Fundraising 2010/Appeal/eml

Jut-as a scrìvar 'n apèl dla cumunità

Un apèl dal fundadór ad Wikipedia Jimmy Wales

Déś an fa, quand a-j-ò tacâ a dascórar a la gint ad Wikipedia, dimóndi gint la m à guardâ cumpaténd-um e cun di śguàrd divertî.

Dgém che in tant i n cardìvan minga che di vuluntàri stramnâ p'r al mónd i psìsan unir-as par métar sù tut insém un cumpèndi dal savér umàn col sól scòp ad cundivid'r-al.

Gnanc un póc ad reclàm. Gnanc un póc ad guadaggni. Gnanc 'n ubietìṿ lugâ.

Déś an dòp, tut i méś, da più ad 380 migliòṅ ad gint i dróvan la Wikipedia, una su tri a 'l incìrca ad quéli ch'i s culégan cun 'l Internet.

'L è al 5° sit web più pupulàr in dal mónd. I prim quàtar i èṅ stâ fat e i èṅ mantgnû par méś ad migliàrd ad dòlar 'd investimènt, a di grup gigantésc ad parsòni in di aśiéndi e campàgni ad marketing a tut spiàṅ.

La Wikipedia invèci l'è quèl ad difarènt in tut da un sit web cumerciàl. L'è al riśultat dal lavór dna cumunità, scrita da vuluntàri un pestèṅ a la vòlta. Anc tè at fa part dla nòstra cumunità. E mè incō a t scriv par dmandàr-at ad diféndar e sustgnìr la Wikipedia.

Insém a psém cavàr-gh-la a mantgnìr-la a gràtis e libra da la reclàm. A psém cavàr-gh-la a mantgnìr-la dispunibila in manéra che tut i pòsan druàr gl'infurmasiòṅ ch'la gh'à dèntar cum i crédan méj.

A psém cuntinuàr a far-la crésar, a far-ag stramnàr in gir al savér e la cultùra dapartùt e mantgnìr-la vèrta a la partecipasiòṅ ad tut.

Tut i an, in cal perìud chè, a s fém viṿ par dmandàr-at a tè e a tut chi àtar mémbar dla cumunità ad Wikipedia ad jutàr-as e dar-as 'n apòǵ cun na dunasiòṅ pìcula ad €20, €35, €50 o quél ch'at vō o at pō dar.

S'at pèns ch'la Wikipedia la sia na fònt 'd infurmasiòṅ – e na fònt 'd ispirasiòṅ – a spér ch'at decidarà ad far-al adès.

I mè augùr più grand Jimmy Wales
Fundadór ad Wikipedia

P.S. La Wikipedia la móstra che la gint cuma nuàtar la pól far dal ròbi straurdinàri. Gint cuma nuàtar i scrìvan la Wikipedia, na paròla dòp cl'àtra. Gint cuma nuàtar i gh daṅ na maṅ a sustgnìr-as, na dunasiòṅ pìcula par vòlta. L'è la dimustrasiòṅ che insém a gh'ém la manéra ad cambiàr al mónd.