pa la clasificación taxonomica: Una gran problema pa la Biolochía heba estau a forma desordenada como clasificaba l'Hombre as diferents especies. En no habendo teniu una clasificación centralizada, han amaneixiu problemas como as diferents maneras de clasificar una mesma especie: dos, tres u a sobén dica más vegadas. L'exito de Wikipedia en mantener y concaber una cantidat enorme de conoiximientos ha demostrau que un integrador en-linia ye realment a millor ferramienta pa un directorio d'especies, que ye o que a comunidat de Biologos amenista.