Tamos collechando 15 de los nuesos momentos favoritos y coses qu'asocedieron dende 2001 pa compartilos col mundu enteru nel nuevu informe añal. Ayúdanos faciendo correiciones y comentarios, amestando nuevos, o dando +1 a los tos favoritos. (Notaríes, seique, que yá hai más de 15.)
15 coses increíbles desque la idea de Wikipedia se llanzó al mundu el 15 de xineru de 2001
El 15 de xineru conozse polos wikipedistes como Día de Wikipedia.
Antes de 2001, una enciclopedia podía costar miles de d'euros, árboles, agua y tinta y, too hai que dicilo, yera difícil enforma llevala encima.
Güei podemos algamar millones d'artículos referenciaos, fotos, ilustraciones, fontes y definiciones de palabres dende cualquier llugar onde podamos entrar n'internet. Y los voluntarios que tuvieron creando esti ablucante trabayu demientres 15 años nun cobren nada por facelo. Quieren compartir tol conocimientu con cada persona. La mayoría de nós tenemos esta oportunidá xusto en bolsu.
Millones de persones collecharon toos estos conocimientos trabayando xuntos dende toles partes del mundu. Ward Cunningham diseñó la wiki, la primera plataforma que permitió que munches persones trabayaran al empar nun documentu. Él llamólo wiki, una palabra hawaiana que significa rápido. (En Honolulu existe incluso un autobús llanzadera llamáu Wiki Wiki.)
Fuera de la vista, los bots faen dellos trabayos repetitivos pa que nun tengan que facelos los voluntarios y voluntaries. Hai cuasi 2000 bots aprobaos sólo na Wikipedia n'inglés, y inclusive tienen nomes. Por ejemplo PhotoCatBot ayuda a la xente a alcontrar artículos que necesiten imáxenes.
Wikipedia convertióse n'unu de los diez mayores sitios d'internet a nivel mundial en 2007, y l'únicu cercanu a los 10 principales sin fines llucrativos.
Les persones que trabayen en Wikipedia llámense wikipedistes. Construir la mayor base de datos d'información con xente de tol mundu puede ser un desafíu. Les y los wikipedistes escriben regles, normes, y ensayos p'ayudar a otres persones a entender qué ye ser wikipedista. Por exemplu, l'ensayu «Non a los mastodontes enfadaos» suxer que nun tendríes d'editar teniendo fame o tando intoxicáu.
La primera fotografía del mundu esiste'n Wikimedia Commons, y ye enigmática. La primera foto que se xubió a Commons foi d'un par de palombes. Falando d'aves y semeyes, hai coses como fotografía dende palombes, «a una palomba mensaxera ponse-y un arnés d'aluminiu nel pechu pa cargar una cámara en miniatura llixera con disparos allanciaos». (Hebo un sellu pa mensaxes por palombes, ye bien guapu y tien forma de triángulu.)
Unu de los primeros artículos escritos foi el del caniche estándar. Simplemente dicía, “A dog by which all others are measured.” (Traducío: «Un perru pol que se miden tolos otros.») La páxina del caniche de la Wikipedia n'inglés agora tien más de 5,000 palabres, y incluye les munches palabres que les persones inventaron pa llamar a los caniches cruzaos con otres races de perros. Labradoodle, Poochon, Cockapoo, Spoodle, Maltipoo, Goldendoodle, Schnoodle, Pekapoos, Cavapoo, y Bernedoodle.
Wikipedia ayuda a mantener Internet abierta y llibre: En 2012, les comunidaes de Wikipedia anubrieron el sitiu pa protestar contra la Stop Online Piracy Act.
Los investigadores pueden predicir l'espardimientu d'una enfermedá dende datos de Wikipedia: «Los investigadores del Llaboratoriu Nacional de Los Álamos pudieron facer predicciones precises enforma sobro l'espardimientu de la fiebre del dengue en Brasil y la gripe nos EE.XX., Xapón, Polonia y Tailandia esaminando los datos completos de tres años de guetes en Wikipedia.»
Un enllaz al artículu de Wikipedia sobre l'oficial del exércitu británicu, Sir Adrian Carton de Wiart retuiteóse más de 3.500 veces.
Teniente Xeneral Sir Adrian Paul Ghislain Carton de Wiart VC, KBE, CB, CMG, DSO (5 de mayu de 1880 – 5 de xunu de 1963) foi un oficial del exércitu británicu y condecoráu cola Cruz Victoria, la más alta condecoración militar al «valor frente al enemigu» en dellos paises de la Commonwealth. Sirvió na Guerra de los Boers, la Primera Guerra Mundial, y la Segunda Guerra Mundial; recibió un disparo en la cara, la cabeza, el estómagu, el todiellu, la pierna, la cadera y l'oyíu; sobrevivió a dos accidentes aereos; escapó per un túnel d'un campu de prisioneros de guerra; y mordióse los propios deos cuando un médicu refugó corta-y-los. Al describir les sos esperiencies na Primera Guerra Mundial, escribió: «Francamente, esfruté la guerra.»
QRpedia permite que les persones que visiten llugares como museos, ciudaes históriques, edificios o zoos tengan accesu a los artículos de Wikipedia na so llingua preferida dende los sos preseos móviles, simplemente escaneando un únicu iconu gráficu.
El 'Voice Intro Project' convida a que les persones que son suxetu d'una biografía en Wikipedia graben una pequeña amuesa de la so voz falando, pa que sepamos cómo suenen y cómo pronuncien el so nome. Pueden facelo en cualquier llingua na que se sientan cómodes falando.
_-_Paradise_Valley,_Arizona,_ca_2004.png)
