Fundraising 2009/thank you/yue


告示 edit

  • 維基百科創辦人
    占美威爾斯嘅多謝

Quote edit

  • 「諗吓一個世界,每一個人都可以自由咁將全人類所有知識攞嚟用。」
  • ——維基百科創辦人 占美威爾斯

維基百科創辦人占美威爾斯嘅多謝 edit

嘩!講乜好呢?真係要多謝你哋!

我哋啱啱搞完咗個歷嚟最掂嘅籌錢活動,唔使8個禮拜就已經籌到750萬蚊美金。

好多人到估佢唔到,但我一啲都唔覺得出奇。

2001年嗰陣,我已經睇好你哋,你哋果然冇令我失望。

你哋搞咗個人類有史以嚟最大嘅知識庫:用270種話去寫1,400萬篇百科文,重越搞越好,因為你哋有去撐佢、資助佢同保護佢。

廣告不嬲都唔係維基百科嘅收入來源,你哋先至係。維基百科係全球第五大最多人睇嘅網站——上個月就已有3.4億人睇過。我哋純粹靠捐款嚟畀伺服器嘅使費同埋向班伙記出糧。

你哋嘅捐款令維基百科可以繼續免費去用,同埋唔會有廣告。你哋嘅捐款更可以繼續將自由同免費嘅知識傳到地球每個角落。

多謝你哋畀出嚟嘅所有嘢,令到維基百科夢想成真。睇到各位善長人翁嘅留言,我都有啲啟發,同埋覺得好榮幸可以睇到你哋對維基百科嘅熱誠。

  • 「當我喺生活度搵唔到答案嗰陣,你都一定會救到我!」 - Lauren Sierra
  • 「對我個六歲嘅仔仔,維基百科係一個睇到世界上嘅知識嘅神奇窗口。」 - Pilgrim Beart
  • 「維基百科對每個人都好重要,佢係人類嘅創舉。」 - Fernando Borba
  • 「維基百科完全滿足一個簡單需要:即時睇到任何主題嘅高質素資訊。呢個就係我咁撐佢嘅原。因」- Joao Nunes

呢個真係一個好正嘅故仔,亦都搵唔到有其他故仔可以更加正。

如果你重未捐錢畀維基百科,而家梗係唔算遲。你重可以送份心意畀維基百科,撐吓自由同開放的知識分享,㩒呢度就得。

我亦都鼓勵大家去撐埋我哋班朋友:

再一次多謝晒!

祝 維基百科永存!

維基百科創辦人

占美威爾斯