Licensing update/Result/ia

Le Fundation Wikimedia (WMF) ha proponite que le terminos del licentia de copyright super le wikis sub gerentia del WMF – includente Wikipedia – sia cambiate pro includer le licentia Creative Commons Attribution-ShareAlike (CC-BY-SA) in addition al actual Licentia GNU pro Documentation Libere (GFDL). Isto influentiara tote le texto e multimedia (imagines, sono, video, etc.) actualmente licentiate sub "GFDL version 1.2 o plus recente". Iste cambiamento ha le intention de avantiar le mission del WMF per augmentar le compatibilitate e disponibilitate de contento libere. Ulterior detalios e motivation pro iste cambiamento es explicate in le proposition pro actualisation de licentia e in su FAQ.

Pro determinar le supporto del communitate pro adoptar iste cambiamento, un voto ha essite conducite in tote le sitos de Wikimedia inter le 12 de april e le 3 de maio 2009. Le voto ha essite gerite per voluntarios associate con le comité pro actualisation de licentia e conducite in servitores controlate per le organisation independente sin scopo lucrative SPI.

Resultato concise edit

Resultato del votation super le actualisation del licentia
"Si, io es in favor de iste cambiamento" 13242 75.8%
"No, io me oppone a iste cambiamento" 1829 10.5%
"Io non ha un opinion super iste cambiamento" 2391 13.7%
Total del votos submittite e certificate 17462

Si le votos "sin opinion" non es includite, le percentage Si/No deveni 87.9%/12.1% (15071 votos).

Le passos sequente edit

Secundo le accordo prior, le comité pro actualisation de licentia ha divulgate iste resultato al Consilio de Administration del WMF alcun dies ante su publication. Le Consilio es responsabile del approbation final de omne cambiamento al licentias de Wikimedia.

Michael Snow, Presidente del Consilio de Administration del Fundation Wikimedia, ha declarate:

Le voluntarios laborante a projectos de Wikimedia ha multo fortemente supportate le publication de lor contributiones sub le licentia Creative Commons Attribution/Share-Alike (CC-BY-SA) in addition al Licentia GNU pro Documentation Libere (GFDL). Iste actualisation de nostre terminos de licentia promovera le mission caritabile de Wikimedia, per render nostre projectos legalmente compatibile con alteres que ha preferite le licentia CC-BY-SA. Nostre information libere e contento educative potera esser partite plus facilemente e essera plus facile a usar pro omnes.

Le Consilio de Administration integre ha adoptate le sequente resolution le 21 de maio 2009:

Sia decidite:

Considerante que le communitate de Wikimedia, in un voto general, ha exprimite un supporto fortissime pro cambiar le terminos de licentia del sitos de Wikimedia, e considerante que le Consilio de Administration ha previemente adoptate un resolution super le actualisation del licentia requestante que un tal cambiamento sia rendite possibile, le Consilio declara per isto su intention de implementar iste cambiamentos. Consequentemente, le Fundation Wikimedia exercita su derecto sub Version 1.3 del Licentia GNU pro Documentation Libere de relicentiar le sitos de Wikimedia qua Collaborationes Massive Multiautor sub le licentia Creative Commons Attribution-Share Alike 3.0, con effecto al 15 de junio 2009. Le Consilio de Administration instrue per isto le Director Executive de facer actualisar tote le terminos de licentia de Wikimedia e de facer implementar conditiones de uso consistente con le proposition a Actalisation de licentia.

Pro implementar le cambiamento, le sequente eventos es expectate:

Data Evento
Initio de junio Omne revision final del conditiones de uso proponite es publicate pro invitar commentos. Es publicate le proceduras provisori pro occupar se de contento externe. Es annunciate un strategia pro actualisar patronos in files multimedia influentiate per isto.
15 de junio e postea Post le implementation de eventual modificationes final, le declarationes de copyright e conditiones de uso pro cata sito es actualisate in tote le wikis anglophone. Le directivas de traduction es publicate e le traductiones comencia pro tote le wikis non in anglese. Le files multimedia influentiate es modificate como prementionate.

Detalios del votation edit

Le votation super le actualisation del licentia ha essite conducite durante tres septimanas (ab le 12 de april usque al 3 de maio 2009) in 32 linguas, e ha essite annunciate via un notitia de sito montrate a tote le contributores registrate. Le votation esseva aperte a omne persona con un conto registrate in un projecto de WMF con al minus 25 modificationes ante le 15 de martio 2009, e qui esseva ni blocate ni marcate como robot a iste conto. Le personas qui non satisfaceva iste criterios esseva automaticamente impedite de submitter un voto.

Certification edit

 
Historia de votos submittite durante le periodo de votation de tres septimanas.

Un total de 18692 votos esseva submittite. Post revision, le comité pro actualisation de licentia certificava 17462 de istes como valide. Quasi tote le votos rejectate representava personas que tentava votar plure vices. In le caso de un singule individuo votante plure vices, su voto le plus recente es considerate como valide e omne votos anterior es rejectate. Isto includeva 930 casos ubi un singule conto a un wiki particular esseva usate pro submitter multiple votos. Ancora 256 votos non esseva prendite in consideration a causa de personas votante plure vices sub le mesme nomine de conto ab wikis diverse (confirmate como contos ligate via unification de contos o per altere evidentia technic). Le ultime 44 votos rejectate esseva eliminate pro altere motivos, includente le abuso de contos duple.

Tote le revision del votos ha essite conducite solmente a base del identitate de conto del votator e del evidentia technic associate con isto. Le selectiones in le votos esseva cryptate e non publicate usque post le certification del collection de votos valide. Le votos rejectate nunquam esseva aperite.

Demographia edit

193 projectos de Wikimedia esseva representate per al minus un voto.

Votos Percentage Gruppo
16785 96.1% 102 Wikipedias
397 2.3% 8 projectos "special" (include Commons, Meta, Wikispecies, etc.)
78 0.4% 22 Wiktionarios
72 0.4% 18 projectos de Wikibooks
60 0.3% 17 projectos de Wikisource
30 0.2% 11 projectos de Wikinews
24 0.1% 7 projectos de Wikiversity
15 0.1% 8 projectos de Wikiquote
Le 20 projectos con le plus votos
Votos Percentage Projecto
7528 43.1% Wikipedia in anglese
3104 17.8% Wikipedia in germano
955 5.5% Wikipedia in francese
778 4.5% Wikipedia in russo
738 4.2% Wikipedia in espaniol
507 2.9% Wikipedia in polonese
454 2.6% Wikipedia in italiano
315 1.8% Wikipedia in chinese
274 1.6% Commons
274 1.6% Wikipedia in japonese
235 1.3% Wikipedia in nederlandese
210 1.2% Wikipedia in portugese
158 0.9% Wikipedia in svedese
125 0.7% Wikipedia in hebreo
125 0.7% Wikipedia in hungaro
117 0.7% Wikipedia in finnese
111 0.6% Wikipedia in tcheco
105 0.6% Wikipedia in turco
98 0.6% Meta
78 0.6% Wikipedia in danese