Tech/Server switch 2016/ast

La Fundación Wikimedia va probar el nuevu centru de datos de Dallas. Esto garantizará que Wikipedia y les otres wikis de Wikimedia puedan siguir en llinia anque asoceda un desastre. Pa garantizar que too funciona, el Departamentu de teunoloxía de Wikimedia necesita facer una prueba programada. Esta prueba demostrará si puede cambiase con seguridá d'un centru de datos a otru. Esto rique que munchos equipos se preparen pa la prueba y que tean disponibles pa iguar cualquier problema inesperáu.

Estos van cambiar tol tráficu al nuevu centru de datos el martes 19 d'abril.
El xueves 21 d'abril volverán a cambiar al centru de datos primariu.

Por desgracia, por culpa de delles torgues en MediaWiki, toles ediciones tienen de parase demientres esos dos cambios. Pidimos disculpes por esta interrupción, y tamos trabayando p'amenorgales nel futuru.

Podrás lleer, pero non editar, toles wikis por un curtiu periodu de tiempu.

• Nun podrás editar aproximadamente ente 15 a 30 minutos el martes 19 d'abril y el xueves 21 d'abril, principiando a les 14:00 UTC (16:00 CEST, 10:00 EDT, 07:00 PDT).
• Si tentes editar o guardar demientres esi periodu, verás un mensaxe d'error. Esperamos que nun se pierda nenguna edición demientres esos minutos, pero nun podemos garantizalo. Si ves el mensaxe d'error, espera fasta que too vuelva a la normalidá. Llueu podrás guardar les ediciones. Sicasí recomendamos que, por si acaso, primero faigas una copia de los cambios.

Otros efeutos:

• Los trabayos en segundu planu van ser más lentos, y podríen descartase dalgunos. Los enllaces bermeyos nun s'anovarán tan rápidamente como de vezu. Si crees un artículu que yá ta enllazáu n'otru llugar, el enllaz siguirá tando bermeyu más de lo normal. Dellos scripts de llarga duración tendrán de parase.
• Pa la selmana del 18 d'abril habrá un conxelamientu del códigu. Nun va tener llugar nengún despliegue de códigu que nun seya esencial.

Esta prueba planióse orixinalmente pa tener llugar el 22 de marzu. El 19 y 21 de abril son les nueves feches. Puedes lleer l'axenda en wikitech.wikimedia.org. Nesa axenda publicarán cualquier cambiu. Habrá más avisos tocante a esto. Por favor, comparte esta información cola to comunidá. /User:Whatamidoing (WMF) (talk)