Destacados na Wikimedia, xullo 2015
"Darshan Kandolkar talks about Konkani Wikipedia.webm" by Wikimedia India, freely licensed under CC-BY-SA 4.0.; "File:Leigh Thelmadatter-7697.jpg" by Karen Sayre for the Wikimedia Foundation, released under the CC BY-SA 3.0 license; "London-Eye-2009.JPG" by Kham Tran, feely licensed under CC BY-SA 3.0.; "IFTTT Logo.svg" by IFTTT, public domain; "File:Albert_V_Bryan_Federal_District_Courthouse_-_Alexandria_Va.jpg" by Tim Evanson, freely licensed under CC BY-SA 2.0.; Collage by Andrew Sherman.
Estas son as novas destacadas do blog de Wikimedia en xullo de 2015.
Comeza a Wikipedia en konkani
O wikimedista Darshan Kandolkar comparte a súa experiencia contribuíndo á Wikipedia en konkani. Vídeo en konkani.Video by Wikimedia India, freely licensed under CC-BY-SA 4.0.
A Wikipedia en konkani comezou o 18 de xuño despois de estar na incubadora durante aproximadamente nove anos. O proxecto afrontou moitos desafíos pero o traballo duro da comunidade de editores, principalmente do estado indio de Goa, deu froitos ao sacar o proxecto de incubación.
Soño con iniciar un proxecto para os loitadores pola liberdade de Goa que involucre un grupo diverso de persoas, dende estudantes ata xornalistas e columnistas. Tamén desexo crear relacións de colaboración con institucións educativas para que poidamos involucrar os estudantes a longo prazo coa guía da comunidade konkani existente.
«Participa facendo os cambios que desexas ver»: Leigh Thelmadatter
Leigh Thelmadatter, posando para a campaña de recadación de fondos para a Fundación Wikimedia en 2012. Photo by Karen Sayre for the Wikimedia Foundation, released under the CC BY-SA 3.0 license.
Leigh Thelmadatter é profesora universitaria e voluntaria de Wikipedia. Colaborou escribindo artigos sobre temas que van dende comidas e bebidas mexicanas ata biografías e igrexas. Na actualidade traballa con estudantes para mellorar o contido de Wikipedia sobre México e a súa cultura e viaxa por todo o país en busca de información que pague a pena compartir.
Creo que Wikimedia e outros movementos similares nos ofrecen polo menos a idea de que podemos lograr que máis información estea dispoñible para máis persoas máis doadamente.
Wikidata, pronto nun menú máis preto de ti
O logotipo do Desafío de Menús de Wikidata. Logo by Offnfopt, freely licensed under CC0 1.0
En Wikimedia Sverige (Suecia) gústannos a comida, as viaxes e os datos libres. Así que nos preguntamos: Que podemos facer para facilitarlle a vida ao viaxeiro frecuente? Con axuda de Wikidata os membros decidiron organizar un Desafío de Menús para restaurantes de todo o mundo, co fin de expandir os seus menús con información clave. Os participantes usaron Wikidata para proporcionar etiquetas, traducións e imaxes.
Wikidata é unha colección de datos estructurados que pode ser editada tanto por computadoras coma por humanos. O obxectivo principal é, por suposto, Wikipedia, pero as posibilidades son infinitas e iso é o que queriamos demostrar con este proxecto.
Wikimedistas pídenlle á Unión Europea que protexa a liberdade de panorama
É posible compartir na rede as imaxes do Ollo de Londres (London Eye) grazas á liberdade de panorama. Photo by Kham Tran, feely licensed under CC BY-SA 3.0.
Recentemente o Parlamento Europeo modificou recomendacións poñendo restricións en todos os estados membros da Unión Europea. A comunidade Wikimedia mobilizouse en resposta.
Actualización (13 de xullo): O 9 de xullo o Parlamento Europeo votou sobre o informe Reda. Os parágrafos relacionados á liberdade de panorama foron eliminados do informe. Isto significa que polo momento nada cambiará: os países que tiñan dereitos de liberdade de panorama nas súas leis locais aínda téñenos, os países que non os tiñan aínda carecen deles.
A Unión Estadounidense polas Liberdades Civís presenta unha queixa emendada en nome da Fundación Wikimedia
A xustiza, cos ollos vendados e unha balanza na man, fronte ao edificio Albert V. Bryan da corte dos Estados Unidos en Alexandria, Virxinia. Photo by Tim Evanson, freely licensed under CC BY-SA 2.0.
O 10 de marzo a Fundación Wikimedia uniuse a unha demanda contra a NSA polo seu programa de vixilancia ascendente. Hai unha audiencia programada para o próximo mes de setembro sobre a solicitude do goberno dos Estados Unidos de desbotar o caso.
Obtén doadamente as últimas novas de Wikipedia con IFTTT
If This Then That (IFTTT) introduciu novas ferramentas para lograr que conectarse coa información pública de Wikipedia sexa moito máis sinxelo que antes. Logo by IFTTT, public domain.
A nova canle de Wikipedia en IFTTT fai máis doado ca nunca compartir o coñecemento libre. As receitas inclúen:
- Imaxe do día: Unha alerta coa imaxe do día de Wikimedia Commons.
- Artigo do día: Un artigo interesante de Wikipedia, seleccionado diariamente entre os mellores artigos de Wikipedia.
- Palabra do día: A definición da palabra do día do Wikcionario.
- Novas edicións nun artigo de Wikipedia: Novas edicións en calquera páxina de Wikipedia (algo parecido á túa lista de vixilancia en Wikipedia).
- Novas edicións dun usuario específico: Novas colaboracións dun usuario específico de Wikipedia.
- Novas edicións cunha etiqueta no resumo de edición: Busca etiquetas precedidas do símbolo de numeral (hashtags) no resumo de edición (considera usar unha etiqueta na túa próxima #editatón!).
- Artigos actualizados nunha categoría: Novas edicións en calquera páxina de Wikipedia nunha categoría.
- Artigos agregados a unha categoría: Cada vez que se agrega un artigo a unha categoría.
Andrew Sherman,Interino de Comunicacións Dixitais, Fundación Wikimedia