Katantuan Panggunoan-Ikhtisar
Katantuan Panggunoan
Iko adolah ikhtisar dari Katantuan Panggunoan nan mudah untuak dipahami. To read the full terms, click here.
Panyangkalan: Ikhtisar ko bukan marupoan bagian dari Katantuan Panggunoan, dan bukan marupoan dokumen legal. Ikhtisar ko hanyolah untuak rujuakan singkek untuak mamahami dari kasaluruahan katantuan. Bayangkan ikhtisar ko sabagai antarmuko nan ramah pangguno untuak manjambatani bahaso hukum nan digunoan dalam Katantuan Panggunoan.
Salah satu misi kami adolah untuak:
- Mamberdayakan dan Malibaikkan urang-urang dari saluruah dunia untuak mangumpulkan dan mangambangan konten pambalajaan dan manerbitkannyo di bawah lisensi bebas atau mandedikasiannyo ka ranah publik.
- Manyebarkan konten ko sacaro efektif ka saluruah dunia, sacaro gratis.
Sanak bebas untuak:
- Mambaco dan Mancetak artikel maupun media-media kami nan lain sacaro gratis.
- Mambagian dan Manggunoan Ulang artikel maupun media-media kami nan lain di bawah lisensi bebas dan tabukak.
- Bakontribusi (jariah) dan Manyuntiang ka babagai situih ataupun proyek kami.
Di bawah syaraik-syaraik barikuik:
- Batangguang Jawek — Sanak batangguang jawek ateh satiok suntiangan Sanak (dek kami hanyo manyadioan tampek untuak konten Sanak).
- Baradab — Sanak mandukuang suatu lingkuangan pangguno, dan Sanak indak mangganggu pangguno nan lain.
- Tingkah laku nan Mamatuahi Hukum — Sanak indak malangga hukum hak cipta atau hukum nan lain.
- Indak marusak — Sanak indak marusak infrastruktur teknologi kami.
- Katantuan Panggunoan jo Kabijakan — Sanak mamatuahi Katantuan Panggunoan di bawah ko dan kasado Kabijakan komunitas nan balaku sangkek Sanak mangunjuangi atau bapartisipasi dalam komunitas kami.
Jo pamahaman baso:
- Sanak Malisensian Jariah Sanak Sacaro Bebas — Pado umumnyo Sanak harus malisensian jariah jo suntiangan Sanak ka situih atau proyek-proyek kami di bawah lisensi bebas dan tabukak (kacuali jariah Sanak ado di domain umum).
- Bukan Nasihaik Profesional — Isi dari artikel dan proyek-proyek nan lain hanyolah untuak informasi samato, dan buka marupoan nasihaik dari kalangan profesional.