Grants:IEG/Videu motivador y educativu pa presentar Wikimedia/Mensaxe de xineru pa los Chigres
Principia la pre-producción de videos de tutoría pa Wikipedia y Wikimedia Commons
Tamos emocionaos col principiu de la pre-producción d'una serie de videos motivadores y educativos que presentarán Wikipedia y dellos proyeutos hermanos a nuevos collaboradores.
Nos pasaos años, tiénense producío munchos videos pa formar a los collaboradores nuevos. Esta serie presentará VisualEditor y la nueva ferramienta de cita llamada Citoid. Amás, la serie incluirá una introducción al estoyu de multimedia con llicencia llibre Wikimedia Commons.
Esta serie de videos y materiales asociaos ayudará a los estudiantes y formadores que participen nel Programa Educativu de Wikipedia. La serie tamién ta diseñada p'ayudar al personal profesional y a los voluntarios de les galeríes, biblioteques, archivos, y museos (GLAMs) pa qu'entiendan cómo puede ganar visibilidá'l so conteníu nos sitios de Wikimedia, y cómo documentar o xubir el so conteníu pa velu direutamente'n Wikipedia y los sos proyeutos hermanos.
El conteníu del videu tará disponible por partes que podrán vese, traducise, o xubise de mou individual.
Anguaño hai traductores voluntarios pal árabe, armeniu, checu, alemán, griegu, odia, y castellanu. Afalamos que más voluntarios con bones capacidaes de traducción s'apunten na páxina d'alderique.
Agora tamos pidiendo opiniones sobro los borradores de los scripts, lo mesmo que suxerencies pa un nome atrayente pa la serie. Dexa dalgún comentariu n'esta páxina d'alderique!
Un saludu,
Notes
Esta serie ta financiada con una beca individual engagement grant de la Fundación Wikimedia. Munchísimes gracies a la comunidá, el Commité d'IEG, y la WMF pol so encontu.