| 上個 | 2022年第48個禮拜（2022年11月28號禮拜一） | 下個 |
技術新聞：2022年第48週
維基媒體技術社羣帶畀你最新嘅技術新聞⸺就算啲改動唔影響你，都麻煩你將消息傳開去⸺另有其他話嘅版本揀。
最近改咗
- Vector 2022 外觀畫面新加咗個設定，叫 ｢Enable limited width mode⌋；如果你嘅熒光幕有至少1600像素濶，個設定亦都會以一粒掣嘅形式顯示喺熒幕，無論你有冇簽到，都會喺每一頁搵到粒掣。個設定係用來控制用唔用哂熒幕嘅闊度來顯示每一篇文。 [1]
今個禮拜遲啲會改
11月29號起， MediaWiki.org 同所有測試用嘅維基將會行新版嘅 MediaWiki，30號起部份維基百科同所有唔係維基百科嘅維基會行新版，12月1號起所有維基行新版（睇日曆）。- 部分維基將會轉主數據庫，受影響嘅維基喺切換期間會改唔到嘢，爾個狀態只會維持幾分鐘；受影響嘅維基將會分兩批做切換，第一批喺世界協調時11月29號朝早7點，第二批喺12月1號朝早7點。
- 用 SVG 圖像顯示數學公式嘅時候，將唔會再整多張 PNG 圖像畀唔識顯示 SVG 嘅瀏覧器用；咁做係繼2018年2月 PNG 改做唔係預設之後，又一令生成系統現代化嘅工作。 [2][3][4]
- 喺用 Flagged Revisions 嘅維基，用戶貢獻（Special:貢獻）會有新嘅選項，畀你只顯示某用戶未審核嘅編輯。 [5]
預告未來會有乜改
下個星期頭一兩日，喺 ｢Group1｣（第一組）維基（維基同享同元維基除外）嵌入媒體（插入聲畫）嗰陣，由解析器生成嘅 HTML 碼將會採用唔同嘅結構，主要係無障礙方面嘅改善，將來寫 CSS 亦都會易好多，但係可能要更新維基嘅 CSS、自訂嘅 CSS、或者某啲架生。你可以睇下邊啲碼會受影響、點樣更新、同有問題點滙報。 [6]
