Open main menu

Wikimedia Foundation elections/Board elections/2007/Eleccom mail, 07-05/pms

Messagì për ij votant dont vot a peul nen contesseEdit

Bondì [username],

Motobin mersì për sò anteresse a j'elession dël Consej ëd Gestion dla Wikimedia. Ël Comità Eletoral a l'ha ël sagrin dë comunicheje che sò vot a l'é stait acetà për eror e a ventrà ch'a sia scancelà, conforma a le régole dj'elession, ch'i-j butoma ambelessì sota.

Ël Comità Eletoral con darmagi a dev buté fòra sta crija rësgoard a la nen regolarità d'anviron a 220 vot arseivù. Sti vot a ven-o da utent ch'a l'han nen ël drit ëd vot. Le régole dj'elession a fisso che un për podej voté a debia avej fait almanch 400 modìfiche a ij 1 ëd Mars.

La lista eletoral che an prinsipi i l'oma passa-je a l'asienda "Software in the Public Interest" (cola ch'a la fa la conta dij vot) a l'era falà, e un dij sò cont a l'é restà ciapà andrinta an sta prima version. A-i era n'eror ant ël programa ch'a conta le modìfiche e parej a l'é mandasse via la lista dij cont che a la data a l'avìo mach 201 ò pì modìfiche, nopà che avej-ne pì che 400. Parej na gran partìa ëd person-e ch'a l'han pa drit al vot a son trovasse abilità a voté fòra dle régole. L'eror a l'é stait rangià e la lista giusta a l'é già staita mandà a la SPI.

Nòstra prima lista (cola falà) a-j dava ël drit ëd vot a 80,458 cont. Ël nùmer ëd votant qualificà ant la lista dla SPI adess a l'é calà a 52,750. Al dì dij 4 ëd Luj (UTC), a l'han votà antra 2,773 person-e, dont 220, chiel/chila comprèis, a l'avìo arseivù soa qualìfica për via dë st'eror-lì.

Conforma a le régole dj'elession, ël Comità Eletoral a scancelerà ës total d'anviron a 220 vot come "nen avent ël drit". La lista dij vot scancelà a la resta publicà a la pàgina https://wikimedia.spi-inc.org/index.php/List_of_struck_votes.

Is rendoma cont che vàire person-e a podrìo avej ëdcò dj'àotri cont con pì che 400 modìfiche, dont a-i podrìa vni-ie sò drit ëd vot. I l'avrìo piasì ch'as provèissa a voté n'àotra vira da 'nt n'àotr cont, s'a 'n n'ha un. Se a 'l l'avèissa nen, i speroma ch'a-i riva a ste-ie andrinta a ij criteri mìnim për j'elession ch'a-i ven-o, e i l'avroma piasì d'arsèive sò vot ant lë vnì.

Sò coment, question ò messagi al Comità an faran motobin piasì, a peul fen-je ant sla pàgina Talk:Board elections/2007/en. Anco' na vira, ch'a në scusa për l'anconvenient.

Cereja, [sign]

Për ël Comità Eletoral dj'Elession dël Consej ëd Gestion dla Wikimedia