| Ի՞նչն է փոփոխվում
Ստորև բերված մի քանի մեկնաբանություններում հարցնում են, թե ինչն է նոր այս նախագծում` համեմատած ներկայիս գաղտնիության քաղաքականության հետ: Որպեսզի աջակցենք խորհրդակցությանը միացած նոր մարդկանց, մենք ուրվագծել ենք հիմնական փոփոխությունները։ Բայց ազատ զգացեք միանալ այս փոփոխությունների վերաբերյալ քննարկումներին այստեղ:
Այն պատճառով, քանի որ ներկայիս գաղտնիության քաղաքականությունը գրվել է 2008 թվականին, այն չէր նախատեսում շատ տեխնոլոգիաներ, որոնք մենք այսօր օգտագործում ենք: Այն հարցերում, որոնցում ներկայիս քաղաքականությունը լռում է, նոր նախագիծը օգտվողներին հայտնում է, թե ինչպես են հավաքվում և օգտագործվում դրանց տվյալները: Ահա որոշ հատուկ օրինակներ՝
- Cookies՝ ներկայիս քաղաքականությունը նշում է ժամանակավոր cookie-ների օգտագործումը և ներկայացնում է այն տարբերությունները, որոնք առկա են պարզապես կարդալու և մուտք գործելով կարդալու և խմբագրելու համար օգտագործվող cookie-ների միջև։ Նոր նախագծում եղած ՀՏՀ-ն թվարկում է հատուկ cookie-ներ, որոնք օգտագործվում են, և կոնկրետացնում է, թե ինչ նպատակներով են դրանք օգտագործվում և երբ է սպառվում դրանց ժամկետը։ Նոր քաղաքականությունը նաև պարզաբանում է, որ մենք երբեք առանց օգտվողների թույլտվության չենք օգտագործի երրորդ կողմի cookie-ներ։ Այն նաև ներկայացնում է այլ տեխնոլոգիաներ, որոնք մենք կարող ենք օգտագործել տվյալների հավաքագրման համար, ինչպես օրինակ հետևելու փիքսելները և տեղում պահպանումը։
- Գտնվելու վայրի մասին տվյալներ՝ մինչդեռ ներկայիս քաղաքականությունը չի վերաբերում գտնվելու վայրի տվյալների հավաքագրմանը և օգտագործմանը, նոր քաղաքականության նախագիծը նշում է, թե ինչպես կարող եք հաղորդել ձեր սարքի գտնվելու վայրը GPS-ի և նմանատիպ տեխնոլոգիաների միջոցով, վերբեռնված պատկերների մետատվյալներով և IP հասցեներով: Այն նաև բացատրում է, թե ինչպես կարող ենք օգտագործել այդ տվյալները:
- Տեղեկատվություն, որը մենք ստանում ենք ինքնաբերաբար՝ ներկայիս քաղաքականությունը հստակ չի բացատրում, որ մենք կարող ենք ինքնաբերաբար ստանալ որոշակի տվյալներ: Նոր նախագիծը բացատրում է, որ մեր սերվերներին հայցեր ներկայացնելիս ինքնաբերաբար որոշակի տեղեկատվություն եք ներկայացնում: Այն նաև սահմանում է, թե ինչպես ենք մենք օգտագործում այս տեղեկատվությունը կայքերը կառավարելու, ավելի մեծ անվտանգություն ապահովելու, վանդալիզմի դեմ պայքարելու, բջջային հավելվածների օպտիմալացման համար և առհասարակ կայքերի օգտագործում ավելի դյուրին դարձնելու համար:
- Տվյալների սահմանափակ փոխանակում. Ներկայիս քաղաքականությունը նշում է, որ օգտագործողների գաղտնաբառերը և cookie-ները չպետք է բացահայտվեն, բացառությամբ, ինչպես պահանջվում է օրենքով, բայց չի մանրամասնում, թե ինչպես են այլ տվյալները տարածվում: Նոր նախագիծը հստակ նշում է, թե ինչպես կարելի է բոլոր տվյալները տարածել, ոչ միայն գաղտնաբառերը և cookie-ները: Սա ներառում է նաև քննարկումները, թե ինչպես ենք մենք կիսում որոշ տվյալներ կամավորներ ծրագրավորողների հետ, որոնց աշխատանքը կարևոր է մեր բաց աղբյուրով նախագծերի համար: Այն նաև ներառում է ոչ անձնական տվյալների տրամադրումը հետազոտողներին, որոնք կարող են դրանց արդյունքներով կիսվել մեր համայնքի հետ, որպեսզի կարողանանք հասկանալ նախագծերը և կատարելագործել դրանք:
- Երբեք չվաճառել օգտվողների տվյալները․ ներկայիս քաղաքականության մեջ սրա մասին հիշատակում չկա։ Չնայած համայնքի անդամները և երկար տարիների խմբագիրները հասկանում են, որ տվյալների վաճառքը հակասում է մեր սկզբունքներին, նորեկները հաճախ չգիտեն, թե ինչով են մեր նախագծերը տարբերվում ուրիշներից, քանի դեռ մենք չենք ներկայացրել այդ ամենը նրանց։ Նոր նախագծի մեջ նշվում է, որ մենք երբեք չենք վաճառի կամ վարձով չենք տա օգտվողների տվյալները կամ չենք օգտագործի այդ ամենը նրանց ինչ-որ բան վաճառելու համար։
- Ծանուցումներ․ մենք ներկայացրել ենք ծանուցումները ներկայիս քաղաքականության նախագծումից հետո։ Ուստի, այն նշված չէ ներկայիս քաղաքականության մեջ։ Նոր նախագիծը բացատրում է, թե ինչպես են օգտագործվում ծանուցումները, ինչպես նաև այն, որ դրանք կարող են տվյալներ հավաքել հետևող փիքսելների միջոցով, և ինչպես կարող եք խուսափել դրանցից։
- Քաղաքականության շրջանակը․ ներկայիս քաղաքականությունը ընդհանուր առմամբ ներկայացնում է իր շրջանակները, և մենք ցանկանում ենք ավելի հստակ լինել, թե երբ է օգտագործվում քաղաքականությունը։ Նոր նախագիծը ներառում է բաժին, որը բացատրում է, թե ինչ է անում քաղաքականությունը և ինչ չի ներառում այն։
- Հարցումներ և կարծիքներ․ ներկայիս քաղաքականությունը չի անդրադառնում հարցումներին և հետադարձ կարծիքիներին։ Նոր նախագիծը բացատրում է, թե երբ մենք կարող ենք օգտագործել հարցումնե և ինչպես ենք մենք տեղեկացնում ձեզ, թե ինչ տեղեկատվություն ենք հավաքում։
- Քաղաքականությունը թարմացնելու ընթացակարգեր․ նոր նախագիծը մասնավորապես նշում է, թե ինչպես ենք մենք ձեզ տեղեկացնելու, եթե քաղաքականությունը փոխվի: Սա համահունչ է մեր ներկայիս պրակտիկային, բայց մենք ուզում ենք հստակեցնել մեր հանձնառությունը. մենք նախապես ծանուցում ենք տրամադրելու գաղտնիության քաղաքականության էական փոփոխությունների վերաբերյալ, թույլ ենք տալու, որ համայնքը մեկնաբանություններ կատարի և այդ փոփոխությունները ապահովելու բազմաթիվ լեզուներով:
Սա, իհարկե, փոփոխությունների ամբողջական ցանկ չէ: Եթե տեսնում եք այլ փոփոխություններ, որոնց մասին հետաքրքրված եք, կարող եք ազատորեն բարձրաձայնել դրանք, և մենք կպարզաբանենք:
Գաղտնիության քաղաքականության նպատակը օգտվողներին տեղեկացնելն է այն մասին, թե ինչ տեղեկություններ են հավաքվում, ինչպես են դրանք օգտագործվում և ում հետ են կիսվում: Ներկայիս քաղաքականությունը իր գրվելու պահին դա բավականին լավ մեկնաբանում էր, սակայն այժմ այն պարզապես հնացած է: Հուսով ենք, որ ձեր օգնությամբ նոր քաղաքականությունը կանդրադառնա նախագծերի վերաբերյալ անձնական տվյալների օգտագործման բոլոր համապատասխան տեղեկություններին:
— YWelinder (WMF) (talk) 01:07, 6 September 2013 (UTC) |
