¿Qué ye esto?: Los aspeutos culturales d'una llingua son fundamentales porque'l patrimoniu cultural que la mayoría de les sociedaes reciben del pasáu vertébrase al traviés de la so llingua. Ésta ye la motivación principal pa Intercultur, un concursu públicu d'edición pa visibilizar el patrimoniu cultural al traviés de la variedá de llingües qu'esiste n'España.
Consiste'n traducir los artículos esistentes a les llingües que se falen n'España, de manera qu'a la fin del concursu tolos artículos proporcionaos nuna sola llingua tean traducíos a nueve. Los artículos suxeríos apurriéronlos les comunidaes de Wikipedistes de cada llingua, como manera de traducir el patrimoniu cultural del so ámbitu llingüísticu.
¿Cuándo?: El retu d'edición durará dende les 00:01 (CET UTC+01:00) del 1 de febreru de 2017 ata les 23:59 (CET UTC+01:00) de 28 de febreru de 2017. Por eso, namái el trabayu fechu ente estes feches va incluyise nel concursu.
¿Cómo?: El concursu ta basáu nun sistema de puntos KISS: consigues puntos al traducir artículos a les llingües siguientes: aragonés, asturianu, vascu, catalán, estremeñu, gallegu, occitanu y castellanu. L'oxetivu pa cada participante ye algamar tolos puntos que pueda. Les regles de puntuación son les siguientes:
+1 puntu por cada +1,000 bytes de conteníu añadíu en cualquiera de les llingües.
+3 puntos por cada traducción nueva d'un artículu en cualquiera de les llingües.
¿Quién?: Tol mundu puede participar traduciendo y escribiendo artículos. Cualquier Wikipedista con cuenta d'usuariu (en cualquier wiki) puede participar. Pa participar namái precises inscribite na sección de Participantes.
Si yes un editor nuevu de Wikipedia, primero de nada ¡bienveníu! Suxerímoste que consultes Wikipedia:Translation ya Introduction. ¡Te van facilitar les coses! Cuando empieces a escribir, el Manual of Style pue valite d'ayuda. Toes eses páxines esisten en munches llingües (puedes atopales na parte esquierda de la páxina, en "Llingües"). Amás, anguaño ye muncho más fácil contribuyir en Wikipedia qu'antes y ¡nun necesites deprender códigu! Echa una güeyada a Wikipedia:VisualEditor pa más información.
