2015年9月維基媒體亮點

"Drone_Photography_of_Versailles_-_Lionel_Allorge.webm" by Victor Grigas and Reetta Kemppi, freely licensed under CC BY-SA 3.0.; "Chiesa dio padre misericordioso 02.jpg" by Federico Di Iorio, freely licensed under CC BY-SA 3.0; "Highly active editor graph.png" by Joe Sutherland, in the public domain.; "Antidorcas marsupialis, female (Etosha, 2012).jpg" by Yathin S Krishnappa, freely licensed under CC BY-SA 3.0; "Editatón en el Museo del Bicentenario 3.jpg" by Giselle Bordoy WMAR, freely licensed under CC BY-SA 4.0.; Collage by Andrew Sherman.

呢篇文為維基媒體網誌2015年9月嘅亮點摘錄。

凡爾賽宮無人機攝影

「當你從高處觀看嗰啲公園⋯⋯真係會顯露所有錯綜複雜，嗰件作品所有嘅細節。」 Video by Victor Grigas and Reetta Kemppi, freely licensed under CC BY-SA 3.0.

Lionel Allorge 係一位來自法國嘅攝影師同程式設計師，佢覺得好煩，因為想獲取網上搵到嘅相嘅使用許可係一個困難嘅程序，所以佢就開始以自由許可證喺維基共享資源發佈佢自己影嘅相。其中一個佢摯愛嘅項目包含喺空中攝影凡爾賽宮；呢個宮廷嘅鳥瞰照片已經存在，但係嗰啲相唔可以自由使用。

維基媒體項目里程碑：瑞典文維基百科達二百萬篇文章

瑞典文維基百科達二百萬篇文章嗰陣嘅特色圖片——跳羚。 Image by Yathin S Krishnappa, freely licensed under CC BY-SA 3.0.

喺九月達到重要里程碑嘅維基媒體項目包括：

• 瑞典文維基百科喺九月五號達到2,000,000篇文章，而佢第二百萬篇文章係機械人開板嘅好多篇文章之一。瑞典維基媒體協會嘅 Jan Ainali 話瑞典文維基百科嘅社群注意到機械人喺達到呢個里程碑嘅角色，但係呢樣嘢都係要慶祝嘅。
• 烏爾都文維基百科喺九月九號達到80,000篇文章。
• 亞美尼亞文維基辭典喺九月十九號達到90,000個詞條。
• 斯華希里文維基百科喺九月二十二號達到30,000篇文章。

我學到嘅嘢：阿根廷嘅維基百科教育計劃

喺數碼、學者同開放文化之間建造橋樑：Museo del Bicentenario 嘅教育性編輯馬拉松。 Image by Giselle Bordoy, freely licensed under CC BY-SA 4.0.

Delia Vazquez 係一位教師培訓員，又係一位高中老師，佢成日都覺得佢缺乏一個畀佢辯護喺課室使用維基百科嘅理論基礎，畀佢「遠離喺佢同事之間常有嘅偏見」。考慮到呢個反饋，以及我哋大概想針對嘅受眾，我哋就為阿根廷維基媒體學會設計咗一個教育計劃，針對改變喺教育界對維基百科嘅諗法，以及強調開放文化喺教育中嘅重要角色。

每個月，我哋都會分享一個來自唔同嘅社區、關於共同學習嘅新故事。如果你想同大家分享你學到嘅嘢，聯絡我哋吖！

九月時，我哋愛古蹟

羅馬托特泰斯嘅仁慈天父教堂，2014年維基愛古蹟比賽喺意大利獲勝嘅相。 Photo by Federico Di Iorio, freely licensed under CC BY-SA 3.0.

第六屆維基愛古蹟，世界最大嘅攝影比賽，喺2015年9月舉行。幾千個從全球三十幾個國家來嘅維基百科讀者同貢獻者參與咗呢個比賽，佢哋都希望記錄佢哋當地嘅遺產，並且貢獻畀維基百科，或者亦都可以贏到一個細獎項。

睇下2015年從世界各地來嘅得勝作品！

重新想像維基媒體基金會嘅撥款

超過200個社群成員參與咗重新想像維基媒體媒體基金會撥款諮詢，計劃咗上圖說明對基金會撥款項目嘅改變。 Image by Chris Schilling, freely licensed under CC-BY-SA-4.0.

維基媒體社群資源隊喺唔係好耐之前成功噉完成咗改變基金會撥款結構嘅諮詢。好多重要的發現喺上個月浮現，好似需求小而方便嘅撥款、需要簡化撥款類別，同埋要求喺申請撥款同匯報得到更多支援。參與人嘅反饋讓基金會撥款項目重新想像嘅結構得到好多實質嘅改善。

維基百科非常活躍編輯嘅人數穩定落來——同我哋一齊探究數據

從2001年開始英文維基百科起，非常活躍編輯嘅人數（每個月編輯>100次）。粗紅線代表五個月嘅移動平均。 Graph by Joe Sutherland, in the public domain.

英文維基百科非常活躍編輯（每個月編輯多過100次嘅註冊貢獻者）嘅人數似乎喺一段下滑之後穩定落來，喺其他語言嘅維基百科都觀察到同樣嘅趨勢。

我哋發佈咗一套新[1]（文獻），畀社群成員同埋研究員同我哋一齊分析呢個趨勢。調查方向可能包括：

• 現有嘅編輯可能增加咗編輯量
• 可能少咗編輯離開
• 可能多咗編輯返來
• 社群可能就來達到新嘅環境承載力
• 2014年12月嘅表現改進（「我哋點樣令編輯維基百科增快兩倍」）增快編輯速度，可能增加咗編輯量
• 暫時性嘅回潮

我應唔應該為一篇維基百科文章畀錢呢？

有啲規矩規定你幾時可以收錢來編輯英文維基百科。 Image by Erik Zachte, freely licensed under CC-by-3.0.

呢個問答形式嘅文章詳細說明關於喺維基百科取酬編輯，大家都可以又應該知嘅嘢。維基媒體基金會嘅使用條款涵蓋住維基百科同埋所有其他基金會支持嘅項目，要求所有取酬編輯都要透露，並且你永遠唔應該請一個秘密嘅取酬編輯。或許一個關於你或者你公司嘅維基百科文章好吸引，但係維基百科首要係百科全書，而唔係全世界每個人、每間公司都會或者應該喺百科全書出現。

呢啲指引淨係適用於英文維基百科，未必反映基金會嘅睇法。

Andrew Sherman, Digital Communications Intern, Wikimedia Foundation