Página di Wikipedia Wardando Portrèt 2021

This page is a translated version of the page Wikipedia Pages Wanting Photos 2021 and the translation is 94% complete.
Outdated translations are marked like this.

Wikipedia Pages Wanting Photos 2021

Home Participating Communities Organizing Team Participate Results Resources FAQ & Campaign Rules
Please do not add photos in a language you do not speak. Do not add images without a good caption. In your edit summary, add a good edit summary, and the hashtag #WPWP.

Wikipedia Pages Wanting Photos (WPWP) ta un kampaña anual unda editornan di Wikipedia rònt mundu, proyekto i komunidatnan di idioma di Wikipedia ta añadí potrèt na artíkulo di Wikipedia ku ta falta potrèt. Esaki ta pa promové uso di fail di medionan digital ku a kompilá durante vários kompetensia di fotografia di Wikimedia, kaminata pa saka portrèt organisá pa komunidat di Wikimedia riba páginan di artíkulo di Wikipedia. Portrèt ta yuda mantené atenshon di e lesadó mihó ku un muraya di teksto, nan ta ilustrá kontenido i ta hasi e artíkulo mas instruktivo i atraktivo pa e lesadó.

Wikimedia Commons a haña kontribushon i donashon di miles di imágen a traves di vários programa di promoshon, kaminata di saka portret i konkurso inkluso konkurso internashonal di fotografia manera Wiki Stima Monumento, Wiki Stima Afrika, Wiki Stima Mundu, Wiki Stima Folklor, etc. Sinembargo a usa relativamente tiki di e portrètnan akí den artíkulo di Wikipedia. Awendia, Wikimedia Commons ta kontené miones di portrèt, pero ta un parti mashá chikitu di nan a usa riba páginanan di artíkulo di Wikipedia. Esaki ta un diskrepansia enorme ku e proyekto akí ke eliminá.

Kon pa partisipá

Promé ku bo partisipá ta importante pa lesa e instrukshonnan i reglanan pa partisipashon kompletamente. Si bo no hasi esei bo por keda deskualifiká.

  1. Inisiá un seshon si bo ta registrá kaba riba kualke proyekto di Wikimedia, òf si bo no tin un kuenta ainda, krea un kuenta nobo pa Wikipedia. Bo por krea un kuenta den kualke idioma di Wikipedia inkluso esun di bo mes. Por haña e lista di tur idioma di Wikipedia aki: por usa ún kuenta pa tur e diferente vershonnan di idioma.
  2. Buska un artíkulo ku tin mester di portrèt. Tin hopi manera pa hasi esei. Aki ta sigui algun tep.
  3. Buska un imágen apropiá riba Commons. Buska e imágen usando e título òf kategoria korekto. Tin diferente manera pa hasi esaki. Wak e guia simpel akí pa reuso di medionan. Aki ta sigui algun tep adishonal. Por fabor tene kuenta ku meta di un imágen ta pa amplia komprenshon di e lesadó tokante tópiko di e artíkulo, generalmante dor di representá hende, kos, aktividat i konsepto deskribí den e artíkulo na un manera direkto. E aspekto relevante di e imágen mester ta sentral i bon kla. E imágennan mester ta signifikante i relevante den konteksto di e tópiko i no na promé lugá dekorativo.
  4. Riba página di e artíkulo, buska un sekshon na unda e imágen ta relevante i ta yuda e lesadó komprendé e tópiko. Klek editá i hinka e imágen aden i inkluí un suptítulo kòrtiku ku ta splika kiko e imágen ta representá den e artíkulo. Usa imágen di e mihó kalidat disponibel. No usa imágen di kalidat pober—skur òf no masha kla; ku ta mustra e opheto muchu chikitu, skondé den desòrdu of di manera ambiguo; etcetera—a ménos ku ta apsolutamente nesesario. Pensa bon tokante kua ta e imágennan ku ta ilustrá e tópiko mas mihó. Bo MESTER duna un resúmen di editashon di tur bo editashonnan, "Bista Previo" i hasi e kambionan nesesario. Inkluí e hashtag #WPWP den e resúmen di editashon di tur artíkulo ku bo a mehorá ku imágen. Despues klek riba "Publiká kambionan". Sea asina bon di konsultá: Guia di kon usa hashtagnan di e Kampaña WPWP
  5. Por fabor tene kuenta ku sintáksis di imágen! Si bo ta bai añadí imágen na e bòksnan di informashon den un artíkulo, e sintáksis ta hopi mas fásil — solamente e nòmber di e fail, ke men en bes di [[File:Obamas at church on Inauguration Day 2013.jpg|thumb|The Obamas worship at [[African Methodist Episcopal Church]] in Washington, D.C., January 2013]] simplemente taip The Obamas at church on Inauguration Day 2013.jpg.

Sintáksis di nòmber di fail i suptítulo

Un kachó blanku den un harnas ta kariñá un mucha hòmber chikitu
Un husky siberiano ku ta usa komo animal di karga

Ehèmpel básiko (ku ta produsí e imágen na man drechi):
[[File:Siberian Husky pho.jpg|thumb|alt=Un kachó blanku den un harnas ta kariñá un mucha hòmber chikitu |Un husky siberiano ku ta usa komo animal di karga]]

  • File:Siberian Husky pho.jpg Nòmber di e fail (imágen) mester ta presis (inkluyendo uso di lèter kapital, puntuashon i spasi) i mester inkluí .jpg, .png òf otro ekstenshon. (Image: i File: ta funshoná meskos.) Si Wikipedia i Wikimedia Commons tur dos tin un imágen ku e nòmber spesifiká, e vershon di Wikipedia ta esun ku lo aparesé den e artíkulo.
  • thumb ta rekerí den mayoria di kaso
  • alt=Un kachó blanku den un harnas ta kariñá un mucha hòmber chikitu E teksto alternativo ta intenshoná pa esnan ku no por mira e imágen; kontrali na e suptítulo, e ta resumí aparensiadi e imágen. E mester konkordá ku norma pa aksesibilidat i tin ku menshoná evento, hende i kosnan famoso.
  • Un husky siberiano ku ta usa komo animal di karga E suptítulo ta bini último, i ta duna nifikashon òf signifikashon di e imágen.

Wak en:WP:Sintáksis di imágen ampliá pa mas funshon i opshon. Si bo no ta mira e imágen despues ku bo a chèk e sintáksis kuidadosamente, kisas ela ser poné riba lista pretu.

Reglanan di kampaña

Mester usa e imágennan den artíkulo di Wikipedia entre 1e di yüli i 31 di ougùstùs 2021.

No tin límite na e kantidat di fail ku bo por usa. Tin, sinembargo, diferente kategoria di preis (mira aki bou). Sinembargo, no desfigurá artíkulo di Wikipedia ku portrèt. Añadí un portrèt solamente na un artíkulo ku no tin portrèt.

Mester publiká e imágen bou di un lisensia di uso liber òf komo propiedat públiko. E posibel lisensianan ta CC-BY-SA 4.0, CC-BY 4.0, CC0 1.0.

Partisipantenan mester ta registrá komo usuario di kualke proyekto di Wikimedia. Registrá òf Krea un kuenta nobo riba Wikipedia (Bo por krea un kuenta riba Wikipedia di kualke idioma, pa usa den bo propio WP i riba tur proyekto di Wikimedia). Por haña e lista di tur idioma di Wikipedia aki.

Portrèt di kalidat pober òf kalidat abou en general no ta aseptabel.

  1. E suptítulo di e imágen i e deskripshon mester ta kla i adekuá pa e artíkulo.
  2. Tur imágen añadí mester ta kompañá pa un suptítulo ku ta deskribí di kiko e imágen ta.
  3. Mester pone e e imágennan kaminda nan ta relevante den e artíkulo.
  4. No añadí portrèt na artíkulo den un idioma ku bo no ta papia bon. Usadó ku kada bes ta añadí imágen sin suptítulo, imágen irelevante, etc. por keda deskualifiká.

Partisipantenan mester inkluí e hashtag #WPWP den e Resúmen di editashon di tur artíkulo ku a mehorá ku imágen banda di un resúmen di editashon deskriptivo, por ehèmpel "Mehorando ku un imágen pa bòks di informashon" #WPWP. No hinka e hashtag (#WPWP) den e artíkulo. Sea asina bon di konsultá: Guia di kon usa hashtagnan di Kampaña WPWP


Kon bo ke partisipá na #WPWP?

E sekshon akí ta diseñá pa pas nèchi ku bo nivel di partisipashon na WPWP. Klek riba e botonnan aki bou pa deskubrí e maneranan di partisipashon.

Liña di tempu di kampaña

E Kampaña WPWP ta anual.

  • Start pa manda kontribushon aden: 1e di yüli 2021 00:01 (UTC)
  • Deadline pa manda kontribushon aden: 31 di ougùstùs 2021 23:59 (UTC)
  • Anunsio di resultadonan: 1e di òktober 2021

Kategoria di preis internashonal

Premionan ganadó pa e tres mihó usadónan ku a mehorá mas tantu artíkulo di Wikpedia ku portrèt:

  1. 1e premio ― gift card di US $200 + Souvenir di WPWP + Sertifikado
  2. di 2 premio ― gift card di US $150 + Souvenir di WPWP + Sertifikado
  3. di 3 premio ― gift card di US $100 + Souvenir di WPWP + Sertifikado

Premio ganadó pa e usadó ku a mehorá mas tantu artíkulo di Wikipedia ku oudio:

  • Gift card di US $100 + Souvenir di WPWP + Sertifikado

Premio ganadó pa e usadó ku a mehorá mas tantu artíkulo di Wikipedia ku vidio:

  • Gift card di US $100 + Souvenir di WPWP + Sertifikado

Premio ganadó pa e usadó nobo ku a mehorá mas tantu artíkulo di Wikipedia ku portrèt:

  • Gift card di US $100 + Souvenir di WPWP + Sertifikado

Kategoria di premio spesial pa komunidat árabe

Premionan ganadó pa e tres mihó usadónan ku a mehorá mas tantu artíkulo árabe di Wikpedia ku portrèt:

  1. 1e premio ― gift card di US $200
  2. di 2 premio ― gift card di US $150
  3. di 3 premio ― gift card di US $100

Premio ganadó pa komunidat árabe ku a mehorá mas tantu artíkulo di Wikipedia ku portrèt:

  • gift card di US $50

Kategoria di premio pa Wiki ta Stima Afrika

Premio ganadó pa e usadó ku a mehorá mas tantu artíkulo di Wikipedia ku imágen di Wiki Stima Afrika. Tur aña di WLA years ta bini na remarke... pero pa e promé premio lo konsiderá editashon hasí na kualke idioma ku eksepshon di ingles i franses. Mas info i pa sigui e kampaña aki: Wiki Stima Afrika/WPWP

  • 1e premio - gift card di US $100
  • 1e te ku di 3 premio – souvenir di WLA

Pa bini na remarke:

  1. bo mester añadí #WLA komo hashtag na bo editashon (banda di #WPWP)
  2. bo mester a registrá bo kuenta promé ku yanüari 2021
  3. bo mester a hasi por lo ménos 300 editashon na artíkulo di kualke idioma di Wikipedia promé ku 1 di yüni 2021.