Wikimedia Meta-Wiki

Wikimedia Foundation elections/Board elections/2007/Candidates/Sean Heron/pms

< Wikimedia Foundation elections‎ | Board elections‎ | 2007‎ | Candidates

User:Sean Heron edit


Utent Sean Heron
Nòm vèir Sean Carl Johann Heron
 
Pòst Schwäbisch Hall, Gërmania
Età 23
Pàgina(e) dl'utent de.wikinews en.wikinews en.wikipedia de.wikipedia
Ativ an Wikimedia fin daj 16 d'Avril dël 2004
Proget dont i fom part Wikinews, motobin pòch an Wikipedia
Lenghe che i dòvro an mie contribussion alman, manch soèns an anglèis
Anliure a chèich mia contribussion de.wikinews en.wikinews en.wikipedia de.wikipedia
Mè programa I veuj anandieme ën disend ch'i lo sai che a-i son dij candidà pì competent che nen mi. I vorerìa nen possé Eloquence fòra dal Consej ëd Gestion, për esempi (nen ch'i chërda che lolì a peula rivé, ma lòn a l'é n'àotra facenda :D ...). An tute le manere, i son motobin convint che i farìa almanch l'istess travaj ëd vaire dj'àotri candidà, e a l'é për lolì ch'im presento al vot.

Mia idèja a l'é che al dì d'ancheuj ël but prinsipal dla Fondassion Wikimedia a debia esse col ëd consolidé lòn ch'a l'é stait fait. Sensa dubi, lë stragran chërsùa ch'i l'oma avù ant un temp motobin curt da la fondassion a l'ha mnane a vàire sagrin ant ij temp longh. Ij doj che i chërdo a dovrìo esse trata për prim a son:

  • resté an pé da mira finansiaria (e antramentr buté a la sosta ël livel d'andipendensa che i l'oma) e
  • rivé a arconòsse dj'òbligh moraj, an particolar për lòn ch'a toca j'artìcoj dla Wikipedia che a parlo ëd gent viva (costa a l'é un-a dle rason fòrte ch'a l'han possame a presenté mia candidatura)

Ëd sossì i në parlò dë pì (ma pì a truch e branca) ambelessì.

Dj'àotre ròbe che la gent ch'a pensa dë voteme a podrìa vorej savej a son che ant j'ùltim temp i l'hai lesù vàire ròbe rësgoard a Citizendium, e i chërdo che a ij prinsipi ëd lorlì (j'utent a devo registresse con sò nòm vèir, e espert verificà a contròlo lòn che la gent a la scriv e a l'han l'ùltima paròla) a-i sia da penseje. E che lòn che i l'hai lesù scrit ansima a Wikitruth a l'ha fastudiame.

S'a veul ciameme chèich-còs, për piasì ch'a lo fasa ambelessì: Board elections/2007/Candidates/Sean Heron/questions
Retrieved from "https://meta.wikimedia.org/w/index.php?title=Wikimedia_Foundation_elections/Board_elections/2007/Candidates/Sean_Heron/pms&oldid=5751790"