Wiki Mûi-thé Ki-kim-hōe soán-kí/2022/Kong-kò/2022 nî Lí-sū-hōe soán-kí ê Siā-kûn Tâu-phiò chit-má í-keng khai-sí

2022 nî Lí-sū-hōe soán-kí ê Siā-kûn Tâu-phiò chit-má í-keng khai-sí

Chit tiâu siau-sit tī Meta-wiki ê ia̍h-bīn téng-koân ū kî-thaⁿ ōe-gí ê hoan-e̍k thang-hó chham-khó.

More languages • Please help translate to your language

Ta̍k-ê hó,

2022 nî Lí-sū-hōe soán-kí ê Siā-kûn Tâu-phiò chit-má í-keng khai-sí. Ē-bīn ê bāng-liān sī chit pái tâu-phiò ê siong-koan chu-sìn thang-hó hō͘ lín chham-khó:

• Chhiáⁿ chhi̍h Soán-kí Tâu-phiò Soat-bêng, lâi liáu-kái chit pái ê hāu-soán-jîn tùi chit 15 ê bô-kâng gī-tê ê khòaⁿ-hoat.
• Chhiáⁿ khòaⁿ hāu-soán-jîn seng-bêng kap in tùi chū-tì-thé só͘ mn̄g ê būn-tê ê hôe-tap
• Koh-khah siông-sè liáu-kái Lí-sū-hōe só͘ siūⁿ-beh ài ê jîn-châi tiâu-kiāⁿ kap Hun-sek Úi-oân-hōe chiam-tùi chia-ê tiâu-kiāⁿ tùi hāu-soán-jîn ê phêng-lūn

Nā lí í-keng chún-pī beh tâu-phiò, chit-má chhiáⁿ kàu An-choân Tâu-phiò-keng ê ia̍h-bīn lâi chìn-hêng tâu-phiò. Lán tī peh--goe̍h 23 hō ê pòaⁿ-mê 12 tiám kàu káu--goe̍h 6 hō ê àm-sî 11 tiám 59 hun chìn-chêng (UTC phiau-chún sî-kan) lóng ē-sái tâu-phiò. Chhiáⁿ kàu soán-kí chu-keh ia̍h-bīn lâi liáu-kái lán sī-m̄-sī ū tâu-phiò ê chu-keh.

Pêng-an,

Ūn-tōng Chhek-lio̍k kap Tī-lí Thoân-tūi--lâu

Chit tiâu siau-sit sī iû Lí-sū-hōe Soán-kí Kang-chok Thoân-tūi kap Soán-kí Úi-oân-hōe lâi hòng-sàng