Ọda Movement/Am'ẹnwu ki j'efunwn/Am'ẹnwu ku ma gwọnyu ogbogaga & Am'ẹnwu ku ma kọ janẹ ku ma'lebọ

Movement Charter

Supplementary documents

Project

Community Consultation

Drafting Committee

Ratification vote

FAQ

Ẹnwu kuma duña l'ugbo Amẹnwu kuma gwonyu ogbogaga kpaì amẹnwu kuma kọ janẹ ku m'lebọ eyi ẹnẹ ka efuMCDC Georges Fodouop.

Movement Wikimedia che uma ki ch'ọgẹcha, k'onẹ neke gwa ili nw, ki chẹ bi tẹ, kpai ki nẹ etẹ mẹru ẹnwu eki a ko amonẹ du wa. Ami uña Wikimedia a du uma nwu abo kuma jọ anẹ, ẹnwu ki a kọ ami ukọlọ ku ma gwọnyu ẹchẹ che ẹnwu ki ama ka te kp'ibenw. Ẹnwu ki a nẹmale efu ami ọda kpai am'ẹnwu kuma ache ọjọ du che am'ẹnwu ku ma gwọnyu ogbogaga ki chẹ gwugwu nyọnyọ kuma fu che dufu efu am'ẹnwu ki Movement Strategy ko jọ kuma ale bọ, Ọda Movement, kpai alu kuma ach'ẹnwu efu am'ujọ amonẹ ki dù ukpahiu nwu abo Wikimedian dù ugbodu ku ma neke ch'ẹnwu kpai amonẹ oji aman'ejuma

Am'ẹnwu ogbogaga kuma gwonyu kpaì am'alu kuma ache ẹnwu le fu li kakini uma ekpẹ l'ọna eyi che ẹnwu k'amonẹ a kọwọ dama che, ẹtẹnw la che k'eju ki chẹ koru:

Uma ki che alafa ki la chẹ t'ejugede

Movement Wikimedia akpẹ am'ẹnwu ki d'efunwu chaka, am'ẹnwu ki adu ch'ukọlọ oji kọmputa, uña ukọlọnw du efu ilẹ-i, ya du ọda ekì chẹbitẹ chekwu. I ñọ d'ukpahiu t'efu edu uma ki chẹ nẹ ohiala edu t'ọwọ ka wa - efu am'ukọlọ nwu lá dọ.

E dẹ oji kọlanw

Movement Wikimedia aja nyu ki ch'ẹnwu ojí kọlanw, kiki nẹ ejuma eche dù ki a kp'ọna nyu uma alafa ki k'eju non. Iche ẹnwu aja enya, uja ibe abẹ ki ọkọ abẹ ki ẹnwu ki akọẹchẹ anẹ movement lẹ len.

Edu ẹnẹdu wa efunw

Movement Wikimedia gwọnyu gbogaga uña udama ugbo ki ẹnẹ du neke ch'ẹnwu kpai amonẹ, manyi eche ẹnwu dufu kpai amonẹ manyi anẹ ego ki che amonẹ ch'ẹtẹnw. Am'ukọlọ kuma che chẹ kojọ efu ichì wewe, onẹ neke li oji am'uña ojoji ojoji manyi ẹñọche kpai amẹnwu ki ache abunẹ nwu alukate. Ẹnwu ki ukọlọ ki d'efu movement'gwugwu oji nwu che ojima edu nwu ẹkpẹru kpai ọda ki ami ujọ amonẹ nẹ. Kuma che eyi, abo kuma d'efu movement che dufu mala che ki amonẹ ki le b'ọda, ki ẹnẹdu li ọlanw ru ẹnẹ ogbogaga kpai edẹ efunwu alukate.

E dẹ ọganẹ nw

Movement Wikimedia ko ukpahiu ny'ọwọ uña kidẹ ọganẹnw gẹgẹdẹ abẹ ki uña eyi ogbegbele ki chẹ nyọ. oji uña mejeji manyi efu uña ọfẹ ujọ lẹ. Abalẹ, movement lẹ a d'ibe tọ ebọjọ kuma deju tọ ọla ma kpai eche ẹnwu oji kọla ami ujọ amonẹ ki achukọlọ da b'alu kì ẹnwu kì movement gwọnyu gbogaga dẹ.

Ama n'ejuman

Movement Wikimedia a du ukpahiu nwu ujọ amonẹ gwodaba ilẹ kima che alukaten l'efu eli ẹkpẹru ami ẹgbiti ki dẹ ọgba ma. Ọda ejugede kuma nẹ oji ama chokpo ẹnwu ẹbiẹnẹ kpai umaja abo kuma adu ch'ekwu kpai abo kuma ache ẹnwu tọgba nwu movement chaka. Movement lẹ ache ẹnwu du todu uma alukate, kpai uña edutẹ nwu e ko amẹnwu ekwu nwu amonẹ l'efu ed'ejutọ ẹnwu kw'alumeji manyi edu ukpahiu nwu ami ujọ amonẹ.

Ohi eko

Movement Wikimedia gwọnyu ọla nw ugbo ohi eko l'efu ẹnwu eche t'ejugede eyì amì ọtakada kuma kọ e kuma neke dabi kọ kuma kpẹ ugbodu ki jẹ che, eka nwu amonẹ ejugede kpai k'ohi ukọlọ kpai am'ẹnwu kuma che, manyi edu tọgba ami omu ku ma koji ami agboji ami ujọ todu amẹnwu kuma ache kpai amẹnwu kuma ch'ukpẹ eche ki d'efu ọda.

Ẹgbiti

Movement Wikimedia a l'efu ẹgbiti gwudu l'efu ẹnwu titọ edu wa kpai e nwa ẹnwu go, ma fu anẹ ego eyi ẹñwù k'uña kuma a du uma alafa neke che ch'etitọ ẹgba du. Movement lẹ anẹ am'ẹnwu ki nwa jọ kpai am'ẹnwu kuma ache eki achukọlọ kuma neke d'ọwọ kọ ẹchẹ ule l'efu ijali ẹnwu enwa ki nẹtẹ ugbo ki jẹ che. Abo kuma d'efu Movement Wikimedia ádu t'ejugede ona k'amonẹ achẹnwu eyi egwọnyu ẹnwu dago daba ti am'ugbo ki kojọ kpai am'ujọ amonẹ nw.