Piagam Garakan/Isi/Kantur Parait
| This was a historical draft of the Wikimedia Movement Charter. The latest version of the Charter that is up for a global ratification vote from June 25 to July 9, 2024 is available in the main Meta page. We thank the stakeholders of the Wikimedia movement for their feedback and insights in producing this draft. |
Pangartian wan tujuan
Kantur Parait atawa (hub) wilayah wan timatik marupakan struktur garakan gasan badukungan. Kantur parait diharapakan kawa manunjang komunitas Wikimedia nang hudah ada atawa nang hanyar sakira buhannya kawa baisi kapasitas wan sumber daya gasan manarapakan apa nang buhannya putusakan sahingga kawa manyasuaiakan lawan kaparluan buhannya surang-surang.
Kantur Parait marupakan struktur gasan mamustiakan tatarusan, kasanggaman, sarta partumbuhan sabukuan Garakan Wikimedia. Kantur Parait wilayah mamungkinakan panarapan langsung barbagai kagiatan, pakakas, wan pambantaran habar. Kantur parait wilayah jua mambardayaakan barbagai kalumpuk Wikimedia sakira kawa bacaram wan bakoordinasi, nang kaya danul kasanggaman, sarta partumbuhan Garakan Wikimedia sabukuan. Kantur parait wilayah mambardayakan bubuhan sukarelawan gasan bacaram wan manyumbang, nang kaya danul pambangunan kapasitas wan mangirim pangatahuan. Kantur parait temantik mamungkinakan adanya kakhususan wan ihtiar lintas Garakan, haratan tujuan baimbai tadapat manpaat matan solusi nang hudah dikonsolidasiakan. Kantur parait manjulung palung gasan raraitan antara kawan sajawat wan struktur hanya sarta manguati raraitan nang hudah tarjalin dahulu.
Kantur parait merupakan struktur panting gasan maminanduakan nilai wan parinsip garakan Wikimedia nang kaya subsidiaritas, kasataraan, wan pambangunan kapasitas.
Prusis pandirian wan tata atur
Kantur parait kawa diulah matan dua buting afiliasi Wikimedia sawagai angguta paulah.
Pamutas wan urang nang batanggung jawab di internal Kantur Parait marupakan komite paampah atawa nang baisi andakan satara, sasuai lawan panjabaran tantang mudil panjuputan kaputusan atawa anggaran rumah tangga nang ada di dalam kantur parait.
Kantur Parait kawa diulah gasan dua tujuan nang ngini wara
- Fokus ragiunal (kawilayahan)
- Cuntuh angguta: Afiliasi Wikimedia matan Banua Bidadari
- Fokus tematik/topik tartantu, taumpat jua topik kabahasaan.
- Cuntuh angguta: Afiliasi Wikimedia nang bagawi fokusnya ka Basa Bidadari; Afiliasi Wikimedia, Pruyik Wiki wan urganisasi luar lain nang baisi kakatujuan gasan mangambangakan kuntin takait lawan kakambangan.
Kantur Parait balain matan kalumpuk pamakai tematik atawa pagarumbungan tematik Wikimedia. Tujuan matan adanya Kantur Parait ngini sakira kawa jadi struktur pandukung gasan aangutanya nang taumpat dalam kantur parait.
Kantur Parait musti diulah lawan mamakai salah sabuting di antara dua cara nang ngini.
- Didaftarakan sawagai garumbungan urang kada bakulihan atawa lambaga lain nang sakadudukan di wilayah baandak.
- Dinaungi ulih garumbungan urang kada bakulihan nang sah sacara hukum atawa lambaga lain nang sakadudukan sasuai hukum nang dipakai di wilayah baandak.
Pagarumbungan uma gasan Kantur Parait pacangan jadi sponsor fiskal, lamun kantur parait nang ngitu kada tadaptar sacara legal sawagai lambaga nirlaba atawa baisi status nang sakadudukan lawan lambaga kada bakulihan. Musti ada pambantaran struktur nang jalas, sahingga pagarumbungan uma kawa babagi lawan kantur parait wan gasan mamustiakan pambantaran sumber daya digawi sasuai lawan nang dikikir. Salihan, misi kantur parait jua manyasuaiakan lawan hukum nang dipakai.
- Umumnya, Pagarumbungan Uma marupakan pagarumbungan mitra lukal Wikimedia atawa pagarumbungan afiliasi Wikimedia nang tadaptar sacara hukum. Tagal, dalam sapalihan kasus, pinanya marupakan pagarumbungan matan luar.
- Pagarumbungan Uma musti mahibaki sarat nang pacangan dimustiakan baimbai ulih Diwan Glubal wan Yayasan Wikimedia.
- Pagarumbungan Uma kada kawa jadi uma gasan babarapa kantur parait.
Kantur Parait pacangan mandapatakan pangakuan wan kawinangan matan komite nang ditunjuk ulih Diwan Glubal, lawan paakuran uncir baasal matan Diwan Glubal. Kantur Parait batanggung jawab lawan Diwan Glubal.
Kantur Parait diharapakan maampah lawan mudil kabaragaman, inklusi, akuntabilitas, wan kasataraan sasuai lawan pambukaan Piagam Garakan.
Kanggutaan wan diritan
- Kantur Parait paling kada baisi matan dua (2) urganisasi afiliasi Wikimedia sawagai angguta pandiri gasan kawa jadi kantur parait Wikimedia. Urganisasi afiliasi Wikimedia musti mansyarati standar sasuai lawan janis afiliasinya salawas talawas matan dua (2) tahun sabalumnya.
- Urganisasi Afiliasi Wikimedia kawa jadi angguta labih matan satu kantur parait, bubuhan angguta matan kantur parait kawa bacaram gasan manjatu kaputusan sasuai mudil panjatuan kaputusan kantur parait sarta manjamin dahal dukungan nang sama.
Partakunan Kumunitas: Parlukah tikas gasan jumlah urganisasi afiliasi nang kawa umpat? (muhun uraiakan jawaban buhan ikam)
- Saikung urang kada kawa jadi angguta kantur parait, tagal kawa dapat dukungan matan kantur parait.
Kantur Parait musti manantuakan mudil panjatuan kaputusan wan kaanggutaannya sarta manantukan bantuk partanggungjawaban gasan kantur parait. Lamun kantur parait mamilih gasan ada sawagai entitas hukum, maka saban kaputusan musti rasuk lawan anggaran rumah tangganya.
Tanggung jawab
Kantur Parait baik ngitu wilayah atawa tematik gawiannya fokus koordinasi wan dukungan di dalam wilayah atawa tematiknya. Kantur parait diharapakan kawa manunjang komunitas Wikimedia nang magun ada atawa nang hanyar sakira buhannya kawa baisi kapasitas wan sumbar daya dalam manjatu sarta manarapakan samunyaan kaputusan sahingga kawa manyasuaikan lawan kaparluan buhannya surang-surang. Maraga ngitu, kantur parait parlu mangambangakan wan maingu pangatahuan dalam dahal nang tinggi di bidang kaharatan buhannya sarta kawa mahubungakan lawan misi Garakan Wikimedia.
Danul ngini baisi panduan gigis ganal nang diusulakan pada dahal nang balain matan kantur parait. Dahal ngitu sawagai ngini:
- wajib - panduan nang wajip digawi ulih saban kantur parait sahingga buhannya kawa mamustiakan akuntabilitas, katarbukaan, wan babujur-bujur tarhadap Strategi Garakan;
- bungasnya - panduan uperasiunal gasan maningkatakan pruyik sarta maulah buhannya labih bakalanjutan wan badampak;
- bulih - panduan nang kada musti bakaitan lawan pruyik ngitu surang, tagal kawa jua manulungi buhannya gasan maandak diri dalam tataran sabukuan.
Wajip
Ruang lingkup wan kaunaan kantur parait nang jalas pacangan ditantuakan ulih kumunitas wan urganisasi sasuai lawan konteks wan kaparluan buhannya. Tagal, kantur parait wajip baisi tujuan jalas nang batujuan dalam babarapa bidang di bawah ngini.
- Gugus dukungan
- Panyadiaan layanan nang kaya koordinasi sumbar daya manusia; palaksanaan panilaian kaparluan buhan anggutanya; palaksanaan panilaian parkambangan buhan anggutanya;
- Pangambangan kapasitas, nang kaya mandukung paulahan kalumpuk wan jua mandukung kamajuan wan pangambangannya; manyadiakan palatihan wan kasampatan pangambangan kapambakalan
- Babantar pangatahuan, nang kaya manyadiakan kaharatan wan saran lawan angguta kantur parait.
- Dukungan sumbar daya, nang kaya manyadiakan sponsor piskal wan manyadiakan pagarumbungan dana atawa kaharatan duit.
- Gugur koordinasi
- Koordinasi wilayah sakulilung paluang jajaringan wan komunikasi
- Koordinasi tematik sakuliling paluang jajaringan wan komunikasi
Bungasnya
Sabalum kantur parait diakurakan, angguta kantur parait nang bapotensi musti manyiapakan analisis nang manampaiakan kantur parait pacangan manyadiakan nilai tambah gasan Garakan Wikimedia. Ngini kada tabaik lawan kaefesienan wara, tagal jua kantur parait kawa mandukung panguatan ilun anggutanya sarta kawa manumbuhakan banyak paluang hanyar. Parlu ditulis hal panting lainnya ihwal parancanaan mudil strategi wan kumunikasi nang maumpatakan urganisasi afiliasi wan pihak saikung urang sarta titir manggawi konsultasi nang rajin. Parlu pamustian bahwa pandapat nang baragam pacangan mamarluakan wayah nang talawas, tagal kawa takulih dampak nang talawas wan kawa dimustiakan bahwa bacaram nang tarait jua basipat mambangun.
Kantur parait bungasnya bacaram lawan urganisasi Wikimedia lain, taumpat jua kantur parait lain, kalumpuk kada rasmi, wan saikung urang nang parlu papadah atawa mananai dukungan. Kantur parait diharapakan titir tahabari barbagai macam kagiatan nang digawi ulih kantur parait wan urganisasi garakan lain, sahingga paling kada buhannya tahu amun ada baisi minat atawa tujuan nang sama (cuntuhnya cara sakira kawa mangambangakan afiliasi hanyar, wan cara malaksanakan acara pambabakan).
Struktur ngini pacangan diampahakan ka dalam standar karagaman, iklusi, akuntabilitas, wan kasataraan dalam manjutu kaputusan sasuai lawan Piagam Garakan.
Bulih
Kantur Parait kawa maatur gasan manggawi acara koordinasi tambahan, nang kaya maadaakan acara wan konferensi, mamulai kagiatan sakuliling panggalangan wan panyaluran dana, bajajaring lawan mitra luar wan manggawi kagiatan advokasi lawan urganisasi baawak hukum nang lain.
Kantur Parait bacaram lawan Diwan Glubal wan Yayasan Wikimedia dalam saluran pamandiran langsung sarta maumpatakan samunyaan angguta entitas surang-surang gasan bakonsultasi strategi lawan tupik lainnya sarta manjaring umpan balik nang diharapakan kawa mauntungakan Garakan Wikimedia dahal dunia.
Manggarumbungakan wan manjulungi duit
- Manggarumbungakan duit
- Kantur Parait dibulihi gasan manggarumbungakan duit wan bakordinasi lawan Yayasan Wikimedia wan prugram paggarumbungan duit urganisasi afiliasi.
- Kantur Parait wilayah kawa manggarumbungakan duit di wilayah buhannya.
- Kantur Parait Tematik kawa marakis atawa mandapat hibah, wan buhannya kawa mandukung lainnya dalam maatur hibah (sponsor fiskal).
- Panjulungan duit
- Kantur Parait kawa manjulung hibah ka anggutanya.
- Kantur Parait nang umpat panjulungan duit magun mamarluakan prusis paandakan sumbar daya nang tabuka.
- Kantur Parait nang taumpat panjulungan duit magun mamarluakan mahabari lawan komite hibah regional.
- Lambaga nirlaba atawa lambaga lain nang satara, kantur parait, wan Urganisasi Induk gasan kantur parait musti maandak hibah lawan angguta kantur parait gasan manindaklanjutakan misi kantur parait wan musti maasi hukum nang ada.
Ihtiar tatebengan
Paiihan wan paupauan paiihan
- Diwan Glubal pacangan mamustiakan prusis sakuling kantur parait wan jua kahinyikan lawan minat wilayah atawa tematik, sarta pacangan mamustiakan ihtiar tatebengannya.
- Yayasan Wikimedia, Diwan Glubal, atawa kantur parait nang hudah ada kada kawa maulah kantur parait hanyar atawa bakalakuan nang kaya Urganisasi Induk atawa kantur parait.
Kaamanan
- Kantur parait musti maasai lawan Kode Etik Universal (UCoC) dalam kaanggutaan buhannya. Lamun diparluakan, Kode Etik Universal kawa diludang sakira kawa manjalasi konteks andakan.
- Kantur parait jua bagawi gasan ihwal panuntungan bacakut dalam ruang lingkup wan kaanggutaan buhannya. Diwan Glubal pacangan maulah awak nang bagawi gasan manuntungakan bacakut di antara samunyaan urganisasi afilias, taumpat jua kantur parait.
Cakut kapantingan
- Diwan Glubal pacangan mangambangakan kabijakan cakut kapantingan nang ada gasan samunyaan kantur parait (wilayah & tematik).
- Kantur parait wan Urganisasi Uma gasan kantur parait kada kawa bakalakuan nang kaya sponsor fiskal atawa pandukung dalam prusis umpat hibah (manulungi paulahan dukumin konsek, pandaptaran, wan lainnya) haratan hudah taumpat di prusis nang sama tagal kapasitas nang balain (misalkan pambantaran duit).
- Kantur parait kada baisi hak tunjuk gasan kursi pamilihan Diwan Glubal maraga angguta urganisasi afiliasi buhannya kada baisi hak tunjuk langsung.
Raraitan lawan entitas lain
- Saikung urang
Sawagai struktur pandukung timbal balik, kantur parait pacangan tabuka gasan mandukung sabukuan Garakan Wikimedia tautam gasan parmintaan nang bakaitan lawan ruang lingkup kantur parait ngitu. Ihwal ngini baarti pihak saikung urang kada kawa jadi angguta kantur parait, tagal buhannya kawa dapat dukungan wan manpaat matan samunyaan kagiatan nang digawi ulih kantur parait.
- Urganisasi afiliasi
Urganisasi afiliasi kawa jadi Urganisasi Uma gasan kantur parait lamun buhnnya hudah tadaptar sacara hukum. Angguta pacangan manulungi mamprioritasakan kagiatan kantur parait wan samunyaan urang taumpat sacara aktif dalam suasana dukungan timbal. Lain angguta kawa umpat dalam kagiatan kantur parait (nang kaya lamun kantur parait maadaakan konferensi wan urganisasi afiliasi nang handak umpat) wan baisi akses sumbar daya takait (nang kaya komite panyalanggara kantur parait maadaakan palatihan gasan angguta diwan pangawas).
- Yayasan Wikimedia
Kantur parait kawa bacaram lawan Yayasan Wikimedia. Taumpat diantaranya koordinasi sakuliling pagarumbungan wan panjulungan duit gasan marasukakan kaasian lawan hukum panggarumbungan duit nang ada; kaamanan sukarelawan wan pagawai; advokasi global; wan pangambangan katarampilan wan kapasitas.
- Diwan Glubal
Kantur parait batanggung jawab lawan Diwan Glubal. Diwan Glubal pacangan mamustiakan struktur wan parinsip umum nang ada di luar Piagam Garakan. Komite Diwan Glubal jua pacangan mamustiakan sistim paaiihan wan paupauan paiihannya.
== Bacaan nang tajauh ==
- Umpan balik legal matan luar gasan danul rancangan ngini di foundationwiki
- Umpan balik legal Yayasan Wikimedia gasan danul rancangan ngini di foundationwiki