Open main menu

Lo más destacao de Wikimedia, abril de 2013

This page is a translated version of the page Wikimedia Highlights, April 2013 and the translation is 100% complete.

Other languages:
Bahasa Indonesia • ‎Bahasa Melayu • ‎Deutsch • ‎English • ‎Malti • ‎Nederlands • ‎Tiếng Việt • ‎Türkçe • ‎asturianu • ‎emiliàn e rumagnòl • ‎español • ‎français • ‎hrvatski • ‎italiano • ‎norsk bokmål • ‎polski • ‎português • ‎português do Brasil • ‎suomi • ‎čeština • ‎русский • ‎українська • ‎ייִדיש • ‎עברית • ‎العربية • ‎کوردی • ‎हिन्दी • ‎বাংলা • ‎ไทย • ‎中文(简体)‎ • ‎日本語

Lo más destacao del Informe de la Fundación Wikimedia y del informe d'inxeniería de Wikimedia d'abril de 2013, con una esbilla d'otros acontecimientos del movimientu Wikimedia importantes

Lo más destacao de la Fundación Wikimedia

 
Imaxe de pantalla: Esti usuariu recibió cuatro avisos nuevos

Llanzamientu d'un nuevu sistema d'avisos na Wikipedia n'inglés

El 30 d'abril, l'Equipu de compromisu d'editores de la Fundación activó'l Sistema d'avisos (conocíu tamién como Echo) na Wikipedia n'inglés. Esti informa a los editores de toa nueva actividá na wiki que-yos afeute; por exemplu, cuando reciben un mensaxe na so páxina d'usuariu, o cuando se revierte una de les sos ediciones, o cuando otru usuariu agradez una edición. El Sistema d'avisos inda ta probandose y cambiando basandose nes opiniones de la comunidá. Más alantre, tará disponible pa les versiones n'otres llingües de Wikipedia, y pa otros proyeutos de Wikimedia.

 
Árbol familiar del compositor Johann Sebastian Bach, xeneráu dende Wikidata cola ferramienta "GeneaWiki"

El conteníu de Wikidata agora pue utilizase'n toles Wikipedies

Wikidataprincipió a sirvir a les versiones de Wikipedia en toles llingües como orixe común de datos estructuraos que pue utilizase'n cualquier artículu de Wikipedia, p.ex. nos infoboxes. La base de datos de conocimientu lleíble por máquina de Wikidata yá contién más de 11 millones d'elementos. Tamién puen consultase, evaluase y editase cola ayuda d'una coleición creciente de ferramientes.

Anunciada una aplicación de Wikipedia Commons pa iOS y Android

La app de Wikimedia Commons pa móviles anuncióse de mou oficial n'abril, y permitirá les cargues d'imaxes rápides y fáciles direutamente dende preseos móviles. Ta disponible tanto pa preseos iOS como Android. Los usuarios de móviles que nun tengan instalada la app inda puen xubir imaxes dende la versión de la web pa móviles de tolos proyeutos de Wikimedia.

El Comité d'espardimientu de fondos publica les recomendaciones pa 1,2 millones USD

Llanzáu en 2012, el Comité d'espardimientu de fondos ye un grupu de voluntarios de Wikimedia encargaos de la xera d'ayudar a decidir no que cinca al usu de los fondos del movimientu. El 28 d'abril, tres un periodu d'evaluación pol personal d'encontu y la revisión pública pola comunidá, espublizó les sos recomendaciones al Conseyu d'alministración de Wikimedia sobro la segunda ronda de solicitúes de financiación de cuatro organizaciones: Wikimedia República Checa (solicitao: $14,084.50, recomendao: $0), Wikimedia Hong Kong (solicitao: $211,660.26, recomendao: $0), Wikimedia Noruega (solicitao: $235,715, recomendao: $140,000), y Wikimedia Francia (solicitao: $747,259, recomendao: $525,000).

Nueves guíes d'actuación pa conflictos d'intereses

Con efeutos inmediatos, el Conseyu d'alministración aprobó les guíes d'actuación de Wikimedia sobro declaración de conflictos d'intereses posibles y reales al solicitar y conceder recursos del movimientu (como les financiaciones). Los comentarios de la comunidá demientres el periodu de consultes de seyes selmanes ameyoró enforma la versión orixinal.

Datos y tendencies

Visites úniques globales pa marzu:

517 millones (+7,17% comparao con febreru; +5,76% comparao col añu anterior)
(Datos de comScore pa tolos proyeutos de la Fundación Wikimedia; comScore espublizará los datos d'abril a finales de mayu)

Solicitúes de páxines n'abril:

20,8 miles de millones (–3,4% comparando con marzu; +20,1% comparando col añu pasáu)
(Datos del rexistru del sirvidor, tolos proyeutos de la Fundación Wikimedia incluyendo l'accesu per móvil)

Editores rexistraos activos en marzu de 2013 (>= 5 ediciones/mes nel espaciu principal, sacante los bots):

82.105 (+5,67% comparando con febreru / +2,15% comparando col añu anterior)
(Datos de la base de datos, tolos proyeutos de la Fundación Wikimedia).

Tarxeta d'informe (integrando varios datos estadísticos y tendencies de los proyeutos de la FWM) pa marzu de 2013:

http://reportcard.wmflabs.org/ (Definiciones)

Finances

 
Ingresos y Gastos añales contra los Planificaos de la Fundación Wikimedia a 31 de marzu de 2013
 
Gastos añales por Funciones de la Fundación Wikimedia a 31 de marzu de 2013

(La información financiera ta disponible sólo pa marzu de 2013 nel momentu de facer esti informe).

Tola información financiera presentada ye pal mes acabáu y pal añu acabáu a 31 de marzu de 2013.

Ingresos 41.573.672$
Gastos:
Grupu d'Inxeniería 10.569.516$
Grupu de Collecha de fondos 2.915.969$
Grupu de Beques y Programes 4.565.386$
Grupu de Gobiernu 555.937$
Grupu Llegal/Promoción Comunitaria/Comunicaciones 2.263.477$
Grupu Finances/Recursos Humanos/Alministración 4.187.115$
Total de Gastos 25.057.400$
Total de superávit 16.516.272$
  • Los ingresos del mes de marzu son $5,92MM ente que lo planiao foi $5,28MM, aproximadamente $647K o 12% sobro'l plan.
  • Los ingresos añales a la data son $41,57MM ente que lo planiao foi $35,74MM, aproximadamente $5,83MM o 16% sobro'l plan.
  • Los gastos del mes de marzu son $3,09MM ente que lo planiao foi $4,04MM, aproximadamente $943K o 23% por baxo del plan, principalmente por aciu de más baxos gastos de personal, gastos de capital, agospiamientu d'internet, y gastos de subvenciones, compensaos por mayores tarifes bancaries.
  • Los gastos añales a la data son $25,06MM ente que lo planiao foi $29,97MM, aproximadamente $4,92MM o un 16% por debaxo del plan, principalmente por aciu de gastos de personal, gastos de capital, agospiamientu d'internet, subvenciones del FDC executaes, subvenciones de proyeutos de la WMF y gastos de viaxes parcialmente compensaos por gastos llegales y tarifes bancaries mayores.
  • La disponibilidá monetaria ye de $41,02 millones a 31 de marzu de 2013.

Otres actividaes destacaes del movimientu

Conferencia de capítulos y actividaes de GLAM-Wiki

Del 18 al 21 d'abril, tuvo llugar la conferencia añal de capítulos de Wikimedia en Milán, Italia, con más de 100 participantes. A los representantes de los capítulos xunióse'l Conseyu d'alministración, el Comité d'espardimientu de fondos y dellos emplegaos de la Fundación Wikimedia. Los capítulos y otres organizaciones del movimientu dieron unes presentaciones curties sobro les sos actividaes más importantes.

El fin de selmana precedente, más de 150 persones asistieron a GLAM-Wiki 2013 na British Library en Londres, una actividá dedicada al intercambiu ente Wikimedistes ya instituciones culturales (GLAMs). A finales del mes, el primer Campamentu GLAM de la historia tuvo llugar nos US National Archives en Washington D.C., un taller de trés díes pa los Wikipedistes interesaos en ayudar nes collaboraciones con GLAMs (Galeríes, biblioteques, archivos y museos).

 
Logo del Uiccionariu serbiu

Estudiantes creen el primer diccionariu en llinia árabe-serbiu

Nel Uiccionariu serbiu, un grupu de seyes estudiantes d'Estudios orientales tuvieron trabayando pa crear el primer diccionariu en llinia árabe-serbiu. El proyeutu llamase simbólicamente “1001 pallabres”. Aniciólu Wikimedia Serbia y tien l'encontu d'un centru cultural llocal de Belgráu.

 
L'artista de música electrónica holandés Machinefabriek (Rutger Zuydervelt) grabó una actuación en vivo usando sólo material de Wiki Loves Sound.

"Wiki Loves Sound" arriquez Wikipedia con grabaciones de soníu

"Wiki Loves Sound" ye una nueva iniciativa pa promover l'usu de soníu nos proyeutos de Wikimedia, col sofitu de Wikimedia Netherlands. N'abril, xubieronse a Wikimedia Commons 1838 ficheros de soníu de les más de 2300 grabaciones de soníu donaes pol Netherlands Institute For Sound and Vision.