Hopengiu Wikimedians User Group
Hopengiu Wikimedians User Group sī ūi-tio̍h beh tī Wiki Mûi-thé téng-koân chhui-sak Tâi-oân-cho̍k-gí (Tâi-bûn, Tâi-gí-bûn) só͘ sêng-li̍p ê siā-thoân. Hopengiu tio̍h-sī lán Tâi-oân-ōe só͘ kóng--ê Hó-pêng-iú. Hoan-gêng só͘-ū tùi kòng-hiàn Tâi-oân-ōe ê wiki kè-ōe ū chhù-bī ê hó-pêng-iú chòe-tīn lâi chham-ú.
| Hopengiu Wikimedians User Group | |
| Location | |
.svg)
| |
| Taiwan | |
| Information | |
| Location | Taiwan |
| Country Code | TW |
| Founding Date | 29 November 2022 |
| Language | Taiwanese |
Oa̍h-tāng
editTaⁿ chit-ê siā-thoân chiah tú chhòng-kiàn, chú-iàu ē seng chiàu Tâi-bûn Tha̍k-siá, Tàu-tīn Lâi tī Wiki Mûi-thé téng-koân Siá Tâi-bûn í-ki̍p Soan-thoân Oa̍h-tāng chit 3 ê hong-hiòng kiat-ha̍p Wiki Mûi-thé Ūn-tōng lâi chhui-sak Tâi-bûn. Bī-lâi tán lán ū koh-khah chē hó-pêng-iú lâi chham-ka ê sî, ē koh kui-ōe kî-thaⁿ sin ê oa̍h-tāng.
Tâi-bûn Tha̍k-siá
editTâi-bûn Tha̍k-siá ta̍k Lé-pài 2 Tâi-oân sî-kan àm-sî 8 tiám pòaⁿ kàu 9 tiám pòaⁿ (20:30 ~ 21:30, UTC+8) ē tī sòaⁿ-téng chìn-hêng. Tû-liáu ē siāu-kài ki-pún ê Tâi-bûn Pe̍h-ōe-jī su-siá hē-thóng chi gōa, mā ē lī-iōng Ûiki Tô͘-su-koán lāi-té ê Tâi-bûn bûn-ha̍k chok-phín bûn-pún lâi chò-hóe se̍k-sāi, him-sióng Tâi-bûn bûn-ha̍k.
Tàu-tīn Lâi tī Wiki Mûi-thé téng-koân Siá Tâi-bûn
edit| nî | outreachdashboard |
|---|---|
| 2022-2023 | Chhiáⁿ ùi chia pò-miâ |
| 2024 | Lâi siá Tâi-oân-ōe |
Àn-sǹg chiong wiki kè-ōe siāu-kài hō͘ Tâi-bûn sú-iōng-chiá, hi-bāng ē-tàng chēng-ka Tâi-bûn tī Wiki Mûi-thé téng-koân ê siaⁿ-liōng (jī-liōng). Bo̍k-chêng chú-iàu ē seng chù-tiōng Ûiki Tô͘-su-koán, Wiki Sû-tián, Wikidata kap Commons ê èng-iōng.
| nî | Oa̍h-tāng | Wiki kè-ōe | soat-bêng |
|---|---|---|---|
| 2022-2023 | Wiki Sû-tián Pian-siá | Tâi-gí Wiki Sû-tián | -- |
| 2024 | Wiki Sû-tián Pian-siá | Tâi-gí Wiki Sû-tián |
Soan-thoân Oa̍h-tāng
editBī-lâi ē kui-ōe soan-thoân oa̍h-tāng. Phah-sǹg chio Tâi-oân koh tē ê Tâi-bûn hē ê ha̍k-seng a̍h-sī Tâi-bûn kàu-su lâi chòe-tīn chham-ú. Lēng-gōa, tē-hng ê oa̍h-tāng tiong-sim kap kiong biō mā sī ē-tàng khì soan-thoân ê bo̍k-phiau.
| nî | Oa̍h-tāng | Wiki kè-ōe | soat-bêng |
|---|---|---|---|
| 2022-2023 | Wiki Soan-thoân Oa̍h-tāng | -- | -- |
| 2024 | Wiki Soan-thoân Oa̍h-tāng | -- | -- |
Hóng-būn
editKè-ōe
editBo̍k-chêng tng-teh sin-chhéng Wiki Mûi-thé Ki-kim-hōe ê pó͘-chō͘. Nā ū sūn-lī thong-kòe, hoan-gêng ta̍k-ê chò-hóe lâi tàu-saⁿ-kāng.
Sêng-oân
editŪ siūⁿ-beh chò-hóe chham-ú ê pêng-iú chhiáⁿ tī ē-bīn su-ji̍p 4 ê "~" lâu-miâ.
chham-ka Akamycoco (talk) 11:02, 30 November 2022 (UTC)
góa beh chham-ka Vickylin77amis (talk) 14:05, 30 November 2022 (UTC)
Liân-lo̍k
editBo̍k-chêng pún siā-thoân iáu bô koaⁿ-hong ê email thang-hó liân-lo̍k. Kau-liû a̍h-sī ū jīm-hô būn-tê, chhiáⁿ tī thó-lūn ia̍h lâu-ōe. To-siā.