Wikimedia Blog/Drafts/“It pays itself back in dividends”: NASA and MediaWiki, a natural pairing/ksh
Title ideas
- „Et kumme Divvidände zerök“: De NASA un MehdijaWikki, e natöhrlesch Paa.
Summary
A brief, one-paragraph summary of the post's content, about 20-80 words. On the blog, this will be shown in the chronological list of posts or in the featured post carousel on top, next to a "Read more" link.
- Wi weschtesch et Wikki wohr, woodte mer jewah, wann et Schlemmste wohr wohd - dä Äreijbsjrobb iere ẞööver jeng kappott. Dann wohr et di Jropp, di jemärrek hät, wi jrondlähje dat Wikki wor, wat dreij Enschenjöhre bejunne un onjezallte anndere jrühßer jemaat hatte. Et wor us em däschlesche Lävve nit mih fott ze dänke.
Body
E Fotto vum Eva Cranford, CC-BY-SA-3.0.
Der James Montalvo, der Daren Welsh, un der Scott Wray sin Enschenjöhre em Johnson Space Center vun de NASA en Houston en Texas. Dänne ier Ärbeidsjropp ärbeijd aan su jenannte Roumschpazehrjäng, och bikannd als extravehicular activities (EVAs), udder Aktivitähte vun de Astronaute un Koßmonaute ußerhallef vun enem Roumscheff.
Dä Jrobb ier Ärbeid ömvass et, ene rihsije Wöhl aan Aanjahbe, Ennfommazjuhne un Dahte ze sammele un ze oodene, di mer aan enem Houfe vun Pläz ongerbränge kann. Onlain un offlain. Di Einzelheijte wähde drengend jebruch för et Zihl vun dä EVA-Ärbeidsjropp, un emmer suhzesahre mem Schläppnäz dorsch en öhndlejje Mass aa Aanjahbe fesche ze möße, hät sesch als ene biaachlesche Ziggverbruch erußjeschtalld.
„Mer hatte e Problehm en ons Jrobb, et Weßße faßzehallde,“ säät der James, „Mer hatte Krohm, dä övver fönnef file shares udder jemeinsam Plaateloufwärke verdeijlt wohr. Alles wohr övverall verdeijlt. Nix hädd en Verwalldong vun de Väsjohne jehatt. Met hatte dat Problehm, wat wohr jäz de neuste Ußjahb vun wat, udder sidd_er jrahd heh draan aam ärbeijde, un dat Dahte pä Verdonn fott jeschmeße wohte, udder dat se söns wi fott kohme.
Fröhjer hatte mer versöhk, wikki-aatejje Müjjeleschkeijte en dä Ärbeibsjropp ier Wirke ennzeboue, met annder koßschpelleje Projramme un Saache om Wäb. Dat hät sesch als „ze onbewääschlesch“ eruß jeschtallt un kunnt nit beede, wat för ene johd loufende Bedrihf nühdesch wohr. So kohm mer aan et MehdijaWikki, dat quäll-offe Projramm, wadd esu en Flaggscheffe, wi de Wikkipehdija aam Loufe hällt. Uß däm Bedarf, alles en eijnem, wahßende un aanpaßbahre Plaz zesammezehallde han di Dreij domedd aanjefange, e Wikki för ier Ärbeidsjropp opzesäze.
Der Daren wohr lang ald ene Förschpräscher jewähse vum Mehdijawikki als ene Ongerbou. Jähje Ängk 2011 däht hä dä James överrädde, eijfach ohne Jenehmejong e Wikki op der ẞööver ze donn, un de Ärbeidsjropp hat höösch un en aller Schtelle aanjevange, Sigge dren ze schrihve, zom Ußprobehre udder esuh. Se han dat nit eröm jedrahre, weil se bang wohre, dat dat en dä Öjanisazjuhn velleijsch nit jähn jesinn wohr un öhns ene Baas dat widder ongerbenge künnt, uß Angs udder Skäpsis för enem Wikki als Jrondlaach för de Ärbeijd.
„Et sin di kohmejje Schtigmahs“ määt der James klohr, „Mer han … onser Wikki de ‚EVA-Biblijotehk‘ schtadd et ‚EVA-Wikki‘ jenannt. Et wohr esu ene Nohdeijl dat Wood ‚Wikki‘ en der Muhl ze nämme, en dä Ömjävvong, dat mer et nit han Wikki nänne welle. Esch kann nit sahre, wat för e Schtigmah dadd es, ävver et es doh, beschtemmp.“
„Sällevs hück noch krijje_mer dä Rohd, dat mer et schöze mööte, falls Lück op di Iddeh köhme, Driß eren ze schrihve,“ säht hä, „un mer sin esuh, ährlesch, wäh wöhd doh Driß eren schrihve? Mer kann nit vum Internedd uß drahn. Jehde heh weed bezahlt un es beij de NASA, jehde es e beßje jepröhv woode un dann eez enjeschtallt … mer kann vermohde, Bekloppte udder Beschtußte sin kein derbei.“
Flöck hät der Daren eruß jefonge, wi mih Enffomazjuhne ennjejovve woodte un de Dahte eijfacher ze fenge wohre, dat dat „Projägg em Ongerjrond“ aam affhävve wohr.
„Do hatte mer di Zigg jähje ed Ängk vum Johr 2012, woh de Verwalldong med en et Boht kohm, un et suhzesahre övver Naach vun ‚mer weße nit, ov mer dat welle‘ op ‚me wähde dat alles mem Wikki maache‘ ömjeschwängk es,“ säät der Daren. „Do hatte mer op eijmohl esu enne Ömschlaachpungk, öhnswoh.“
Der James määt kloh, dat se zwai onaffhängeje esu en „Ömkipp-Pongkte“ hatte. Dä eezde kohm, wann de Jrobb en „kretesche Mass aan Enhallde“ em entärne Wikki zesamme hatte un de Kollehje jemärk han, dat dat joht wohr för ene efizjäntere Zohjang zoh de Enhallde.
„Wann dä eeze Ömkipp-Pongk ene Övverjang vun ‚enoffezjäll‘ noh ‚aanjenumme‘ wohr, dann wohr dä zwaite vun ‚aanjenumme‘ op de de eezde un weeschteschßte Plaz för de EVA för Weße ze sammele un faßzehallde,“ säät hä, „Dat Woot ‚Wikki‘ wood mih un mih en jehde Zosammekonnf un Kumferänz jebruch. De Kollehje wohre emmer widder aam schwahde, dat dit un dat em Wikki wöhr udder dat didd un dat en et Wikki jedonn wähde mööt.“
Wi weeschtesch et Wikki för de EVA-Ärbeidsjropp jewohde wohr, wood besönders kloh eines Dahchs, als paßeed es, wad bahl ondängkbaa wohr. Dä Ärbeidsjobb iere ẞööver jeng kappott. Doh wohr et, säät der James, dat di Jobb ensjeamp verschtund, wi jrondlähje dat Wikki-Projäk wohr, wat dreij Enschenjohre aanjefange hatte, un wat vun onjezallte anndere jruhß jemaat wohde wohr. Et wohr de Bahsiß un suhzsahre der Boddem för ier Rutihn jewoode, jehde Daach.
Als en Tahtsaach jidd_et, nävve em Wikki vun de EVA-Ärbeidsjropp, mih wi zehn Wikkis för zohsäzlejje Jroppe. Dä James, dä Daren un der Scott han vill derfun opjesaz. Jeneräll han se erus jefonge, dadd ene ‚kretesche Mass aan Enhallde‘ för der Aanfang parraht ze maache, uß vörhannde Ongerlahre udder Wäbsigge met vill Enfomazjuhne, nühdesch es, öm en Jropp werklesch dohzoh ze bränge, sesch en enem Projäk ze angaschehre. Se han och Överseeschte för de fummellijjere Aandeilje vum MehdijaWikki paraht jemaat, esu wi der Wikitäx un de Schablohne ier Syntax. „Dadd es en de Lück ier dähschlesch Ärbeidsmetohde eren jefloße,“ säht der Daren dozoh.
Aanfänglesch beim Opbou vun de EVA-Ärbeidsjrobb ierem Wikki, han der James un der Daren e Zohsazprojramm ennjereesch, woh mer de Protokolle un Opzeijschnonge vun Träffe un Kumferänze faßhallde kann un se automattesch met dä Sigge verlengke kann, för di se en Bedüggdeneß han. Esu wood et eijnfacher för di Ärbeidsjropp, de Ennfommazjuhne zom Hengerjrond en enem Projäk ze fenge, wadd aam loufe wohr. En annder Wärkzüsch mäht Färve aan Sigge, je nohdämm, wi vill Kollehje drop oppaße. Dat hellef, de Verantwootleschkeit för wadd op jehde Sigg schteihd en Zahle ze faße.
2014 un 2015 han der James un der Daren beeds aan zwei kleijne Kumferänze övver et semantesche MehdijaWikki dejljenumme, en St. Louis en Missouri, un en Wien en Öhsterrisch, öm bäßer ze verschtonn wi se et bäß dat Projramm nözze künnte, woh se de anndere eren jeschwahdr hatte. Se wohre och beijm MehdijaWikki Hackathon vun 2015 en Lyon en Fankrisch. För beijde wohr et ehr eets Hackathon.
„Esch hatt dermet jerääschnet, do hen ze kumme un derbei de jannze Zigg aam Kompjuhter ze hange, wi wild aan de Projramme ze wärrke“ säät der James „Et wohd ävver en reschtesch johde Meschong dervun, un Minnsche ze träffe un eijfach ze lihre un verschtonn, woh di de Anndere de jannze Zigg drahn aam ärrbeijde wohre.“
Derwihl se en Lyon wohre, han der Daren un der James met anndere Äntweklere jeschwahdt övver et offlain-Synchronnesehre vun dä Dahte en ehrem Wikki, öm se wann müjjelesch op dä engernazjonahle Roumschtazjuhn ze benözze. Em Momang, äklihrt der Daren, wöhr de Verbendong nohm Wikki vun doh zoh lantsahm un zoh waggelsche, als at mer vill met aanfange künnt.
„Om Hackathon wohr eine vun dä Vördrähsch vun dä Biblijotehke ohne Jränze, un dä jeng dröm, wi se en Seekeß för zom Flehje med e paa Kompjuhtere un ẞööver un Ußröstong en en ärsch affjeschihde Jemeinde jebraat han, un dä Lük domet der Boddem bereidt för Viddejohs ze maache, un de Wikkipehdija ze bruche,“ määt der Daren wigger, „E wohr obb_en Aat söhß ze sinn, det mer nit de eijnzejje sin, di sijj enne Kopp öm et offlain-Synchronnesehre maache.“
„Et määd ons och bescheijde, ze dänke, hey, mer donn dat op dä Roumschtazjohn för de Astronaute ennsäze,“ säät hä, „avver doh sin noch all di anndere Lück, di et vill mih bruche wi mier.“
- * *
De Äntweklong vum Mehdijawikki, wi se vun dä EVA-Ärbeidsjrobb en de NASA jedrevve wood, ställt der James faß, es janz ärsch ähnlesch, wi beij de Wikkipehdija. Hä säht, met MehdijaWikki Wäbbsigge em Ongernämme ärbeijde kann veleijsch de Lück mih drop bränge, wi mer de Wikkipehdija als e Wärkzüsch zom zesamme Werrke ennsäz.
„Esch jleuven, dadd es velleijsch eijne vun dä jrühßte Pläz, woh der Jebruch em Ongenämme jät widder_retuhr jävve kann,“ säät_e, „Ed sin blohß mih Lük ennzeweihje. Em Momang dängke se, ‚Esch schrihven nit för de Wikkipehdija, esch han nix ze sahre, un esch weijs och nit, wih mer dermet ömjeiht …‘“
„Wann se en di Jewennde jerohde, ‚och, doh es ene Tippfähler, esch well dä ens eets fott han‘, wann se en de Wikkipehdija sin un jät sinn, wat jrammatesch nit korrägg es udder wat sönns … Dann jonn se hen, un maache di nühdejje Ännderonge.“
Kloh, doh es mih em Lävve vun de EVA-Ärbeidsjropp beij de NASA wi Wikkis opzeboue. Öm Roumschpazehrjäng nohzeschtälle, donn de Ennschenjöre Pröhfonge em Labohr dorschföhre, wat der James „met Affschtannd der bäßte Deijl vun ons Arbeijd“ nännt. Sesch op di su jenannte Schpazehrjäng vörzebereijdde kann ävver aanschtränge. „Dä schlemmste Deijl vun esu enem Schpazehrjang … es, en der Roumaanzoch eren ze kumme. Un dann es der zweitschläächtesde Deijl vum Roumaanzoch aam Ängk vum Daach wider erus ze kumme.“
„Ed es en jecke Saach,“ deiht der Daren derbeij, „en ener Sittewazjuhn ze sin, woh mer och draan ärbeijde well, Wikks opzesäze. Mer han ons sällefs jefrohch, johd, mer han ald en Ärbeijd, di Schpaß määd, sesch aam lohne es un kuhl, un heh dom_mer obb eijmohl jannz jät angersch: e Wikki opboue.“
„Ed es blohß, dat mer ons Ärbeid bäßer jedonn krijje welle, un do för e Wikki aam bruche sin … un et kumme Divvidände zerök. Et määd et leijschter för ons, ons Ärbeid ze donn, et määd ons janz kloh prodoktihwer.“
E Profihle vum Joe Sutherland, Nohreeschte-Offizihr
Engervjuh vum Victor Grigas, Verzäller un Viddejo-Maacher vun de Wikkimehdija-Schtefftong
- De MediaWiki Stakeholders user group es enträßehrd, övver anndere jruhße Enschtetuzjohne ze hühre, di MehdijaWikki aanwännde. Wää övver esu eijn weijß, dä sull en e-mail aan dä Brion Vibber vun de Wikkimehdija-Schtefftong met dä Adräß
bvibber[at]wikimedia[dot]orgscheke.